#تعلمت_من_قصة_سيدنا_سليمان١٢#الليله٤٥٧

#تعلمت_من_قصة_سيدنا_سليمان١٢
#الليله٤٥٧
رحبعام اسم عبري معناه "اتسع الشعب" ودا ابن سليمان  من نعمة العمونية وواضح من معنى الاسم هو فخر سيدنا سليمان بمملكته اللى اتسعت ودين الله اللى انتشر و حول كتير من الممالك المحيطه من عبادة غير الله زى سبأ و عبادة الشمس وغيرها من  الاصنام و الازلام واصبحوا يعبدوا الله الواحد

مات سيدنا سليمان وهو تارك وريث لمملكه مترامية الاطراف زى ما قلنا مركزها بيت المقدس وقوامها الاساسى ال١٢ سبط من ابناء يعقوب اللى دخلوا مصر بعد اخوهم يوسف واللى كتروا وتناسلوا واصبحوا شعب كبير فى مصر  وهو الشعب العبرى من ابناء وحفدة من خرج مع سيدنا موسى من مصر هروباً من بطش فرعون 

ف اذا كان الابن الثانى لسيدنا سليمان من بلقيس منليك الاول فاكرينه هو وسلالته حكموا ف اثيوبيا ٣٠٠٠ سنه 
يبقى بقى اللى هيحكم ف اهله وناسه واللى بيحكمهم بعد ابوه سليمان ومن قبله كان جده داود يحكم اد ايه ؟؟
لاء مبدأياً هو مطولش 

وعلشان ادور ع الاسباب توهت وتعبت 
اى والله زى ما بقولكم كده 
بس تعالوا نتفق على الاسباب اللى منها رئيسيه 
ومنها فرعيه 
ومنها كلام اكيد مدسوس على سيدنا سليمان من كذبهم وافتراءهم على الانبياء زى ما قلنا قبل كده 

وعلشان ما يتوهش الافترا بتاعهم على سيدنا سليمان فاحنا هنسوقه ف الاول علشان نفصل بينه وبين الاسباب اللى ممكن تكون حقيقيه
 
اولا : كلام  مدسوس ومفترى  على سيدنا سليمان 

ما قيل من مفتري على سيدنا سليمان فى اسباب سقوط رحبعام 
١ - مثلا قالوا ان سيدنا سليمان كان بيحكمهم بالبطش والسوط والكرباج 
والسخره والتعذيب

ال ... اللى حول مسار الجيش علشان ميأذيش النمل 

ال ... اللى كان شغلته الاساسيه قاضى معينه ربنا سبحانه وتعالى 

ال ... ده كان بيحكم شعبه بالكرباج 

٢ - ان سيدنا سليمان كان مشغول بحكم شعبه وتوسيع مملكته واهمل ف تربية ابنه وسابه لامه العمونيه اللى ربته على عبادة الاوثان
 
ال ... اللى بيقولوا ان ابوه داود عليه السلام هو اللى خطبهاله كانت وثنيه وهى ف بيته وبتربى ابنه على الوثنيه وهم بيقولوا ان رحبعام اتولد وجده داود عايش 

ال ... إتربى على عبادة الاوثان على يد ام كافره طب ابوه سليمان حاشى لله يعنى بس على كلامكم كان مشغول طب وجده داود كان فين وحفيده وابن وريثه بيتربى على ايد كافره لاء وهو اللى راح خطبها كمان .... طب فين المنطق

٣ - قالوا ان بيت سليمان فيه ١٠٠٠ زوجه وجاريه ومحظيه وان دا خلى الولد من الاخر كان بايظ عاش حياة الترف والدلع ف بيت ابوه فاصبح مستهتر ميتحملش مسئوليه 

هو مش انتم بردو اللى قلتوا ان سليمان كان عامل لنعمه العمونيه قصر لها لوحدها على ربوه عاليه ودا من ضمن اسباب كراهية الشعب لرحبعام وامه وانهم طالبوا بهدم القصر دا لمخالفته لشريعتهم فى البناء على مكان مرتفع 

منين عايش وسط ١٠٠٠ جاريه ومنين لهم قصر لوحدهم 

٤ - ان سيدنا سليمان اسرف ف تدليله لما بقى بايظ وصايع ولعبى وانه كان محاط بالترف  والدلع  والحياة الشهوانية الصاخبة
النبى هيعيش ابنه ف حياة الترف والشهوانيه 
ال ... سليمان اللى من كتر ما كان بيخلص ف العباده من صوم والصلاه واقفاً الجن معرفوش انه كان ميت وفاكرينه مبيتحركش علشان واقف يصلى زى ما متعودين منه 
لاء دا بيقولوا انه كان  يطلب فيجاب طلبه في الحال من دلع ابوه فيه

*********
ثانيا الاسباب الرئيسيه اللى من رحبعام نفسه 

ودى هنكملها الليله الجايه باذن الله علشان متتلخفنوش 
نتقابل بكره ؟ ... نتقابل بكره☺
وحكايه جديده؟ ... وحكايه جديده

تصبحوا على خير☺

#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد