#هو_ازاى_تصدق_خرافه #الليله٩٧

#هو_ازاى_تصدق_خرافه

#الليله٩٧

طب هو انت ينفع تصدق ان الجن ممكن تخطف راجل ويروح يعيش معاهم

طب تصدق انه يرجع تانى ويحكى للناس ع اللى حصله 

طبعا مش هتصدق وتقول دى خرافه .. مش كده 

هقولك اه دا فعلا حديث خرافه 

ان كان ياما كان واحد من قبيله اسمها عذره ودا قبل الاسلام 

المهم خطفوه الجن وعاش بينهم فتره وبعدين سابوه تانى ورجع عاش بين البشر وبدأ يحكى اللى حصله لجيرانه واللى شافه هناك من عجايب وغرايب مختلفه عن حياتنا ... بس طبعا محدش صدقه وكلهم قالوا عنه بيكذب او بيتخيل 

الراجل ده اسمه خرافه 

واتعود العرب زمان انهم يقولوا ع الكلام العجيب الغير منطقى انه ((حديث خرافه ))

بس الحكايه حقيقيه ... واللى نبأنا عنها خير الورى صلى الله  عليه وسلم

عن مسروق، عن عائشة - رضي الله عنها - قالت : حدث رسول الله - صلى الله عليه وسلم - نساءه ذات ليلة حديثا فقالت امرأة منهن يا رسول الله كأن الحديث حديث خرافة فقال - صلى الله عليه وسلم - أتدرون ماخرافة ؟ إن خرافة كان رجلا صالحا من عذرة أسرته الجن في الجاهلية فمكث فيهن طويلا ثم ردوه إلى الإنس فكان يحدث الناس بما رأى فيهم من أعاجيب فقال الناس حديث خرافة

يعنى الموضوع حقيقى ... ومش خرافه ولا هو فعلا علشان خرافه يبقى حقيقى

شكلى خرفت 

عموما يعنى 

 

اوعى يخطفوك الجن وترجع تخرف محدش هيصدقك ولا فى نبى يطلع حكايتك صدق ويقول عليك صادق 

بس خلى بالك زمان ايام الجاهليه والكفر والكفار مكنش فى قرآن ولا ايه الكرسى ولا اذكار ولا سورة البقره ولا فى صلاه ولا صلاه على النبى ولا استعاذه من الشيطان

انما دلوقتى مفيش عندك حجه

#حديث_خرافه_مطلعش_خرافه

#انا_وانت_وساعات_الحظر

#ابتسام

بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ٩٧

#ابتسام