#اتعلمت_من_قصة_سيدنا_سليمان #الليله٤٤٥

#اتعلمت_من_قصة_سيدنا_سليمان

#الليله٤٤٥

سيدنا سليمان اتأثر لما سمع النمله بتنادى على اخواته وبتحذرهم  🐜🐜🐜🐜

(( حَتَّىٰ إِذَا أَتَوْا عَلَىٰ وَادِ النَّمْلِ قَالَتْ نَمْلَةٌ يَا أَيُّهَا النَّمْلُ ادْخُلُوا مَسَاكِنَكُمْ لَا يَحْطِمَنَّكُمْ سُلَيْمَانُ وَجُنُودُهُ وَهُمْ لَا يَشْعُرُون))َ سورة النمل (18)

يعنى سيدنا سليمان  مش بس سمع دبة النمله لا دا سمع صوتها وفسر كلامها وهو شئ لو تعلمون عظيم 

واحس بقيمة النعم اللى ربنا عطهاله وطلب منه سبحانه انه يعلمه ازى يشكره عليها 

مع انها حشره صغيره لكنه احترمها ... وابعد مسار جيشه عنها

احترامه للحشره مكانش من اهميتها ... لكن كان من الرساله اللى وصلتله من خلال انه قدر يفهم لغتها ويوصل لمسامعه صوتها مع بعد المسافه وضعف الصوت ... سيدنا سليمان حن عليها وبعد جيشه عن طريق مساكنها

وف قصة سيدنا سليمان او قصصه اللى ذكرها القرآن  عبر تانيه 

زى مثلا لما كان من حبه للخيول 🐎🐎🐎🐎🐎 بيقضى معاها وقت كبير يدربها ويلاعبها ويهتم بيها

بس لما سرقه الوقت معاها وفاته صلاة العصر من شدة ندمه ولانه خاف ان ده يتكرر تانى وعلشان يعاقب نفسه ضرب منها السوق والاعناق 🐴🐴

في سورة ص : وَوَهَبْنَا لِدَاوُودَ سُلَيْمَانَ نِعْمَ الْعَبْدُ إِنَّهُ أَوَّابٌ (30) إِذْ عُرِضَ عَلَيْهِ بِالْعَشِيِّ الصَّافِنَاتُ الْجِيَادُ (31) فَقَالَ إِنِّي أَحْبَبْتُ حُبَّ الْخَيْرِ عَن ذِكْرِ رَبِّي حَتَّى تَوَارَتْ بِالْحِجَابِ (32) رُدُّوهَا عَلَيَّ فَطَفِقَ مَسْحًا بِالسُّوقِ وَالْأَعْنَاقِ (33)

امعانا منه ف انه يألم نفسه وهو بيقطع رجليها ورقبتها 

مع انه بيحب الخيول ومش بيحب النمل الا انه حافظ ع النمل لانه ذكره بنعم ربنا عليه ... وقتل الخيول لانها نسته ذكر ربنا

#الخلاصه

نتعلم من كده اننا احيانا ممكن نبعد عن حاجه بنحبها لانها بتبعدنا عن ربنا وبتضر علاقتنا بيه ...

 هوى النفس لازم نكبحه ونفرمله لاننا بنحبه اه بس بيضرنا سيدنا سليمان مقالش هخلى بالى المره الجايه واسيب الخيل ف الوقت المناسب لانه عرف انها مدخل الشيطان له فقطع على الشيطان مداخله 

وده اللى نتعلمه من درس سيدنا سليمان

بس يا ترى هى دى الحكايه اللى حقيقى حصلت ان سيدنا سليمان قتل الخيول 

ولا فى اراء تانيه ف الموضوع ده 

دا اللى هنتكلم فيه الليله الجايه باذن الله  

#يارب_اكون_فهمت_صح

#ابتسام