#تعلمت_من_قصة_سيدنا_سليمان٤ #الليله٤٤٨

#تعلمت_من_قصة_سيدنا_سليمان٤

#الليله٤٤٨

و قالوا كمان  انه اتى امرأته وهى حائض فاتعاقب بالنبذ وانه اصبح جسداً

والطف ما قيل منهم انه احتجب ٣ ايام لم ينظر فى امر الناس لان زى ما احنا عارفين انه كان وارث القضاء من ابوه سيدنا داود عليه السلام فلما امتنع عن الحكم بين الناس  ابتلىّ 

طبعا الكلام اللى اتقال عن الشيطان اللى اخد الخاتم بكل قصصه كلام فارغ وهى النبوه بخاتم اللى يلبسه يبقى نبى حتى ولو كان شيطان والقصص بتاعة الخاتم دى كتيره اوى وراح للناس وقال شحتونى مش عارفينى انا نبى الله سليمان فواحد ضربه على دماغه عوره وبعدين صعب عليهم ادوله سمكه يفتحها وياكلها فلقى فيها الخاتم بتاعه 

الله ؟

مش هو الخاتم ده اللى كان لبسه الجنى ؟؟🤔

فلما لبس الخاتم رُد عليه بهأؤه فاتلمت عليه الطيور فالناس عرفت انه نبى الله الملك سليمان و جت له اعتذروا عن اللى عملوه 

اما الكلام بتاع الزوجات فده حديث صحيح وهنزل ف الكومنتات النصوص المختلفة اللى ذكرته 

يبقى لا النبوه خاتم ف ايد اللى لابسه لو اتخلع اتخلعت النبوه 

ولا الكلام عن الزوجات دى تصح كافره او حائض او من غير اليهود كلها سخافات 

ومن القصص القذره بردو ان الابن اللى بيقولوا انه الجسد الملقى على كرسيه كان ابنه من زوجته المفضله واللى علشان يتجوزها قتل جوزها و وهى اتحكمت فيه من شدة حبه لها اجبرته انه يعتبره ولى عهده كملك  وامرته ان دا يكون الملك بعده على بنى اسراeيل ف لما وافق اتولد كده جسد 

طب هو ايه اللى ممكن يكون حصل 

ف رأيى المتواضع انه ممكن يكون عمل ذنب ما والانبياء لانهم منزهين فالخطأ منهم كبير ولو كان ذنب صغير زى سيدنا يونس لما ترك قومه بدون امر الله فكان عقابه ف بطن  الحوت 

ف مع انه ف نيته انه يقول ان شاء الله الا انه نسى او انه اكتفى بالاقرار اللى ف داخله ان كله بارادة الله ومشيئته 

وبالتالى

سيدنا سليمان فُتن (وَلَقَدْ فَتَنَّا سُلَيْمَانَ) يعنى ربنا امتحنه وممكن اداؤه لم يرضى عنه الله فعاقبه (وَأَلْقَيْنَا عَلَىٰ كُرْسِيِّهِ جَسَدًا) كعقاب من ربنا له 

بس هو حس بخطأه فتاب عنه (ثُمَّ أَنَابَ )

لما اناب او يعنى تاب  ربنا رضى عنه وغفرله 

مش بس كده 

دا سأل ربنا عطأ ضخم جدا لم يؤت احد من قبله 

( قَالَ رَبِّ اغْفِرْ لِي)

دليل على احساسه بالذنب اللى اقترفه 

بس ربنا مش بس غفرله دا كمان 

نفذ طلبه الصعب 

 (وَهَبْ لِي مُلْكًا لَّا يَنبَغِي لِأَحَدٍ مِّن بَعْدِي ۖ إِنَّكَ أَنتَ الْوَهَّابُ)

يعنى طلب ملك محدش يقدر ياخده من بعده 

 (فَسَخَّرْنَا لَهُ الرِّيحَ تَجْرِي بِأَمْرِهِ رُخَاءً حَيْثُ أَصَابَ (36) وَالشَّيَاطِينَ كُلَّ بَنَّاءٍ وَغَوَّاصٍ (37) وَآخَرِينَ مُقَرَّنِينَ فِي الْأَصْفَادِ (38) هَٰذَا عَطَاؤُنَا فَامْنُنْ أَوْ أَمْسِكْ بِغَيْرِ حِسَابٍ (39) وَإِنَّ لَهُ عِندَنَا لَزُلْفَىٰ وَحُسْنَ مَآبٍ (40) ص

بقى بالله عليكم وعليهم ينفع التكريم ده كله لنبى من الله وييجوا اخوانا البعدا يوصموه بالفظائع دى 

عموما حكايات سيدنا سليمان كتيره

زى حكايته مع سبأ 

او حكايات محاكماته 

واللى يمكن كلكوا عارفينها بس بنحبها ونحب نحكى فيها

هنكمل الليله الجايه ف حكايات جديده اتمنى انها تعجبكم

#يارب_اكون_فهمتها_صح

#ابتسام