#حرب_البسوس_ج٥_والاخير #الليله١٣٣

#حرب_البسوس_ج٥_والاخير
#الليله١٣٣
وزى ما حكينا النهايه اللى ذكرت عن موت عدى المهلهل الزير سالم ودا اسمه لوحده 
هنقول القصه التانيه لموته واللى لا تقل عنها شجن وميلودراميه 
#القصه_التانيه_لموت_الزير_سالم

ان هو زهق وملّ فاقترح عليه الجرو  ابن اخوه انه يخرج للتنزه 
ايوه .. انت قرأت صح ابن اخوه كان اسمه الجرو طب مش يعملوا حسابهم انه هيكبر وهيبقى راجل فيقولوا الكلب علطول 
خصوصا وان ابوه كليب 

متفهمش ناس معندهاش بعد نظر

وعلفكره الجرو كان فارس وبطل و شاعر مفوّه 

وبمناسبة اسم الجرو
(  هجرس ابن الجليله وكليب معنى اسمه  ذئب او قرد) 

المهم الجرو لقى عمه زهقان

مش يشتركله ف نتفلكس ويروح عنه 

او ياخده اسبوع  تركيا ولا اسبانيا ولا حتى شرم او   مارينا

لاء دا كل اللى قدر عليه انه ركبه هودج حط معاه كل ما يحتاجه  وبعت معاه عبدين ف خدمته 

يفسحه فى الصحراء هو دا اللى قدر عليه 😏

العبدين  بعدوا شويه عن مضارب القبيله 
الا و العبدين تعبوا وزهقوا 

واتفقوا يقتلوه ويدفنوه مكانهم 

وهو يعنى اهله هيبعتوا المعمل الجنائى يشوف سبب الوفاه 

وهو بقى  سمعهم وهم بيتفقوا بس الديب العجوز متكلمش وفكر كده 🤔
بس طيب انا هعمل ايه ؟؟؟ 
مش هيقدر يقاومهم !!!!
دا شيخ عجوز ...  وهم شباب اقوياء 

علشان كده ندهلهم وقالهم انا حاسس  اجلى بيقرب وانى هموت
وعاوز احفظكم شعر تقولوه لاولاد اخويا
وانشدهم 

مَن مُبلِغ الأقوام أنّ مُهلهلاً...
 لله دَرُّكما ودَرُّ أبيكما

فضل يكرره عليهم لحد ما حفظوه كويس واطمن 
وهم كمان اطمنوا ان معاهم الدليل ان الراجل مات موتته ربنا 

وبيوصى اهه قبل ما يموت 
يعنى موته طبيعيه ومحدش هيشك فينا
فقتلوه ودفنوه 

وراحوا للجرو مطمنين وقالوله بيت الشعر 

ساعتها نده الجرو على اخته اليمامه ( ودى غير زرقاء اليمامه ) وبلغها الخبر وبيت الشعر 
بس اليمامه ذكيه 

وقالت له عمك عمره ما يقول بيت شعر ناقص 

عمك يقصد يقول : 

مَن مُبلِغ الأقوام أنّ مهلهلاً أضحى قتيلاً في الفَلاة مُجندَلاً .:. 
 لله دَرُّكما ودَرُّ أبيكما

يعنى عمك اتقتل زى ابوك 

جابوا العبدين ومع التحقيق والتعذيب اعترفوا انهم قتلوه 

وبكده اصبح الزير سالم كان بباخد ثاره وهو حى وهو ميت 

اخيرا 
الثار عمره ما جاب الا الحرب و الخراب 
واللى مش مصدقنى يشوف ذئاب الجبل للمره العشرين

معلومه اخيره بعد ما القصه خلصت 

فى ناس قالوا انهم تبع جساس
وان بعد ما انتصر عليهم الزير سالم اتشردوا ف الارض والبلاد خصوصا بعد ما حكم عليهم الزير سالم ميركبوش خيل وميركبوش الا الحمار 

الناس دول هم الغجر 
هل ده صحيح 
وليه بينسبوا نفسهم للطرف المهزوم 
اتمنى نعمل رحله عبر الزمان والمكان 
مع الغجر نتعرف عليهم وعلى حياتهم اللى مختلفه تماما عن اى شعب ف العالم 

#ايام_العرب
#الزير_سالم_مات_اخيرا
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد