#جلد_الحمار_ج٣ #الليله١٣٦

#جلد_الحمار_ج٣
#الليله١٣٦
تصدقوا دبح الحمار 
الملك ده يا اما اتجنن ياما الدهب كان بيبقى رييييحته وييييحشه ف قرر يستغنى عن خدمات الحمار الجليله 

بس بردو دا بيدل على الاصرار الغريب اللى عند الملك انه يتجوزها 
والبنت ومعاها الجنيه فرغت حيلتهم ومفيش طلبات تعجيزيه  تانيه اكتر من كده ممكن يطلبوها من الملك 

علشان كده الجنيه بتاعتها  قالتلها ما ينفعش تبقى هنا  اكثر من كده 

دا دبح  الحمار🦓 ابو كيكى💩 دهب🪙 

انت لازم تهربي استخبي تحت جلد الحمار السحري ومحدش هياخذ باله منك و انت بتهربي 

وانا المكان اللي هتوصلى له وتفضلي فيه هاجي لك فيه اجيب لك كل جواهرك ولبسك و حاجاتك

وفعلا لما جاء الليل البنت هربت مستخبيه في جلد الحمار السحرى اللى مخلاش حد يشوفها وهى بتهرب من القصر 

فضلت فتره كبيره اوي تبعد وتمشي لحد ما وصلت ل مملكه بعيده وهناك مكنش قدمها الا انها تدور على شغل تعيش منه بس كان لازم تفضل مستخبيه ف جلد الحمار لان دى هى كمالة التعويذه بتاعت الجنيه 
دورت كتير بس محدش كان راضى بيها بسبب شكلها وهى لابسه جلد الحمار اللى كان يخوف اى حد بقرب منها او يقبل انها تشتغل عنده 

وف الاخر اشتغلت خدامه عند مرات مزارع في الغابه الست كانت قاسيه ومعندهاش قلب علشان كده مفرقش معاها شكل البنت بس المهم انها تنفذ اوامرها وتعمل اللى بتطلبه منها وطبعا البنت بعد الجوع والاحتياج مكنش قدمها الا انها تقبل

فكانت  بتخليها تنظف زريبه البهايم  وتكنس و تمسح وتطبخ وتعمل كل حاجه في البيت 

والبنت يا حرام ساكته ومش قادره تفتح بقها 
بتقول كله يهون وما اتجوزش اللي كنت باعتبره ابويا في يوم من الايام 

واستمر الحال كتير ....

بس ف يوم من الايام امير البلاد كان بيتفسح في الغابه وشم ريحة شهيه وقرب يعرف مين اللى عمله 

- راجل طفس همه على كرشه - و شاف الكوخ اللي في وسط الغابه

وفي الوقت ده كانت البنت خلصت كل الشغل المطلوب منها وهى دلوقتى  في الراحه بتاعتها بعد ما خبزت الفطير  اللى كانت اتعلمت طريقته من مامتها

وبما انها خلصت شغلها عارفه ان الست اللى مشغلاها مش هتطلبها تانى  فكانت قاعده في الاوضه اللي بتقعد فيها لوحدها وهى مطمنه و كانت شايله من على ظهرها جلد الحمار ومطلعه لبسها اللى شبة الزمن والقمر والشمس وجوهرها وحاجاتها اللي كانت حصلتها الجنيه بيهم

الامير انبهر من جمال البنت وعجبته قوي ورجع لامه وقال لها انا عايز اكل فطيره تعملهالي  البنت من اللي عايشه في الغابه في كوخ هناك وبعت الجنود وطلبوا  ان هي تعمل لهم الفطيره 

البنت وهى  بتعمل عجينه الفطيره وقع منها الخاتم بتاعها في قلب عجين  الفطير ساعتها اول ما جاء الامير ياكل ... شاف الخاتم

طب وهو حد يعجن وهو لابس ف ايده خاتم 😏

شغل التماحيك ده🙄

علفكره فكرتنى بخاتم تانى ف حكايه تانيه (النص فرخه ) بس نسيت اجزاء منها مع انها جميله اوى ربنا يذكرهالى 
او لو حد عارفها يفكرنى وله الاجر والثواب 
اه نرجع للحدوته هو شاف الخاتم من هنا ...ونكمل بكره بقى😊

#هو_فى_حد_يعجن_وهو_لابس_الخاتم_شغل_التماحيك_ده😏
#ابتسام
بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ١٣٦
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد