#الامتحان_ج٢ #الليله٤٨٨

#الامتحان_ج٢
#الليله٤٨٨
حكينا الليله اللى فاتت عن اليهودى اللى ربنا رزقه المال من وسع وهو وسع ع اللى حواليه فربنا خلاه يفضل غنى ف شبابه وف شيخوخته 
والحدوته المره دى كان بطلها واحد من المسلمين مش يهودى 
لاء ومش اى مسلمين دا كان من عهد النبوه ومش بس كده دا كمان كان بيتكلم مع الرسول وجهاً لوجه يا سعده يا هناه 
مين الصحابى ده كان اسمه ثعلبة بن حاطب الأنصاري واحنا عارفين انصارى يعنى من اهل المدينه المنوره 
ف يوم راح ثعلبه للرسول عليه الصلاه والسلام وقاله : يا رسول الله .. ادعى لى  ان ربنا يرزقني مال ف الرسول الله صلى الله عليه وسلم قاله : (ويحك يا ثعلبة؛ قليل تؤدى شكره خير من كثير لا تطيقه)
يعنى احمد ربنا يا ثعلبه واشكر بنا علشان الحِمل لما يكون صغير هيكون سهل عليك تشكر ربنا عليه ... انما الكتير هيكون حِمل الشكر هيكون ثقيل عليك  يا ثعلبه

عدى كام يوم الا وراح ثعلبه للرسول صلى الله عليه وسلم مره تانيه وقال : يا رسول الله ادعى الله أن يرزقني مال 

تانى يا ثعلبه دا اللى بينصحك من لا ينطق عن الهوى هو شايف نفسك وميلها وعارف ان الفقر لك نعمه ورحمه 
وتانى كان رد النبي عليه الصلاة والسلام : (أما ترضى أن تكون مثل نبي الله؛ فوالذي نفسي بيده لو شئتُ أن تسير معي الجبال ذهبا وفضة لسارت)

يعنى انا قدامك اهه لو كنت عاوز جبال دهب وفضه ومش بس كده ... لاء دى تمشى معايا مكان ما اروح 
اهمد بقى يا ثعلبه وخليك زى نبى الله قدوتنا 
ويرد ثعلبة: (والذي بعثك بالحق لئن دعوتَ الله فرزقني مالا لأُعطين كل ذي حق حقه)
جيبتها زى ما نطقها ثعلبه 
يعنى ادعيلى انت بس وانت تلاقى ان ربنا لما هيدينى هدى كل صاحب حق يعنى الفقير والمسكين واولى القربى واى حد يستحق مال هبشبشه من المال اللى معايا 

وزهق منه رسول الله زهق من نصحه 
ودا يرجعنا لقصة اوناسيس وعيلته واللى كان بيمثل قارون هذا العصر 
المهم نرجع لعم ثعلبه 
رسول الله صلى الله عليه وسلم دعاله وقال : (اللهم ارزق ثعلبة مالا)

و جاب  غنم يربيه فكانت بتكتر وتكتر وبيقولوا  
((فاتخذ غنما فنمت كما ينمو الدُود))
 فضاقت عليه المدينة
يا زيدى يا زيدى دى اتبشبشت ع الاخر 
 فساب المدينه واقام  فى وادي  من أوديتها

وانشغل بغنماته وثرواته لدرجة انه كان  بيصلي الظهر والعصر في بس ف الجماعة ويسيب الجماعة ف باقى الفروض  

ثم زادت تانى وكترت وكثرت 
يا ترى هتعمل ايه تانى يا ثعلبه
نكمل الليله الجايه
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد