#عظامى_ولاعصامى٧ #الليله٤٨٣ #الحكايه٤_ج٢
#عظامى_ولاعصامى٧
#الليله٤٨٣
#الحكايه٤_ج٢
انا اخسر؟؟
لاء دا انا ....
ايه دا هو انا مقولتش باقى اسمى ايه؟
انا ارسطو اوناسس
لو سمعت اسمى قبل كده يبقى عارف انا مين كويس
اما لو مسمعتش اسمى قبل كده يبقى روح دور على معلومات تانيه عنى غير اللى بتقولها ابتسام لانها بتختصر اوى
انا زعلان منها على انها شِبه بتكروتنى
بس عازرها اصل القراء عندها خلقهم ضيق و هى بتخاف تقع ف فخ الاسهاب فتبقى ممله
نرجع لشركة صيد الحيتان اللى افترض العالم كله انى خسرت بسبب الاعتراضات العالميه على صيدهم
بس الحقيقه انا كسبت
لانى بعتها لشركه يابانية ب ٨.٥ مليون دولار
اسكت ؟؟
لاء اشتريت شركة الطيران اليونانية اللى بتخسر وحولتها لشركة خاصة ناجحة وتحقق أرباح
واتنقلت لمدينة نيويورك في أمريكا وهناك بنيت إمبراطوريات و شركات
ودلوقتى بقيت صاحب اكبر شركات التبغ وتجارة وتصنيع السفن دا غير شركة صيد الحيتان وشركة الطيران
اسكت ؟؟
لاء البترول
البترول بقى من اكبر واهم مصادر الوقود ف العالم ومع التطور الصناعى وانتشار الصناعه ف العالم كله بقى البترول عصب الاقتصاد
علشان كده عملت اتفاقيات طويلة الأمد مع شركات البترول في امريكا والسعوديه وفنزويلا
انا اصبحت متحكم بأكثر من ٩٥ نشاط تجاري علي مستوى العالم
وبمتلك جزر خاصة به مثل جزيرة سكوربيوس
ووصلت ثروتى أوناسيس في الستينات إلى المليار دولار وهو رقم لو تعلمون رهيب فى ذلك الزمن
واتجوزت واتجوزت بنت اكبر منافس ليا أثينا ليفانوس
ودا مش اى راجل دا كان من كبار رجال الاعمال وبكده سندت نفسى اوى ف اليونان وخارجها تينا او اثينا كانت ١٨ سنه واما ٤٦ وخلفنا ولد وبنت واطلقت اثينا مستحملتش تشوفنى بخونها مع صاحبتها
وانا صراحه كنت مقطع السمكه وديلها
بس تخطيت موضوع الطلاق واتجوزت تانى ومش اى جوازه انا اتجوزت اشهر ست ف العالم كله
اشهر سيده اولى مرت ع البيت الابيض
اتجوزت من ارملة جون كينيدى
جاكلين كينيدى
اللى بعد ما تجوزتنى بقى اسمها جاكلين اوناسيس
فى صور تحت لجاكى معايا ومع رئيس امريكا مش بزمتكوا انا احلى منه
للاجيال الجديده اللى متعرفنيش
اللى عملته كتير واللى حكته ابتسام ميجيش نقطه ف بحر انتصاراتى الاقتصاديه
انا حرفيا كنت بحول التراب لدهب وكل خساره لاى دوله كانت مكسب ليا
بس يا خساره ف عز القوة انكسر ضهرى و مات الواد اللى كان حلمى انه يورث كل اللى بعمله ده مات وهو عنده ٢٤ سنه
وقصة حياتى هي نموذج مثالي لراجل أعمال ابتدي من عامل تليفون بس طور نفسه من لاشيء لحد ما بقيت مالك لشركات طيران وسياحة وبترول وشحن وتصنيع سفن وصيد حيتان وواحداً من أغنى اغنياء العالم
بس يا ترى تفتكروا ثروتى راحت فين ؟
دا اللى ممكن نتكلم عليه بعدين
انما قولى ؟
#انت_ايه_شغفك؟
#ابتسام
تعليقات
إرسال تعليق