#عصامى_ولا_عظامى٥ #الليله٤٨١ #الحكايه_الثالثه٢
#عصامى_ولا_عظامى٥
#الليله٤٨١
#الحكايه_الثالثه٢
بناء البيوت مش هو شغفى دلوقت
اصلى غيرت نشاطى خطرت ف بالى فكره جديده
هو انا ليه مبنيش فنادق متوسطة
تستهدف متوسطى الدخل بتوفر غرف فندقيه جيدة و بسعر منخفض
يعنى ليه الابهار والفنادق ال٥ نجوم وال٧ نجوم
ايه المشكله لما اعمل حاجه نضيفه ومريحه وغير مكلفه
وقد كان وكسبت وبقت الفنادق بتاعتى بتجذب النزلاء لنضافتها وخدمتها اصل ممكن تقولوا عليها كويسه ورخيصه وبنت ناس
بس ايه ده ؟
رجال الأعمال انجذبوا اوى للاقامه ف الفنادق بتاعتى
اصلك ممكن تطلق على الفنادق بتاعتى ما انا قولتلكم كويسه ورخيصه وبنت ناس😂
و علشان الفئه الجديده اللى انجذبت ليا من غير ما استهدفها باعلانات بالملايين
انا بقى هاحط الملايين دى ف تطوير الفنادق عندى ...
ازاى ؟
تعالى اقولك ...
كل الحكايه انا شوفتهم محتاجين ايه ووفرته بدون مصاريف اضافيه
يعنى ايه ؟
اقولك ...
كمبيوتر ... حاضر
طابعات ...يتوجد يا فندم يتوجد
فاكس ... نشترى يا فندم نشترى
ونجهز فنادقنا بكل اللى محتاجينه ومن غير ما نزود ف التكلفه
طب انت عارف وفرنا ايه للنزيل عندنا كمان ؟
اقولك ...
مكالمات مجانية محلية وإنترنت لاسلكي مجاني و كمان داخل الغرفة
ويعتبر إحنا أول فندق يتيح الحجز أون لاين في العالم كللياته
انها فنادق هوليداي إن يا ساده
ابتدت ب ٣ فنادق ف امريكا سنة١٩٩١
كان حلمى يوصل عددهم حول العالم ف سنة ١٩٩٥ ل ٢٥٠
عارفين وصلوة لكام دلوقتى ٢٢٠٠ فندق
ولسه مكملين
عاوز تعرف بحلم بايه داوقتى بعد ما حققت فوق ما كنت احلم ؟
اقولك ... صلى ع النبى
حلمى دلوقتى انى اقابل مديرى اللى طردنى علشان اشكره
لانه اتسببلى انى اكون واحداً من أكبر مليارديرات العالم كله
او كما قال العالم الكبير احمد شيبه
آه لو لعبت يا زهر واتبدلت الأحوال
وركبت أول موجة في سكة الأموال
أروح لأول واحد احتاجتله في سؤال
كسر بخاطري ساعتها ودوقني ضيقه الحال
أعمل معاه الصح انا وأسنده لو مال
وأقف جنبه فى المحن وأكون طويل البال
وأعرفه ان الفلوس مبتعملش رجال
والحوجة مرة وياما بهدلت أبطال
بس انا لا استنيت الزهر يلعب
ولا ايدى للندل اتمدت
انا ولاس جونسون
This is Sparta
ايه ده هى الافلام دخلت ف بعضها ولا ايه ؟
عموما انا مش ويليام ولاس ف بريف هارت
انا ولاس جونسون النجار اللى بقى ملياردير
#انت_ايه_شغفك؟
#ابتسام
تعليقات
إرسال تعليق