#ليست_السعادة_فى_المال #الليله٤٨٤

#ليست_السعادة_فى_المال
#الليله٤٨٤
علشان تصدقوا ان ليست السعادة ف المال 
تعالوا نتعمق شويه ف حكاية اوناسيس
و يلا نسمع حكايتة 
احنا حكينا ازاى ان اوناسيس خلاص اصبح اغنى اغنياء العالم 
قطب الصناعه والتجاره والصيد البحرى ونقل البترول وزوج جاكى  اشهر امرأة ف العالم ف الوقت ده 
ابنه مسك شركة الطيران وطبعا شاب ومقضيها سفر وطيران 
واذ فجأة يحصل حادث طياره يموت الولد وهو ٢٤ سنه وبيجهز اوناسيس انه يورث كل الامبراطوريه مترامبة الاطراف
مازال موت الكسندر الغامض بيدعو للتساؤل وهو دى حادثه طبيعيه ولا مدبره 
وسبحان الله الحكايه دى اتكررت ف كذا بلد حول العالم فى الهند وسوريا ومسيرنا نحكى عندهم ابن انديرا غاندى وابن حافظ الاسد 
حيث يكون الولد اللى بيكرس انه هيورث كل حاجه مكان ابوه ويخطفة الموت ف عز شبابه ويبقى الولد البعيد او اللعبى او دكتور العيون هو اللى يشيل الليله فاكرين 
((وَلَقَدْ فَتَنَّا سُلَيْمَانَ وَأَلْقَيْنَا عَلَىٰ كُرْسِيِّهِ جَسَدًا ثُمَّ أَنَابَ))سورة ص (34)
ولكن لهذا حكايه اخرى  
ودا ياخدنا للرجل اللى عارف كويس ان كل سعادته ف الدنيا راحت بموت ابنه
وبدأ يرتب الدنيا هتمشى ازاى لو مات 
كرستينا كانت مش طايقه جاكى وحاولت تقنع ابوها ان الوليه جاكلين دى نحس 
وقدمها ناشف على اللى بتتجوزه 
بدليل انها نحست جوزها الاولانى جون كيندى واخوه بوب كيندى
جت لنا العيله واهه اخويا مات 
ولكن دا راجل عملى ومبيسيبش حاجه للصدف ولا تصاريف القدر 
علشان كده بعد موت ابنه قسم ثروته بين كرستينا والمرحوم اخوها 
٤٥%فى صورة مشاريع خيريه على روح المرحوم
و٥٥% هو ورث كرستينا 

طب والارمله الطروب 
جاكى 
لاء دى رمولها شوية فكه كده 
٢٦ مليون دولار غير ال٣ مليون مهر اللى كانت لسه هبراهم لما اتجوزته سنه ١٩٦٨
وفعلا مكدبتش كرستين ومات اوناسيس ١٩٧٥ بعد ابنه ب سنتين 
وساب كرستين 
اللى فقدت اخوها الوحيد ٧٣
وامها انتحرت٧٤
وابوها ٧٥

وورثت وبقت اغنى فتاه ف العالم 
ومن اغنى ١٠٠ شخصيه على مستوى العالم 
بس تفتكروا كانت سعيده 
وهى اغنى نساء العالم وهى عندها ٢٥ سنه 

#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد