#حرب_البسوس #الليله١٢٩

#حرب_البسوس

#الليله١٢٩

احنا اتكلمنا قبل كده عن حروب العرب قبل الاسلام او ما يسمى بايام العرب 

حكينا عن قصه حرب الزباء بنت عمرو ف قصة مثل  #بيدى_لا_بيد_عمرو 👇

https://m.facebook.com/story.php?story_fbid=996572157781525&id=100022862494719

وكمان حكينا عن حرب داحس والغبراء

https://m.facebook.com/story.php?story_fbid=997151971056877&id=100022862494719

الحكايه النهارده بردو تحس انها حكايه لها ابعاد تانيه غير القصه الظاهره 

اللى بتقول بالمجمل 

ان فى ولّيه ندابه سخنت ابن اختها واتسببت ف حرب فضلت ٤٠ سنه 

لدرجة ان العرب طلعوا على الست دى مثل : ( اشأم من البسوس ) 

 

ممكن ف البدايه نحط شوية نقط

 

١ - الحرب دى قامت قبل الاسلام بحوالى ١٠٠ سنه 

٢ - الاحداث بتقع فى منطقة الحجاز فى  الجنوب قرب بلاد اليمن

٣ - ابطال الحرب اولاد عمومه هم اصلهم بنى وائل 

اه ... بنى وائل  متضحوش وائل اسم عربى قديم 

وهو الاصل اللى انقسمت منه بنى بكر  وبنى تغلب 

ما وراء الاحداث ( #الاسباب )

يعنى ايه سبب ان ولاد عم ياكلوا ف بعض كده لاء  و كمان تفضل حرب للمده دى ٤٠ سنه من الغلّ والثأر 

الاصل ف الموضوع ان قبيله بكر اللى زعيمها ربيعه دا  زعيم قبيله بكر و له ابناء منهم   كُليب و بطل القصه 

واخوه الزير سالم ( الشهير بابي ليلى او المهلهل ) كل دى اسماؤه .

واختهم الجميله ضباع

واخيه مرّه وده زعيلم قبيله تغلب و عنده جساس و همام وبنت جميله اسمها الجليله 

الملك ربيعه اغار على الملك الكندي ( هو اسمه كده مراحش كندا ولا حاجه )

المهم عمل معاه الجلاشه وبهدله يسكت الكندى استعان عليهم بالتبع اليمانى الراجل التبع ده مفترى بقى راح باعت جيش اسر عمنا الربيعه وقتله

كده بقى بين كليب والزير سالم تار عند التبع ده وهم لسه عيال صغيرين

وكل الكلام ده بره عن عمهم مرّه 

واذا حب مرّه يوجب يبقى يقود جيشه وياخد تار اخوه 

بس عم مرّه مش بتاع مشاكل علشان كده ..... طنش 

وبعد سننننننيييين كتتتتيييبر ...

كبر  الولاد ...

و لما الملك التبع طلب من عمو مُرّه بنته الجليله وقدمله صناديق دهب مهر لها مرّه عنيه زغللت ووافق و رضى انه يجوز بنته من اللى قتل اخوه ( دقة نقص دى )

ويقال انه هدده ومرّه خاف 

ايا كان هو هيجوز بنته للىىخطف اخوه وقتله 

فى الوقت ده كان كليب كبر واللى ميعرفوش حد ان كليب كان بيحب بنت عمه الجليله 

يعنى الوجيعه جت له من  كذا جيهه ... حبيبته هيتجوزها قاتل ابوه وبايد عمه 

فى الوقت ده كان سالم اخو كليب  ويقال ان اسمه عدى هو كمان كبر واشتهر عنه انه زير نساء وعلشان كده اطلق عليه الزير سالم 

( زير نساء يعنى )

سالم دا بقى واد فرفوش وصايع ومروش وبتاع بنات 

ساب حكم القبيله لاخوه كليب الحِمش الجد ومقضيها اليوم خمر ونساء وغدا .... نعيد تانى احنا ورانا حاجه يعنى 

نرجع للزعيم الجد الحِمش كليب لما عرف ان عدوه هيتجوز حبيبته 

تفتكروا هيعمل ايه ؟؟؟

يسكت ؟؟؟

ولا هيتهور ؟؟؟؟

ده اللى هنعرفه بكره 

#كان_فى_وائل_وهيثم_ورشا

#البسوس 

#ايام_العرب

#ابتسام

بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ١٢٩

#ابتسام