#حرب_البسوس_ج٣ #الليله١٣١
#حرب_البسوس_ج٣
#الليله١٣١
ها تفتكروا ايه ؟؟؟
جاب ميه ولا حواوشى !!!!
ولا جاب اجله !!!!
اكيد طبعا جاب اجله مش عاوزه كلام امال يعنى الحرب تقوم ازاى ؟؟؟
اذ فجأةً .. استوعب جساس اللى عمله
دا قتل الملك ومش اى ملك دا الملك كليب قاتل التبع حسان اليمانى
قتل ابن عمه
قتل جوز اخته الجليله وابو عيالها
الجساس جري على اهله وعمل عيل
وماما ..ماما ..الحقينى يا ماما .. خبينى يا ماما
الحقنى يا بابا
قاموا خدوه وهربوه بعيد
بس طبعا اصحاب الواجب جريوا على الزير سالم
اللى ف الوقت ده كان قاعد مع صاحبه ونديمه همام ابن عمه زميله فى الفسق والعربده والهلس والزندقه
مين همام صاحبه ده ؟؟؟
اخو جساس شوف الصدف يا جدع بصوت عادل امام
جاله الخبر سكت متكلمش و راح الزير سالم خد اخوه ودفنه
وخد عزاه وفضل يقول شعر رثاء فى كليب مده طويله
منه شعر قاله :
كُليب لا خير في الدنيا وما فيها .:. إن أنت خلَّيتها فيمن يُخليها
لما الناس قالوا
اه دا سالم ده توتى فروتى وراجل بيلبس الحرير يكتب شعر عن الغزل والحب
ومضيها الحب الحب بلوبيف بلوبيف
واحد بيحب الحياه الرغده المنعمه ومالوش ف التار وكبيره بيتين رثاء ودمعتين بنقطوا ب بحر الشعر
دا هو اللى قال كمان : ( اليوم خمر وغدا امر )
يعنى كمل حياتك ايزى
وخلصنا على بقى على كده
وهو ف النهايه
كان كليب وراح
كبار القبيله قالوا لاءاااااا
مش هنسكت دة الملك اللى مات
راحوا لمُرّة وقالوله : قدامك ٣ 🥒🥒🥒
- يا تدفع لنا جساس ناخد تارنا منه
- يا تجيب همام اخوه نقتله واهه يساويه
- يا ناخدك انت ناخد تاره منك
قالهم جساس عملها وهرب ومعرفش هو فين واجيبه منين
وهمام عنده ١٠ اولاد لو اديتهولكم يقولولى وديت ابونا بذنب غيره ليه
وانا معديش مشكله ف الموت انا شيخ كبير والموت منى قريب
بس انا عندى اقتراح لكم
تاخدوا فداء لكليب ١٠٠٠ ناقه
طبعا معجبهمش الكلام ده
وقالوا مش هنبيع دم ملكنا بلبن ولحم ( الابل يعنى )
ومشيوا على ديارهم
والزير سالم ساكت
واطمن عم مرّه ورجع الاستاذ جساس بعد ما اطمن ان الزير هيفضل طول عمره لامؤخذه ... زير
بس اللى حصل بعد ما رجعوا ديارهم غير كده
اللى حصل ان الزير سالم جز شعره و حرم على نفسه الخمر او العطر و قطع هدومه وبقت مهلهله
علشان كده الناس بقت تقول عليه المهلهل بدل الزير
( هو صراحه الزير دى مش حلوه
ولا المهلهل كمان الراجل ده مكنش عنده سنس ف اختيار اسماؤه )
وفى بيقولوا لاء دا كان اسمه المهلهل لانه كان بيهلهل الشِعر ويرققه
عموما مش موضوعنا هو كان مهلهل ليه ؟
ولا زير ازاى ؟
احنا ورانا حرب بنستعدلها
علشان نولعها
وعم الزير جمع الفرسان وهوب بدأ الحرب اللى استمرت ٤٠ سنه دى
اه ... كل اللى كان بيحصل قبل كده كان لعب عيال
وحاجات فرديه
انما اللى حصل بعد كده ليفل تانى
كان ليفل الوحش ف بعض المعارك واللى اتسمت ايام العرب
وبقى كل شويه بتقابلوا
واصبح اخلاء وانسباء الامس اعداء
واتقتل همام اخو جساس ونديم الزير سالم فى يوم الذنائب
وفى كمان
يوم الواردات
ويوم عنيزه
ويوم القصيبات
ويوم تلاحم اللمم
ودى كانت حروب كبير راح فيها ضحايا كتير
الناس كلها عانت من ويلات الحروب دى حتى الاطفال والنساء
ويذكر من النساء هنا #زرقاء_اليمامه
اه ما هى اللى كانت بتكشف العدو
https://www.facebook.com/102264164820545/posts/111749860538642/
ودا الرابط بتاع قصتها
واتدبست كل القبائل تقريبا ايا كان الطرف اللى بيأيدوه كان لهم من الحرب جانب
و الزمن مبيفضلش على حاله
ياترى حصل ايه بعد كده ؟؟؟
و يا ترى الحرب انتهت ازاى ؟؟؟
و ازاى مات جساس ؟؟؟
و ازاى مات الزير سالم ؟؟؟
يا ترى قتيل معركه ؟؟؟
ولا مات بطريقه تانيه ؟؟؟
دا اللى هنعرفه بكره
معلش يعنى ... الحرب ٤٠ سنه بختصرها ف ٥ ايام
إدونى فرصتى
#ايام_العرب
#ابتسام
تعليقات
إرسال تعليق