#عظامى_ولاعصامى٧ #الليله٤٨٢ #الحكايه٤
#عظامى_ولاعصامى٧
#الليله٤٨٢
#الحكايه٤
اعرفكم على نفسى ارسطو مش الفيلسوف اليونانى
انا يونانى بردو بس اتسميت على اسمه
عاوزين تعرفوا ليه ؟
هاقولكم ...
أبويا سقراط و امى بينلوبي
عرفتوا ليه اسمى ارسطو ابويا كان بيالش باسمى
بس انا بحب اسمى وبحب ابويا
و اكيد احنا يونانيين بقى فعادى يعنى ان سقراط يخلف ارسطو
تعالوا نكمل ...
انا اتولدت في كارتاس
وكان جدى قسيسا و بيتمنى إني انا حفيده اكون قسيس ارثوذكسيا
ابويا بقى رجل أعمال ناجح في الشحن و التبغ
و كان بيعلمنا فى مدارس غاليه لما اتخرجت من المدرسة كنت بتكلم ٤ لغات
بس بسبب الحرب العالمية الأولى فقدت أسرتى اغلب ثروتها
مش بس كده احنا كمان بقين لاجئين و هربنا لليونان بعد الحريق الكبير لازمير في سنه١٩٢٢ و اللى اتسبب ف موت زوجة ابويا واختى وعمتى و٣ اعمام كلهم ماتوا فى حريق كنيسة ثياتيرا اللى كانوا مستخبيين من الحريق الكبير في ازمير
الحرب خسرتنا فلوسنا
والحريق خسرنا احبابنا
و خلاص ملناش حاجه ف ازمير ولا لنا حد ف اليونان ولا حتى معانا فلوس وكمان فقدنا كتير من الاهل
كان لازم أبدأ من جديد
وانا عندى ١٧ سنه في سنة ١٩٢٣ وصلت لبيونيس آيرس عاصمة الأرجنتين و كانت أول وظيفة ليا عامل تليفون مع شركة
وكنت بعمل زى عادل امام ف فيلم اللعب مع الكبار كنت بتنصت على مكالمات ارجال الأعمال واتفاقات صفقاتهم
بس مش كنت بهددهم واقول دا حلم
واموت انا ومحمود الجندى ف الاخر
لاء ... انا انصح منه انا كنت بتعلم واخد معلومات وخبره ساعدتنى اعمل صفقات تجارية لنفسى وبقى ليا دخل محترم
عارفين ازاى ؟
تعالوا اقولكم
بعد كام مشروع وكام صفقه ناجحه
فكرت فى إعادة إحياء تجارة والدي صناعة التبغ وبدأت استورد التبغ من تركيا كنت بدور على صفقة كويسه وبعدين ابيعه لكني ما نجحتش في بيع التبغ فقررت اصنعة ودا بماركه سجاير خاصة بيا واتشهرت أعمالى ... و سمعتى ... وثروتي فى الأرجنتين
بس بعدها بفترة أدركت أن موردي التبغ بيكسبوا أكتر بكثير من اللى بيصنعوا السجاير
علشان كده بقيت بشترى سفن واستورد التبغ بنفسى وابيعه ووسعت أسطولى من السفن
وكمان عملت اتفاقية مع الأرجنتين و بقيت بسببها المسيطر علي صناعة التبغ
و شوية و أنشئت شركة استيراد وتصدير أرجنتينية
وجنيت ثروة
وحصلت على الجنسية الأرجنتينية وتوسعت شركتى للشحن وبقيت ليا فروع في جميع أنحاء العالم
بس فجأه حكومة الارجنتين رفعت الضرايب على الاستيراد ١٠٠٠%
يعنى اخسر ؟
رحت على اليونانيين وطلبت تخفيض الضرايب على اللى بستورده منهم
بس مبقتش التجارة فى الارجنتين جايبه همها
اسكت ؟؟
لاء طبعا عملت شركة لصيد الحيتان
كسبت قليل ؟؟
٤.٥ مليون دولار بس بدأ جمعيات حقوق الحيتان واللبش ده والشركه بقت مصدر مشاكل فقررت ابيعها
بس تفتكروا كده هاخسر
دا اللى هنتكلم عليه الليله الجايه
#انت_ايه_شغفك؟
#ابتسام
تعليقات
إرسال تعليق