#عصامى_ولاعظامى #الليله٤٧٨ #الحكايه_الاولى٢

#عصامى_ولاعظامى
#الليله٤٧٨
#الحكايه_الاولى٢
زى ما حكيت لكم الليله اللى فاتت حبيت ابلغ  لإنزو فيراري مؤسس الشركه وصاحبها النصايح اللى تخلى عربياته ادائها احلى خصوصاً اننا مصنعين للسيارات زى بعض ...بس معجبتش 
ايه اللى حصل ؟
ونكمل الحدوته مع نمبر ون اللى بجد
لاء يا ابتسام 
متفهمنيش غلط مش انا 
انا مش محمد رمضان 
قصدى انا مش بقول على نفسى نمبر ون انما اللى شايف نفسه كده هو إنزو فيراري
هو اللى فضل يغلط ويقول العربيه زى الفل مفيهاش حاجه والعيب على السواق هو اللى مبيعرفش يشغلها 
وقالى مش ناقص الا انى اخد نصايح من واحد جاهل زيك روح خليك ف الجرارات الزراعيه اللى بتفهم فيها 
ايش فهمك انت ف عربيات السباق والسيارات الفاخره ... 
لاء وراح عامل بايده كده✋
ايه ده هو بيخمس ف وشى ؟😳

روحت انا عامله كده 🤌
وقلت له : انا جاهل ؟؟

طب ليه بتستفذ الوحش اللى جوايا ؟
ليه طيب ؟؟

ماشى يا لانزو 
انا هاعرفك بقى مين فينا اللى جاهل 

 الا و سنه ١٩٦٣ كنت بعرض السياره الرياضيه اللى عليها اسم لامبورجينى اه ما ده اسم جدى الاكبر ولقبى العلامه التجاريه بتاعتى بس لو كنت قولتلكم عليه ف الاول كان ضاع عنصر المفاجأه ف القصه

وبقى لامبورجينى مش بتاع جرارات وسخانات 
 
لامبورجينى بتاع سباقات سيارات 

واستخبى بقى يا فيرارى علشان اللى عملته ف نفسك وانت مش دارى😂😂 

انا مسكتش عند خبرتى
لانى كده هبقى مغرور زيه  
لكنى استعنت بافضل المهندسين اللى بصراحه امدونى بافضل مواصفات المحركات منهم مهندسين كانوا عند فيرارى نفسه 

وبقت أوتوموبيلي لامبورغيني من اشهر انواع السيارات الرياضية الراقية 

عاوز اقولكم ان بعد كل اللى حققته قبل كده من فلوس واموال متجيش حاجه فى  الثروة الطائلة اللى جت  من بيع سيارات السباق وقررت اواصل تحدي  فيراري اللي انا إتهانت على ايد صاحبها

حققت كل اللى اى حد ممكن يتمنى انه يحققه
وف السبعينيات تقاعدت عن كل الاعمال و عيشت ف مزرعه في أومبريا فى وسط ايطاليا من السبعينات 

بعت كل حاجه واشتغلت ف صناعة النبيذ متستغربش انى رجعت تانى لشغلة اجدادى اللى هربت منها ف الاول 

بين الاول والاخر انا حملت الحلم وحققته وعشت فيه

اتنمى تكونوا زيي وتعيشوا حلمكم 
بس متنسوش اننا هنتحاسب عن كل خطوه بنخطيها 

#تعرف_الصفر_اهو_انابقى_ابتديت_من_تحته
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد