#لاء_دا_من_رابع_المستحيلات #الليله١٣٨

#لاء_دا_من_رابع_المستحيلات 

#الليله١٣٨

طب يا ترى ايه هم المستحيلات ال ٣ اللى المستحيل ده رابعهم :

المستحيلات التلاته هم 

الغول 

والعنقاء 

والخل الوفى 

طب نفسرهم واحده واحده 

١ - الغول 

العرب زمان ف شبه الجزيره كانوا بيخافوا من  الغول ويقال انه نوع من انواع الكائنات الشيطانيه ف الاساطير الاشوريه ودا كان قبل الاسلام  .... تمام

طبعا فى ناس بتصدق ف وجوده وناس بتقول عليه مستحيل 

مفيش حاجه اسمها كده 

بعد الاسلام بقى فى 

بعض الاحاديث للنبى صلى الله عليه وسلم 

ذكرت الغول 

منها 

إِذا تَغَوَّلت لكم الغِيلان فبادروا بالأَذان

وان كان بعض الرواه بيضعفوه لان سنده مقطوع ( يعنى احد الرواه قاله نقلاً عن فلان فى حين ان بينه وبين فلان ده مثلا ١٠٠ سنه )

والبعض بيقول ان طبعا ذكر الله حمايه من كل شئ 

وبالتالى فالرسول لم ينكر وجود الغول 

وفى  كذا حديث لبعض صحابه بيقولوا انهم واجهوا غيلان او جن و كانت بتسرق منهم مثلا 

وكانت بتقولهم  لما يسألوها عن ازاى يحموا نفسهم منها فتقول  بتلاوة اية الكرسى

ولما حكوا للرسول على الله عليه وسلم قال ( صدقت وهى كذوب )

الخلاصه ان الغول ده شكل من اشكال الجن وهو نوع مؤذى 

وده ف الحضاره الاشوريه وكمان الحضاره العربيه  والدين الاسلامى 

ومثال للى اتقال 

كانت العرب تزعم أَن الغُول في الفَلاة تتراءَى للناس فتَتَغَوّل تَغوّلاً أَي تَتلوَّن تلوّناً في صُوَر شتَّى وتَغُولهم، أَي تضلهم عن الطريق وتهلكهم، فنفاه النبي، وأَبطله؛ وقيل: قوله لا غُولَ ليس نفياً لعين الغُول ووُجوده، وإِنما فيه إِبطال زعم العرب في تلوّنه بالصُّوَر المختلفة واغْتياله، فيكون المعنيّ بقوله لا غُولَ أَنها لا تستطيع أَن تُضل أَحداً، ويشهد له الحديث الآخر: لا غُولَ ولكن السَّعالي؛ السَّعالي: سحرة الجن، أَي ولكن في الجن سحرة لهم تلبيس وتخييل

يعنى نفى صلى الله عليه وسلم انه بيتحور بس لم ينفى وجوده  

وبالمناسبه هو مذكور ف القصص الانجليزيه والالمانيه ممكن يكونوا واخدين الاسم عن العرب 

بس اكيد الوصف فيه كتير من الخيال 

اللى بيبالغ ف شكله وحجمه 

وان كتير من الامهات والجدات كانوا بيضخموا ف صورته من خيالهم علشان يخوفوا الاطفال فيناموا او يسمعوا الكلام 

المهم ان امنا الغوله ف حدوته الشاطر حسن كانت ست طيبه وجدعه وساعدت الشاطر حسن انه يوصل لقصر ست الحسن والجمال 

قصه الشاطر حسن 

ج١

https://www.facebook.com/102264164820545/posts/135711854809109/

ج٢

https://www.facebook.com/102264164820545/posts/136027211444240/

ج٣

https://www.facebook.com/102264164820545/posts/136546151392346/

ج٤

https://www.facebook.com/102264164820545/posts/136897474690547/

احنا هنا كنا بنخليها تلعب مع البنات الصغيره 

هى والجاموسه الوالده

#امنا_الغوله_طقطقى_الفوله

#ابتسام

بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ١٣٨

#ابتسام