#عصامى_ولاعظامى٤ #الليله٤٧٩ #الحكايه_الثانيه
#عصامى_ولاعظامى٤
#الليله٤٧٩
#الحكايه_الثانيه
اسمحولى احكيلكم حكايتى
انا إنزو واتولدت ف يوم مطلعتلوش شمس ودى حقيقه😊
لان الثلج فضل مغطى بلدنا و حابس ابويا و مانعه من انه يخرج يسجلنى لمدة يومين
فى الفترة من سن الـ١٠ لسن لـ١٩ كان كل اللى بعمله وبيشغل تفكيرى هو سيارات السباق
وكان حلمى هو ازاي اكون سائق سباقات؟
وانا عندى ١٩ سنه دخلت الجيش الايطالى ف عز الحرب العالمية الأولى وجالى وباء الأنفلونزا
و سرحونى من الجيش عموما انا خفيت وحظى ف دا كان احسن من حظ ابويا واخويا اللى ماتوا بيها
ابويا واخويا كانوا قدوتى كانوا بيشتغلوا ف سباق الفورميلا
وكان عشقى انى اخلص الجيش واشتغل معاهم
اصلى طالع زى ابويا هو كان بيعشق سباقات "الفورميلا 1"، وانا ورثت منه حب سيارات السباق
افتكر مره وانا عندى ١٠ سنين كنت عاوز اروح معاه هو واخويا الكبير السباق لكنه رفض لأنى لسه صغير و سابنى فى البيت
بس انا اتسحبت وروحت حضرت السباق
ومن يومها وصوت المحركات وريحة اشتعال الوقود وصوت احتكاك العجلات على الارض اثار فيا شغف وفضول وإصرار أني (انزو) لازم اكون فى يوم من الايام سائق سباقات
وفعلا من اليوم ده من وانا ف سن ال١٠ لحد سن الـ١٩ كان كل اللى بعمله ويشغل تفكيرى هو سيارات السباق وازاي اكون فى يوم من الايام سائق سباقات
وجت الحرب ونستنى الحلم او تقدر تقول اجلته
ورجعت بعد الانفلونزا الاسبانيه
بس فضلت لفترة عاطل فى البيت هى عطلت البلد كلها زى ما الكورونا عطلت حاجات كتير عندكم بس بدأت من جديد فى افكر فى شغفى ونزلت أماكن السباقات
واشتغلت على حلمى انى اكون سائق سباقات واول فريق اشتغلت فيه فشلت ... وإطردت من الفريق
بس ميأستش
واشتغلت ف فريق تانى وحققت نجاحات معاها و اتعينت مدير لفريق السباقات فيها
مش بس كده دا انا كمان قدرت اصنع سيارة سباق ادخل بها السباقات وتكون خاصة بيا
انما ف ١٩٤٧ سجلت أول سيارة مصرح لها تمشي فى الطرق العامة قانونيا
سميت شركتى على اسم عيلتى واسم ابويا اللى حببنى ف السيارات وسباقاتها
وكان اسمى واسم عيلتنا "فيرارى "
اه انا انزو فيرارى اشمعنى الليله اللى فاتت استضافتوا مكيانيكى الجرارات لامبورجينى
إختارت شعار الشركة على أساس شعار حصان أسود جامح مع خلفية صفراء تدل على لون "مودينا" مدينتى وعليها فوق علم ايطاليا بلدى
و بقت السيارات الفيرارى حلم يحلم الكل انها تكون عنده
علشان كده كانت اهانه ليا لما ييجى واحد بتاع جرارات وسخانات ينصحنى لتعديل عربيتى
انا اللى عايش ف مضمار السباق وانا عندى ١٠ سنين
عموما كنت غلطان لما استقليت ب لامبورجينى
اما دلوقتى خلاص انا مت ف سنة ١٩٨٨ وكان سنى ال٩٠سنه
لكن حلمى فضل عايش
وحلم الناس انهم يكون عندهم فيرارى هيفضل عايش
اه اقولكم نكته
انا بعد ما مت ب ٢٨ سنه اتسرقت
اتسرق جثمانى
ليه ؟؟
كانوا عاوزين فديه كبيره من عيلتى او من شركتى
بس الحمد لله البوليس قبض عليهم
من حتة عيل عنده ٢٠ سنه مطرود من شركة سباقات سيارات على اد حالها لصانع لاغلى وافخم سيارات ف العالم
لدرجة انهم يطمعوا ف جثتى بعد ما مت ب ٢٨ سنه
عموما اللى حققلى دا كله بعد توفيق ربنا
كان شغفى وحلمى اللى مستغنيتش عنه وتخطيت كل الصعاب لحد ما حققته
ايه دا يا ابتسام ؟؟؟😠
انتِ حطيتى صورتي وصورة عربيتى على قصة لامبورجينى 😡
اروح من الراجل ده فين ؟؟
انزو : حطى صورتى وانا صغير يا ابتسام علشان بعتز بيها
انا : حاضر يا عم انزو🥺
((اصلى بينى وبينكم بخاف منه انا بتكلم وانا موطيه صوتى اهه))
#انت_إيه_شغفك؟
#ابتسام
تعليقات
إرسال تعليق