#قشارة_البطاطس_ج٣_والاخير #الليله١٥٦
#قشارة_البطاطس_ج٣_والاخير
#الليله١٥٦
انا رحت للمدير وانا بقدم رجل وأخر رجل
مكدبش عليكوا ... قولوا لاء اكدب !!!
بردو مش هتقولوا
عندكوا حق الكدب حرام
انا كنت بفكر اطلع على باب الشركه ومنه على بيتى
اصل يعنى مش لازم اتهزق قبل ما اترفت
على باب المدير السكرتير سألنى على اسمى وسبب طلبى مقابله المدير
وبمجرد ما سمع اسمى دخلنى فورا 😳
عاوز الف اروح 😧
طب ادخل الحمام الاول😥
طب هات خيشه 😰
انا دخلت للمدير ودا قام من مكانه وجايلى ...هار اسوح 🙈
هو هيضربنى 👋
ابداً ...هو انتوا دايماً متشائمين و
نيتكوا وحشه كده
ايه ده ... انا اللى متشائم ونيتى وحشه 😔
تمام ... مش موضوعنا
دا جه سلم عليا بحراره🤗
وبإديه الاتنين شد على ايدى 🤝
و راح قعد على الكرسى اللى قدام
المكتب اللى هو بتاع الضيوف وطلب منى اقعد قصاده ودا دليل ان مفيهاش طرد او تعليق على باب زويله قصدى باب الشركه
بترحيب شديد حسيت انه عاوز يقعدنى على رجله اساسا ولا كانى وليد ابن اخته 👶
وبعد ما إطمنت انى لا هترفد ولا هتتعلق رقبتى على سور الشركه
واطمنت اكتر وانا بشرب العصير والقهوه والنسكافيه والسندوتشات ( لاء دى كلتها يا فالح )
وحبست بالساقع والشاى تانى
صراحه القعده كلها كانت مشبعه
الراجل ده ميتشبعش منه الصراحه
كان المدير فهم منى رؤيتى كامله
وخلال ده كنت احيانا برسمله اللى
بقوله عن الشكل المقترح للمنتج
والرسم دا هوايه قديمه كنت بارع
فيها وجه دورها دلوقتى ...
المهم الفكره كانت بسيطه جدا و كان اقتراحى
ان قشاره البطاطس مثلا يكون لون اليد بتاعتها لون البطاطس نفسها
قشاره الجزر ومبشرة الجزر كذلك يكونوا لون الجزر
مقوار البتنجان
وهكذا بقى .... باقى منتجاتنا
من الاخر الادوات تاخد الوان الخضروات وممكن بعضها كمان تاخد اليد البلاستيك بتاعتها شكل الثمره نفسها
شايفك ياللى بتضحك
وسامعك ياللى بتقول ليه ؟؟
وجدوى ده ايه ؟؟؟
الموضوع ببساطه ان دا هيسهل على الست انها متاخدش بالها وهى بترمى القشر
وترمى معاه القشاره
سهله اهيه 😄😄
انا شرير الله يسامحكم
انا بس قلت اقتراح خاص باللون
انتوا يا ستات اللى رميتوا القشاره مش انا
عموماً عاوز اقولكم ان الشركه نفذت اقتراحى والمبيعات زادت بنسبه كبيره
باركولى انا اترقيت ... انا بقيت مدير قسم وانا لسه مكملتش ٢٥ سنه
انا وصلت لمكانه ف الشركه كنت ممكن افضل اكتر من ١٥ سنه على ما اوصلها دا لو وصلت لها
انا اللى فزت بايد الاميره خدت نص ثروة الملك
لاء مش للدرجادى ... ثروه الملك دى بتبقى بس ف الحواديت انما فى الحقيقه محدش بيضحى بواحد على١٠ من ثروته
بس انا محظوظ انا باخد نسبه من الارباح ١، %
حاجه بسيطه ... مش كده
بس عاوز اقولكم ان بفضل الله المبلغ ده كبير اوى وفوق كل توقعاتى السابقه
عموما ياسيدى حملة توعيه 👇
خلى بالك ياست شطاره ... من
المقوار والقشاره
اهه نصحتكم اهه
عدانى العيب وازح
#تمت
بعد سنه من الحكايه فكرتى ظهرت للنور لانى اشتريت قشارة جزر
ودا كان شكلها👇
داةجزرى ودى قشارتى ومن قلب المطبخ مش الحدث
#من_غير_انا_شكرى_سرحان_اباظ #ولا_كُلّ_السوق_قبل_ما_ياكلك
#بقلمى
#ابتسام
بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳 وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂 وبما ان الحكايات مرت عليها سنه بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ١٥٦
#ابتسام
تعليقات
إرسال تعليق