#الحطاب_واليهودى_ج٤والاخير #الليله١٦٢

#الحطاب_واليهودى_ج٤والاخير

#الليله١٦٢

كنا وقفنا على ان التاجر اخد الحمير العشره بعد ما قرر يرجع لاهله 

التاجر الواعى كان مخبى ثروته جوه مغاره ف قلب الجبل 

وكل ما يحوش شوية دنانير دهب يطلع يخبيهم فيها 

وكان دايما حريص ان محدش يشوفه وهو داخل المغاره او حتى وهو رايح ناحية الجبل 

ولو حد شافه كان بيغير وجهته ويروح اى مكان تانى 

وفعلا محدش شافه قبل كده 

الا بس ف اليوم اللى كان ناوى يمشى من البلد فيه 

ف الوقت ده عيل صغير شافه وهو بيسوق الحمير التسعه وراكب ع العاشر 

وبما انه كانت نيته انه خلاص مفارق البلد دى خالص علشان كده مهتمش يغير طريقه او يرجع عن المشوار 

خصوصا انه قايل للحطاب انه هيرجع الحمار بسرعه 

فلو رجع كان الحطاب هياخد حماره وده هيبوظ خطته 

المهم ان التاجر طلع على المغاره 

بصراحه الحمير تعبوه اوى علشان يسوقهم لحد الجبل  

خصوصا طلوع الجبل اللى كان صعب اوى 

و انه يوقفهم على باب المغاره دا كان مستحيل 

فاضطر يوقفهم بعيد و يشيل الزلع مسافه طويله بعد ما يملاهم بالدهب ويغطيه بالتراب 

عمل كده ٢٠ مره لان كل حمار كان شايل زلعتين 

ولما خلص اخر زلعه وبيمسح عرقه من التعب مع ان الليله كانت برد

اكتشف انه نسى العمه بتاعته جوه الكهف 

وزمان كان عيب الراجل يمشى من غير ما يكون مغطى راسه وكل 

فئه من الناس كان لها العِمه المناسبه لهم 

يعنى المسلم غير المسيحى غير اليهودى والتاجر غير الفلاح وهكذا 

المهم يعنى مش بعد العمر دا كله وبعد الثروه اللى راجع بيها لاهله هيرجع هزوء وبدون عمه 

وواضح ان التاجر ده كان  عنده Issues   ( مشاكل)  يعنى فى التعامل مع اهله 

وانهم كانوا بيتنمروا عليه ويسخروا منه 

المهم يعنى اذا كانت ع انه يرجع تانى علشان يجيب العمه فهو هيكون مشوار تانى واحد ... بسيطه وخلاص 

ورجع طلع تانى الجبل للمره ال ٢١  بس ياحرام قلبه العجوز لم يتحمل 

ولما وصل للمغاره 

التعب كان زاد اوى وقعد يمكن يرتاح ويقدر يكمل 

بس السر الالهى طلع و مات على باب المغاره 

ولما غاب على الحمير وبدأوا يعطشوا ويجوعوا 

تطوع حمار الحطاب انه يعزمهم عنده ف بيت صاحبه الحطاب ابو الكرم

علشان كده لما العسكر سألوا اهل البلد بعد ما رجع الحمير من غير صاحبهم 

الولد الصغير قال انه شافه طالع للجبل 

ولما طلعوا الجبل يدوروا عليه لقوه ميت على باب المغاره 

نزلوا به 

بس طبعا اهل التاجر محدش يعرفهم ولا حد يعرف بلده ايه اصلاً

وبالتالى ثروته دى كلها هتروح لبيت المال لان زى ما قلنا مالوش اهل ف البلد دى ومحدش يعرف يوصل لبلده ولا يعرف اهله 

وبما ان الحطاب الطيب هو اللى دل علي الفلوس وسلم الامانه 

كانت مكافأته انه ياخد ١٠ %

يعنى ياخد  حماره بالزلعتين اللى عليه يعنى  بدهبهم 

وربنا عوضه خير عن كل تعبه وشقاه 

وتوته توته خلصت الحدوته

#ابتسام

بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ١٦٢

#ابتسام