#اوفىّ_من_السموأل#الليله١٦٤

#اوفىّ_من_السموأل

#الليله١٦٤

دايما نحكى عن ولاد العم زى ما بيطلق عليهم ( صراحه مش عارفه مين اللى قال على اليهود كده احنا ولا هم ) 

بس واضح ان الصله بينا من نسبنا جميعا لسيدنا ابراهيم فهم من نسل  يعقوب ابن اسحاق ابن الخليل ابراهيم فهو جدهم الاكبر

واحنا من نسل اسماعيل ابن الخليل ابراهيم 

بالاضافه لانتماء الفريقين للجنس السامى ( اه اللى عاداه هتلر )

المهم ان دايما قصص اليهود طمع و غدر وخيانه وكذب على بعضهم 

وعلى انبياء الله زى السامرى 

وعلى الله سبحانه وتعالى نفسه 

ومننساش 

قارون

والسامرى 

وبريصا 

غيرهم كتير  اخرهم  التاجر اليهودى والحطاب 

او المرابى اليهودى والتاجر ف قصه تاجر البندقيه 

غيرهم كتير صراحه مبيستروش كل حواديتهم فضايح 😂

ودول هنزل روابطهم ف الكومنتات للى عاوزهم 

بس بردو فيهم اللى بيخاف ربنا من زمان ودلوقتى بس دايما بيكونوا قليلين 

زى العزير 

وطالوت 

وزى حدوته النهارده 

والتناقض ده ذكره رب العزه سبحانه وتعالى قال عنهم :

﴿ وَمِنْ أَهْلِ الْكِتَابِ مَنْ إِنْ تَأْمَنْهُ بِقِنْطَارٍ يُؤَدِّهِ إِلَيْكَ  *وَمِنْهُمْ مَنْ إِنْ تَأْمَنْهُ بِدِينَارٍ لَا يُؤَدِّهِ إِلَيْكَ إِلَّا مَا دُمْتَ عَلَيْهِ قَائِمًا ذَلِكَ بِأَنَّهُمْ قَالُوا لَيْسَ عَلَيْنَا فِي الْأُمِّيِّينَ سَبِيلٌ وَيَقُولُونَ عَلَى اللَّهِ الْكَذِبَ وَهُمْ يَعْلَمُونَ ﴾

عذرا للمقدمه الطويله بس بصراحه حكايه النهارده تستاهل 

لانها حلوه وسخنه وبالسمسم 

مين السموأل ؟؟؟

السموأل بن غريض بن عادياء بن رفاعة بن الحارث الأزدي

يهودى .. عربى .. وشاعر كبير

كان احيانا بيعيش ف حصن خيبر وكان كمان له حصن بتاعه ف حته اسمها تيماء ف شمال غرب شبه الجزيره العربيه ف محافظه تبوك  ودا يدل على انه ثرى 

المهم 

فى يوم جاله واحد طلب منه يشيل عنده امانه 

مين الواحد ده ؟؟؟

دا ملك اسمه امرؤ القيس بن حجر

 (( علفكره اسم امرؤ القيس دا كان منتشر زمان عند العرب فممكن نكررنفس الاسم بس بيكون شخصيه تانيه ))

الحكايه ان فى ناس حاربوا امرؤ القيس  ونازعوه مُلكه فهو قرر انه يستعين بقيصر الروم علشان يبعت معاه جيش يساعده على استرداد عرشه 

واضح كده .. واحد اسمه امرؤ القيس له مٌلك مغصوب منه  فقرر يستعين بملك الروم يمده بجنود ويسترد ملكه 

بس خاف على اسلحته ودروعه وقال للسموأل احفظهم عندك 

وواضح يعنى انهم كانوا شئ وشويات ويتخاف عليهم من السرقه او النهب 

رحب السموأل بالامانه وقاله ف الحفظ والصون 

ومشى امرؤ القيس لملك الروم 

وهناك ... 

نكملها بكره 

اصل الموضوع كبير كبير 

نكمل بكره 

#اوفى_من_السموأل

#حكايه_ورا_كل_مثل

#ابتسام

بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ١٦٤

#ابتسام