#اوفى_من_السموأل_ج٢#الليله١٦٥

#اوفى_من_السموأل_ج٢
#الليله١٦٥
امرؤ القيس راح لملك الروم اللى رحب به واحسن ضيافته 

حكاله امرؤ القيس على ظروفه وعلى انه محتاج مساعدته يسترد عرشه

قيصر مكدبش خبر واداله جيش كبير مش بس فيه جنود من الروم لاء دا كمان فيه امراء من ابناء الملوك 
حاجه عظمه خالص يعنى 
ومشى امرؤ القيس يشكر ف قيصر ويقول فيه شعر

( ونادمتُ قيصر فى ملكهِ
فاوجهنى وركبت البريدا )

هو يا دوب  امرؤ القيس مشى بعيد حبه بالجيش اللى معاه 

الا والسوس والزن ع الودان اللى امرّمن السِحر اشتغل مع قيصر من اللى حواليه 

انت بتساعد راجل من العرب بابناء الملوك 

انت مش عارف ان العرب غدارين 😏😪

واول ما هينتصر على اعدؤه هيتدور عليك  ويغزوك 

وفكر قيصر .... 😳

هااار اسوس  ... 

طب اعمل ايه ؟؟؟

وعنها وقيصر مكدبش خبر ونده لراجل من العرب اسمه الطماح موجود عنده 

وقاله ارمح بسرعه يا طماح يارماح و حصل امرؤ القيس اديله الحُله دى (مش حَله اللى بنطبخ فيها لكن ثوب يعنى )

بس مش اى ثوب دا حاجه كده منسوجه من الدهب ومتطعمه ومش اى تطعيم 
و قال قول له انى انا كنت بلبسها ف يوم الزينه 

بس ضاقت شويه عليا سيكا من عند الكرش فانا عادى يعنى ممكن اخس لها (ههههه🤭 كلنا بنقول كده على اللى ف دولابنا 😏 ) بس علشان انت غالى عندى خدها البسها على الخير والبركه 
قصده على السم الزعاف البدله مسمومه☠ 
وابقى طمنى عليك وموبايلات بقى 

وفرح امرؤ القيس واستعجل من فرحته انه يلبس الثوب اللى متطرز بالدهب قبل ما يحارب وينتصر ولا حتى استنى انه يوصل به بلده ... الا وشويه السم  الحلوين عملوا مفعولهم

هو يا ضنايا لبسها من هنا وملحقش يتهنى بيها 

بقى جلده يتقطع ويسقط من جسمه 😭
وواضح يا ضنايا انه غاب على ما مات لانه كان له نِفس ونَفس يقول شعر : 

 وَبُدّلْتُ قَرْحًا دامِيًا بَعدَ صِحّةٍ 

فَيا لكِ من نُعمَى تحَوّلنَ أبْؤسا 

لدرجه ان الناس سموه ابو القروح 

شفتوا الغدر 
طب يا سيدى مش عاوز تساعد متغدرش
بس تقول ايه ؟؟!!
ال قيصر ال دا شغل اصطبلات 
وال ببجاحه يقولوله العرب غدارين 

وعم امرؤ القيس  مكملش بقى هو مسموم لا قادر يحارب ولا حتى برجع بلده 

فى مدينه هناك اسمها انقره ( اه اللى هى عاصمة تركيا دلوقتى ) كان ساعتها هم روم و عاصمتهم القسطنطينيه ... لان احداث القصة بتدور قبل الاسلام 
وهو مكانش لحق يبعد عن بلاد الروم زى ما قلنا 

فقال انقره حلوه مفيش كلام ... بس هواها مش عارف يرد الروح 🧟‍♂️
الراجل فضل 
يتعذب 
وجلده يقع 
فيقول شعر 
يتعذب 
وجلده يقع 
فيقول شعر
لحد ما السر الالهى طلع واتدفن هناك  

فين دا كله من السموأل ؟؟ 

انتى نسيتينا بتحكى عن ايه اصلاً

اه صحيح ... احنا بنحكى عن ايه ؟؟

اه السموأل ... هنعرف بكره 

#ابتسام
بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ١٦٥
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد