#اوفى_من_السموأل_ج٤والاخير#الليله١٦٧

#اوفى_من_السموأل_ج٤والاخير
#الليله١٦٧
فى ايه يا راجل ؟
دا ابنك ...

وصاحب الامانه مات خلاص دا الناس بتاكل الامانه واصحابها عايشين 

المهم هو جمع اهل بيته وشاورهم 

طبعا كله قاله اديله الدروع وانقذ ابنك 

لما جه الصبح والمهله خلصت 
قاله : 
انا مقدرش اديك الدروع ... اعمل اللى انت عايزه 
اقتل الاسير بس مش هفرط ف الامانه 

وساعتها الملك دبح ابن السموأل و السموأل واقف فوق الحصن و شايف  

طبعا مشى الملك لما لقى مفيش فايده وانه لو قتله هو شخصيا مش هيديله دروع امرؤ القيس

وخد بالك هتقول وهو يعنى الملك ميقدرش يقتحم الحصن وياخد الدروع بالقوه 

طبعا يقدر 

بس  مينفعش لان دى كده هتبقى سرقه ومعيره وهيعير بها  بين العرب 

اما لو اداهم له السموأل هتعدى الحكايه ان السموأل فرط ف الامانه والحكايه هتعدى وتتنسى 

وبردو هو مكانش متخيل ان السموأل هيفرط ف ابنه وميفرطش ف الامانه والا مكانش عمل الريسك  ده واستحمل مخاطره ان يتفضح بين القبائل وحكايته تروى لحد الان 

بس لما السموأل رفض يديله الدروع استفذه وكبرت ف دماغه انه ينتقم منه ف ضناه

خد السموأل ابنه وراح دفنه 

وساعتها قال السموأل شعر : 
إذا المرء لم يدنس من اللؤم عرضه 

فكـل رداء يرتديه جميل

وقال كمان : 

وفيت بأدرع الكندي 
اني إذا ما خان أقـوام وفيـت

والكندى دا كناية امرؤ القيس
وفضل مستنى  لما جم ورثه امرؤ القيس الاصليين وساعتها اعطاهم  الامانه 

ومات السموأل اللى صان الامانه 

ومات الحارث القاتل اللى طمع ف اللى مش ملكه 

زى ما مات ابن السموأل 

بس حكايتهم لم تمت 

عاشت الحكايه كحكايه غريبه تحكى متناقضات الحياه والموت 

امرؤ القيس استعان بقيصر علشان ينصره فيكون هو قاتله 

والسموأل اللى عنده كنوز ممكن يتصرف فيها لان صاحبها مات 

مش بس صانها من نفسه لاء دا كمان ضحى بابنه فى سبيل صون الامانه  

والاغرب ان الفعل الكريم الشريف ده يطلع من شخص يهودى معروف عنهم كل الصفات الذميمه خصوصا لو تعلق الموضوع بثروه او كنز زى ما قال ف شعره 

نقطه اخيره ف القصه علشان متزعلوش اوى 

السموأل خلف بنت البنت دى اسمها برّه 

بره دى بردو خلدها التاريخ اللى يعرف حكايتها يحكى ف الكومنتات 
واللى ميعرفش يستنى وانا ابقى احكيله علشان حكايتها حلوه اوى 

#السموأل_دفن_ابنه_وقعد_يقول_شعر
#امرؤ_القيس_جلده_بيقع_وبيقول_شعر
#دا_فراغ_ولا_زياده_شعر_ومشاعر
#ابتسام
بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ١٦٧
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد