#الحجاج_ج١٨#الليله٥١٥

#الحجاج_ج١٨
#الليله٥١٥
انت متخيل راجل عاش ف صحبة الرسول صلى الله عليه وسلم ١٠ سنين
راجل روى عن الرسول كتير من الاحاديث النبويه الشريفه 
المهم عبد الملك بعد ما نده لابن المهاجر قاله خد الرسالتين دول واحده لانس
والتانيه للحجاج
وتروح لانس الاول
وتديه رسالته واللى فيها
يا ابا حمزه (لقب انس بن مالك)
انى ارسلت للحجاج كتاباً بعد ان يصله سيكون اطوع لك من امتك خد بالك من تعمد مهانة الحجاج هيكون مطيع لك اكتر من جاريتك مقالش من عبدك لاء دا مثلة بالانثى وتخيل وصف زى ده على شخص زى الحجاج 
وقاله انى قرات رسالتك وانى مصلتهوش عليك ولا امرته بالاساءه لك 
فان عاد لذك اكتب لى 
انزل به عقوبتى وتحسن لك معونتى 

راح اسماعيل بن المهاجر للحجاج اللى فرح وقال مرحبا برجل احبه واحب لقائه 
قاله ابن المهاجر وانا والله احب لقائك لو انى رأيتك فى غير ما جئتك به 
طبعا اتخض الحجاج لانه عارف هو جاى من عند مين 
والتانى كمل 
غادرت امير المؤمنين وهو اشد الناس غضباً عليك واكثر منك بعدا 
يالهوى ... عبد الملك زعلان من الحجاج  دا يروح فيها  
ومسك الرساله وهى لسه ملفوفه وفضل يقلب فيها ويبص لابن المهاجر ... ويبص للرساله وهو عمال يعرق و مرعوب يفتحها
بس طبعا لازم يفتحها ... وفتحها وهو بيترعش وقرأها ومن ما جاء فيها
وعبد الملك بيقول ف الرساله من عبد الملك الى الحجاج 
انك عبد طَمت بك الامور فسموت فيها وفضل بقى يبهدله ويهزقه ويقل منه ومن اصله بكلام يعنى لو نزلته مش هيتفهم ولو فضلت ادور على ترجمة كل كلمه هتوه 
والخلاصه بعد شوية التهزيق وقل القيمه اللى قالها عنه وعن اهله 
قاله وثبت على رجل من اصحاب رسول الله صلى الله عليه وسلم بين اظهرنا 
فلم تقبل له احسانه ولم تتجاوز له عن اساءته ... جرأة منك على الرب عز وجل 

والله لو ان اليهود والنصارى وجدو رجل خدم عُذير بن عذرا 
او المسيح بن مريم لعظمته وشرفته وكبرته 
بل لو انهم لو وجدوا من خدم حمار العزير او حوارى عيسى لعظموه واكرموه 
كيف وهذا انس بن مالك خادم رسول الله ١٠ سنين يطلعه على سره ويشاوره فى امره
فاذا اتاك كتابى هذا فكن اطوع له من نعله واقرب له من خفة يعنى مش جاريه لاء دا عمله نعل وحذاء ودا تقليلاً من الحجاج ورفعاً لانس ومكانته وهى بالتأكيد مرتفعه دا صحابى وراوى حديث ومن بين الاف الصحابه دا كان ملازم للرسول حتى اخر عمره 
ونكمل رساله عبد الملك
والا اتاك منى سهم بكل حدف قاض 
بس و اول ما خلص الرساله قال لاسماعيل قوم بينا بسرعه لابو حمزه نعتذر له و نسترضيه
طب استنى شويه دا كلام ابن المهاجر 
بس هو قاله ما معناه انك جبت كلام يطير رقبتى استنى ايه واتروى ازاى؟
اما بقى رأيه فى نسب سيدنا الحسين للرسول صلى الله عليه وسلم فدى حكايه  لها العجب 
ليه؟ اصله شايف انه لا ينسب لسيدنا محمد صلى الله عليه وسلم 
ازاى ؟
ماتيجوا نشوف بكره بقى احسن رغيت كتير الليله وعوضتكم عن الكروتة اللى خلتنى اكروت يومين العيا 

#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد