#الحجاج_ج١٣#الليله٥١٠

#الحجاج_ج١٣
#الليله٥١٠
هند مش قليله وذكائها مش هين دى بعزقت الحجاج السوسه 
وبالتالى لازم تسترد كرامتها 
واهم من كده جوزها الخليفه اللى ع الفاضى ده
وعلشان كده اتصرفت 
طب ازاى؟
هى خلاص عرفت مواعيده اللى بيزورها فيها بعد العصر وقالت للجوارى راقبوا الجو و أول يوصل قولولى  
وفعلا لما وصل قالوا لها انه خلاص جه 
مسكت عقد لؤلؤ عندها وقطعته وفرطته ع الارض ورفعت هدومها تلم الحب فيها😉
ف دخلته عملت انها اتكسفت بس كملت لم للحب 
وبعدين بصت له كأنها توصلت لحقيقه علميه مبهره وقالت له : 
 تصدق يا مولاى مع ان اللؤلؤ مبيلبسهوش الا الملوك 
بس سبحان الله لا يقوم بثقبه الا الغجر 
وفهم عبد الملك القصد وما وراء الكلام 
وعجبته التوريه 
زى ما عجبته التعريه😆
وتمم الجوازه وانتصرت تانى على الحجاج 

فى نقطه اخيره بالنسبه لحكاية هند مع الحجاج 
الحجاج لما تولى ولايه الكوفه بعت ياخد من هند طفلها عبدالملك بن بشر
اللى انجبته من اخو الخليفه 
 علشان يتربى تربية ملوك وهى اذعنت ووافقت مرغمه محدش يفرط ف ضناه برضاه الا لو مغصوب 
ودا ممكن يكون ضغط عليها كأم ... لما الحجاج اتقدم لها  فوافقت علشان تبقى تانى مع ابنها من بشر اللى اخده منها الحجاج مقرأتش حتة انها مرغمه على الجوازه دى 
بس التاريخ ذكر حتة ان الحجاج بعت ياخد عبد الملك بن بشر فانا استنتجدت الباقى ده
واستمر الحجاج يحكم العراق حوالى ٢٠ سنه كان فيهم الحلو وفيهم الوحش لاء مش وحش بس الزفت كمان 

طيب من الحلو مثلا :

١ - ان الحجاج هو اللى امر ابو الاسود الدؤلى بتنقيط المصحف لان كتير من المسلمين من غير العرب كانوا( يعنى بينطقوا ويشكلوا غلط) ودا طبعا كان بيغير المعنى ودا قرآن يعنى بيغير المعنى 
طب دا لو عمله الحجاج يبقى حاجه عظيمه 
الحقيقه ان فى ف الكومنتات تحت👇رأى بيقول ان فى احتمال كبير ان مش الحجاج اللى امر بتنقيط المصحف

٢ -  تجزئة المصحف 
حلو دا عمل خير عظيم يعنى لولاه ما كنا عرفنا اجزاء المصحف 
بس استنى استنى كده 
هم العلماء عملوا الاجزاء دى ازاى؟ وامتى ؟

مصممين تعرفوا ؟
طب كفايه علينا كده الليله بدل ما يقع الموبايل من ايدى وانا بكتب زى الليله اللى فاتت وشلفطت الدنيا😂😂😂
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد