#الحجاج_ج١٩#الليله٥١٦
#الحجاج_ج١٩
#الليله٥١٦
طب اللى يعمل اللى حكيناه الليله اللى فاتت ف خادم النبى صلى الله عليه وسلم ممكن يقول ايه على حفيده؟
هو ف مره كان قاعد كده الا وهبت ف دماغه فتوى
و يقول ان الحسين لا ينسب لرسول الله صلى الله عليه وسلم
قالوا له : ليه ؟
قال لهم : الرجل ينسب لابيه مش دا كدا عندنا احنا العرب؟
قالوا له : اه
قال : يبقى الحسين ده ينسب لعلى بن ابى طالب متقولوليش ابن بنت رسول الله دى تانى😠 اصله مقهور من الحسين علشان حارب سيده عبد الملك
يعنى ما سبحان الله الحسين اخو الحسن بس الحسن بايع معاويه
انما الحسين رفض يبايع عبد الملك
طب هو انت لك ف الفتوى وفى اهم الصحابه والتابعين وعمرهم ما قالوا كده انت يادوبك معلم قرآن للصبيه ولما ربنا فتحها عليك بقيت ف الشرطه وبعدين حروب ثم حكم فين بقى الافتاء ده جالك ازاى
المهم ... قاعد احد العلماء اسمه يحى بن معمر
قاله : كذبت
ايه ؟
بتقول لمين كذبت للحجاج ؟
هو انت يا مرحوم يحى اتجننت للدرجادى
ولا قررت الانتحار بطريقه غير مباشره
معمر ايه بقى دا اجلك حضر كده ؟
طب يا ترى رد عليه الحجاج ولا ساب سيفه اللى يتكلم بداله
الصراحه الحجاج يومها كان مش مستعجل يموته وبعدين يفهم منه خاف ميرضاش يتكلم وهو ميت
فقرر انه يسمعه لاخر مره قبل ما يموته
ف رد الحجاج وقال: ان لم تأتنى على ما يثبت كلامك ... ومن القرآن قتلتك الان
فتلا له بن معمر :
(وَتِلْكَ حُجَّتُنَا آتَيْنَاهَا إِبْرَاهِيمَ عَلَىٰ قَوْمِهِ ۚ نَرْفَعُ دَرَجَاتٍ مَّن نَّشَاءُ ۗ إِنَّ رَبَّكَ حَكِيمٌ عَلِيمٌ (83) وَوَهَبْنَا لَهُ إِسْحَاقَ وَيَعْقُوبَ ۚ كُلًّا هَدَيْنَا ۚ وَنُوحًا هَدَيْنَا مِن قَبْلُ ۖ وَمِن ذُرِّيَّتِهِ دَاوُودَ وَسُلَيْمَانَ وَأَيُّوبَ وَيُوسُفَ وَمُوسَىٰ وَهَارُونَ ۚ وَكَذَٰلِكَ نَجْزِي الْمُحْسِنِينَ (84) وَزَكَرِيَّا وَيَحْيَىٰ وَعِيسَىٰ وَإِلْيَاسَ ۖ كُلٌّ مِّنَ الصَّالِحِينَ )(85)الانعام
وزى ما ربنا سبحانه وتعالى قال عن سيدنا ابراهيم وجعلنا فى ذريته النبوه صح ؟
قاله الحجاج : صح
قال بن معمر : يعنى ما من نبى بعد ابراهيم الا هو من ذريته ... صح؟
رد الحجاج : صح
كمل يحى بن معمر وقال : طب و اللى ينتسب لابراهيم عيسى و لامريم؟
قاله : مريم
قاله : وعيسى إبن مين؟
قاله : إبن مريم
قاله : والله سبحانه نسبه ف الايه الى ابراهيم ...صح ؟
رد الحجاج : صح
يبقى زى ما نسب عيسى لابراهيم عن طريق امه
يبقى يُنسب الحسين للنبى صلى الله عليه وسلم عن طريق امه بردو ... صح ؟
قاله : اه صح🤔 ... انفوه الى خرسان
فلت من الموت
ومن حكايات الناس اللى قالت كلام جامد للحجاج واحد اعرابى من بدو الصحراء فقير .. مسكين .. حافِ القدمين
الحجاج كان له خِصلة جدعنه غريبه زى موضوع حبه للقرآن
كان يحب انه لما ييجى ياكل يدعو اى حد يتغدى معاه
تستغرب هو مبياكلش مع زوجه من زوجاته الاربعه ليه؟ ... متفهمش
طب العيال لو كان مش طايق وش امهم ؟ متعرفش
طب الحاشيه والاتباع والانطاع اللى بيبقوا حوالين اى حاكم خصوصاً لو ظالم؟ ... متسألش
المهم انه بعت الحارس هات لى واحد من الشارع ييجى ياكل
بس اليوم دا كان حرّ حرّ اوى وف عز قيلوله الظهيره وبالتالى الشوارع فاضيه والناس كلها كانه ف بيوتها
وبعد ما لف وتعب لقى الاعرابى الفقير الحافى ده
قاله تعالى الحجاج عاوزك
فالراجل راح معاه
فدخل قصره
وقاله الحجاج : تعالى كلّ
فالراجل قاله : لاء
لقد دعانى من هو افضل منك
ايه ؟
انت اتجننت زى مجنون بنى عجل؟
بس دكهوا مكانش يعرفه انما انت عارف
تعالوا احنا كمان نعرف باقى الحكايه
بس الليله الجايه
ليلتكم فُل
#ابتسام
تعليقات
إرسال تعليق