#الحجاج_ج١٠ #الليله٥٠٧

#الحجاج_ج١٠

#الليله٥٠٧

سيبنا من الكلام عن الحجاج بردو .النهارده 

بس هو فى الجزء من خطبته الشهيره ف الكوفه اللى نزلتها ف كومنتات الجزء ٩ ده👇

https://m.facebook.com/story.php?story_fbid=1061792954592778&id=100022862494719

 هنلاقى ان الحجاج اتكلم معاهم عن ادبهم  وان  هو ده تعليم عبيد ابن ابيه فيهم 

طب مين ابن ابيه وايه الاسم الغريب ده

والحكايه دى مع انها خارجه عن سياق كلامنا عن الحجاج ولكن نحب نحكيها لانها ممتعه اولا

ثانيا لها دلالات كتيره مهمه ف التاريخ الاسلامى 

وترتبط بصورة ما بمفهوم عظامى ولا عصامى اللى كتبت عنه سلسله قبل كده 

والحكايه ان ايام الرسول عليه الصلاه والسلام كان فى جاريه اسمها سُميه من ثقيف وسنة ١ من الهجره جابت ولد بغير زواج .. مجهول النسب يعنى 

وسمته زياد ولانه مالهوش اب فكان بيتسمى زياد بن ابيه

ولكن زياد اللى مالهوش اصل كان له فصل و دور كبير وعمل اعمال بطوليه فى الحروب الاسلاميه وخطيب مفوه

وف مره كان قاعد بيتكلم عن واحده من المعارك اللي شارك فيها و أعجب به الناس 

ساعتها أبو سفيان  قال لعلي بن أبي طالب : أيعجبك ما سمعت من هذا الفتى؟ 

فقال علي : نعم، 

قال أبو سفيان: أما أنه ابن عمك، 

قال وكيف ذلك؟ 

قال أبو سفيان: أنا قذفته في رحم أمه سمية. 

قال علي : وما يمنعك أن تدعيه؟ قصدة (تعترف به يعنى بدل ما عايش مذلول بعار امه وعدم نسبه )

فقال: أخشى الجالس على المنبر وكان الجالس هو عمر بن الخطاب

مع ان هو كده امه حملت فيه وابو سفيان فى الجاهليه لان ابو سفيان اسلم يوم فتح مكه (و ان كنت اشك انه كان خايف من مراته هند بنت عتبه )

ولما كبر زياد بن ابيه كان بيشتغل كاتب عند أبي موسى الأشعري 

ونبغ في عهد عمر بن الخطاب 

واتقال عليه أنه كان ممكن أن يكون زعيم كبير يحرك  الناس بس لولا نسبه المجهول

فى حكايه تانيه أن أبو سفيان قال لواحد من اللى بيزموا ف زياد : "ويحك، أنا أبوه"

يعنى كده أقر ببنوته اكتر من مره

اما في عهد الخليفة علي بن أبي طالب  إتولى زياد ولاية فارس وكرمان

ولما إتنازل  الحسن بعد قتل سيدنا على لمعاوية عن الخلافة

ف بكده اصبح زياد تحت خلافة معاوية ابن مين ؟؟؟؟

ابن ابى سفيان ... اللى هو قال قبل كده ان زياد ابنه  

المهم ان معاوية بعت يطلب منه خراج ولايته فكتب ابن ابيه : "صرفت بعضه في وجه 

واستودعت بعضه للحاجة إليه وحملت مافضل علي أمير المؤمنين رحمه الله"

قصدة سيدنا على بن ابى طالب 

يعنى 

مفيش فلوس

فلوس مفيش

واتغاظ معاويه 

وكتب له وقاله تعلالى يا بابا🙋 

 ف زياد طنش🙂

وشويه  وولى معاوية (بسر بن أبي أرطأة) على البصرة

 

و قاله هاتلى  زياد 

 فعم بسر  مكدبش خبر 

وجاب ولاد زياد في البصرة وحبسهم وهم عبد الرحمن وعبد الله وعباد 

وبعت لزياد يقوله : "لتقدمن أو لأقتلن بنيك"

وزياد مطنش ...🧏‍♂️

 

و بسر كبرت ف دماغه و قرر قتلهم

دا زى حكاية ابن السموأل دى👇

الليله١٦٤

اوفى من السموأل

رابط الجزء الاول

https://www.facebook.com/102264164820545/posts/178728407174120/

الليله١٦٥

رابط الجزء الثانى

https://www.facebook.com/102264164820545/posts/179049687141992/

الليله١٦٦

رابط الجزء الثالث

https://www.facebook.com/102264164820545/posts/179298460450448/

الليله١٦٧

رابط الجزء الرابع

https://www.facebook.com/102264164820545/posts/179511697095791/

بس أبوبكرة (وهو أخو زياد من أمه)

راح  لمعاوية و قال له : "إن الناس لم يبايعوك على قتل الأطفال وإن بسرا يريد قتل بني زياد"

فأمر معاوية بسر  انه  يفرج عنهم ... ف بسر سابهم 

وخاف معاوية ابن ابيه اللى هو ابن ابيه خو كمان  

و لجأ للحيلة 

وذكر ما كان من أمر أبيه يوماً، ومقالته في زياد، وبعت  له أنه هيقر بنسبه إلى أبيه

ويصبح اسمه زياد بن أبي سفيان

وعلى رأى امى الله يرحمها 

قالوا ايش غرض الاعمى 

قال قفة عيون 

واكتر ما يهم مجهول النسب انه ينسب لاب 

ودا مش اى اب دا ابو سفيان ابو الخليفه

وبالتالى وافق زياد

فصالحه و قاله تعالى الشام و انا انسبك  لأبي أبو سفيان وقد كان ....

بس اعداء معاويه معجبهمش كده و اتمسكوا بتسمية زياد بن أبيه 

وهاجموا معاوية بالشعر، ومن أشهرها ما قال يزيد بن المفرغ الحميري:

ألا أبلغ معاوية بن حرب

مغلغلة عن الرجل اليماني

أتغضب أن يقال أبوك عف

وترضى أن يقال أبوك زاني؟

فاشهد أن رحمك من زياد

كرحم الفيل من ولد الأتانِ

والاتان هى انثى الحمار  اعزكم الله 

و زياد مخلف ولد اسمه عبيد الله 

ويدور الزمن ...

ويقتل عبيد الله بن زياد بن ابيه اللى كان ف يوم من رجالة على بن ابى طالب 

بقول ان ابن زياد هو اللى يقتل سيدنا  الحسين ابن على فى ماساة كربلاء الوحشيه 

طب مال دا كله ومال الحجاج دلوقتى 

اقولك 

اولاً الحجاج استشهد بعبيد الله بن زياد فى الخطبه الطويله اللى ف الجزء اللى فات 

ثانيا عبيد الله اللى قتل سبط النبى وعترته و عمل اكثر الامور وحشيه ف العراق يعنى يعتبر قدوه للحجاج ف الوحشيه

بس ايه بقى كان بيه ورومانسى ومتجوز واحده اسمها هند بنت اسماء (اسماء دا اسم ابوها وبيقال عنه انه كان أسماء خارجة الفزاري من اشراف العرب وأجوادهم )

مالها دى وحكايتها ايه دى كمان نكمل بكره 

هو احنا ورانا حاجه 

استنى يا حجاج اركن على جنب حبه كده 

عاوزين شويه هوا

#ابتسام