الحطاب_واليهودى_ج٣#الليله١٦١

#الحطاب_واليهودى_ج٣

#الليله١٦١

حد بيحمل طين ف زلع ويشيلها لحمير ومنهم اللى مستلفه كمان 

حاجه مريبه ... بس لمعه من وسط الطينه جذبت عين الحطاب 

ولما حرك الطين ساعتها شاف دنانير دهب كتير تحتها 

ولما فتش تحت باقى الزِلع لقى فيها كلها دهب 

الحطاب احتار ... بعد ما كان كل همه ان يرجعله الحمار علشان يروح الغابه يتهد حيله ويرجع يادوب بقوت يومه 

جاله ٢٠ زلعة مليانه دهب 

حاجه فوق الخيال 

بس الراجل ده بيخاف من ربنا ومش هيقبل حاجه  مش بتاعته 

وراح على بيت جاره يخبط عليه مش يمكن رجع والحمير خرجت من غير ما يعرف 

بس جاره مش موجود خبط كتير وجامد ومحدش موجود 

وبعد تفكير وحيره 

راح للحاكم وطلب انه يقابله 

ولما قابله حكاله الحكايه كلها 

والامن بتاع  الوالى فضل يدور ويشوف مين اخر حد شافه

وفعلا فى ناس شافوه واخد الحمير ورايح ناحيه الجبل 

اللى حصل ساعتها ايه بقى ؟؟؟

التاجر اليهودى كان عايش فى البلد دى لكن اهله فى بلد تانيه طول عمره و كل حلمه انه يرجع لبلده تانى 

ف نفس الوقت ... 

مش عاوز يرجع الا وهو اغنى من اهله اللى كانوا اغنى منهم وطول عمره نفسه يوريلهم نفسه اصبح معاه اد ايه   

علشان كده جمع كل قرش يقدر عليه علشان يبقى كتير 

وفعلا ... نجح انه يحوش ثروه كبيره تخليه راجع لاهله راسه مرفوعه انه بقى اغنى منهم 

بس علشان هو شرير وطماع 

خد من الحطاب الغلبان الحمار بتاعه علشان يحمل عليه فلوسه ويرجع بلده 

ومش هيرجع الحمار لا بعد ساعتين ولا بعد سنتين 

ويتفلق الحطاب ولا يموت من الجوع ميهمش اليهودى 

بس ارادة ربنا خلته عمل كده 

وعلشان زى ما قلنا حمار الحطاب شاطر ويعرف يرجع الطريق لوحده جه وجايب معاه الحمير كلها 

بس لسه بردو السؤال التاجر راح فين وساب ثروته تمشى من غيره ازاى 

#الحطاب_واليهودى

#ابتسام