#الحجاج_ج٢٠#الليله٥١٧

#الحجاج_ج٢٠
#الليله٥١٧
ايه ؟ 
دعاك من هو احسن منى ... مين دا يا رجل يا اعرابى انت ؟
رد الاعرابى قاله : الله سبحانه وتعالى دعانى اليوم لافطر على مائدته فانا صائم
استغرب الحجاج من ثباته ومن ردوده 
فقاله : فى حد يصوم ف يوم شديد الحراره مثل اليوم ؟
رد الاعرابى : اصومه اتقاء ليوم اشد منه حراره 
اوبا سمعت عن يوم الحساب يا حجوج 
والحجاج مش عاوز يسيبه فقاله : طب افطر النهارده واتغدى معايا وابقى صوم بكره 
بمعنى ... انت مش كل يوم هتقابل الحجاج ويعزمك تتغدى معاه ... انما ممكن تصوم بكره الايام جايه كتير 
خلى بالك من المغريات ... 
١ - مجالسة الحجاج والاكل معاه 
٢ - ويمكن الحجاج يعجب بك وتبقى من ندماؤه واصدقاؤه
٣ - اكل عمرك ما شوفت ولا هتشوف زيه ف عمرك ليوم مماتك
٤ - واخير قصر مظلل بدل حر الهجير اللى انت كنت نايم فيه 
٥ - دا لو مكانش الجوارى والعبيد شغالين يمروحوا عليك بريش النعام 
٦ - والعرض دا كله ليوم واحد يعنى مش هيتجدد تانى 
بس الاعرابى رد وقال : أوتضمن لى ان اعيش للغد لاصومه ؟ 
واستأذن وخرج وهو سايب الحجاج مندهش من قوة ايمانه ومن ثباته ف الرد ومن تنزهه عن متع الدنيا ارضاء لوجه الله ... يكش يتعظ بقى .... بس تفتكروا؟

الحجاج ف مره شاف ف منام ظنها رؤيه وزى ما قال صلى الله عليه وسلم ان الرؤيه بتكون ف حلقوم طير فاذا فسرت وقعت 

وهو شاف فى الرؤيه انه فقد عينينه الاتنين 
فقأت واحده ووراها واحده 
طب يعمل ايه ؟
يجيب المفسرين يفسروا له ؟
طب ما الرؤيه باينه مش عاوزه تفسير هيخسر حاجتين غاليين عليه زى عينيه 
طب ما ينفذ هو  الرؤيه وبكده تكون وقعت من غير ما هو ينتظر وقوعها 
وعلى رأى المثل وقوع البلا ولا انتظاره

وفعلا راح مطلق ٢ من زوجاته 
واهو كده خسر ٢ زى حبابى عنيه
حبابى عنيه بردو😉 فى راجل مرتاته بتكون حبابى عنيه 
 
و بزمتكوا لو  كانت مراته حباية عينه🙃 
اومال اتجوز عليها ليه؟ بتحسن الرؤيه 😂😂😂
المهم هل كدا فلت الحجاج اللئيم من تفسير الرؤيه اللى اقلقته ولا ممكن يحصل حاجه تانيه تبوظ مخططاته حتى فى التلاعب على الاحلام 
نكمل الليله الجايه هو انتوا وراكوا حاجه ولا  الحجاج وراه حاجه 
عموما لو موراكوش حاجه وزعلانين ان الحكايه ممتده ولسه مخلصتش يبقى انزلوا ف الاكاونت او قلبوا ف الليالى القديمه بعد ما تعملوا الهاشتاج ده #الليله واكتبوا جنبها اى رقم المهم اقل من رقم الليله و ساعتها هترضوا شغفكم للقراءه اما لو مش فاضيين ووراكوا الف حاجه زى حلاتى يبقى هتعذرونى

#فوتكوا_بعافيه_وعفو_ومعافاه 
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد