#الحب_ف_اسوان#الليله٥٤٤
#الحب_ف_اسوان
#الليله٥٤٤
والله ما طلعت شمسً ولا غربت
الا اما كنتى ياشروق فى بالى
ولا كلمت مدبولى ولا شوقى
الا اما قولت لهم نجحوهالى
وهممت بشرب الماء من عطشٍ
الا اما افتكرت غرقتكم السوده ف سابق الليالى
عارفه يا شروق
انا خليتهم يعملوا احتفالات طريق الكباش هنا ليه؟
علشان اتحجج واجى ازورك
انا اصلا خليت الفراعنه عملوا طريق الكباش هنا علشان اعملها حجه واجى اشوفك
عارفه يا شوشو
انا ميهمنيش انت ف تانيه ولا تالته
اهم حاجه متكونيش ف رابعه علشان تفضيلى
انا ممكن اعمل اى شئ ... شوفى اى شئ
واخليكى تنجحى ف سنه رابعه بالعند ف طارق شوقى
متحطيش ايدك على خدك يا شروق
انا ممكن اشيل طارق من ع الارض شيل لو زعلك
انت مش عارفه انك نور عنينا ولا ايه ؟
متزعليش يا شروق ان بيوتكم اتهدمت والسيول غرقتكم
انت عارفه ان الميه اللى مزعلاكى دى فضلت مفيش غيرها ف تلاجتى كاااااام سنه ؟
والعقارب .. بتخافى من العقارب وانا جنبك
طب انا هوصى انهم يلموا كل العقارب اللى جت ف اسوان ويودوها على مكتب طارق شوقى ف العاصمه الجديده
يخلوا شويه يودوهم بيته
علشان يخاف يكمل اذيه ف منهج سنه رابعه التيرم التانى
ودا مش علشان سنه رابعه السنادى .. ابسليوتلى
دا علشان انت راحه رابعه السنه الجايه يا قمر انت يا ام بنبى انت
لسه خايفه ؟
وحاطه ايدك على خدك
متخافيش ولا تحطى ايدك على خدك
ايه ده؟
لابسه خاتم ف ايدك يا شروق ؟
دهب ده ؟
متقوليش انك مش هتتبرعى به لصندوق تحيا مصر؟
ولا عاوزاهم يقولوا ان الحاجه زينب اجدع منك ؟
حتتبرعى بالخاتم
ياحبيبتى يا شروق
طب ومصروفك ...؟
يا شروق ... ياحبيبتى
حوار خيالى تم ف بالى
واللى ميعجبوش يعدى عليه ولا يبالى
بالنسبه لحدوتة القطط فدى هكملها باذن الله الليله الجايه اذا احيانا ربنا
مقدرتش اشوف اللقطات دى ومعلقش عليها من وجهة نظر خياليه كوميديه لم اتكلم فيها عن السياسه و ليس لها علاقه بها
بس ع العموم متنسوش لو حابين تقرأوا حاجه تانى من عندى
اكتبوا الهاشتاج #الليله
وجنبه اى رقم اقل من٥٤٤
هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى
ولو مش بتشوف حواديتى اليوميه بانتظام يبقى ممكن تعمل متابعه وسى فيرست
ولو عجبك اعملوا لايك وكومنت وشجعونى اكمل
#فوتكم_بعافيه_وعفو_ومعافاه
#ابتسام
تعليقات
إرسال تعليق