#العصافير_والنمل_والاخلاق_العاليه_ج٣_والاخيره#الليله٥٤٢

#العصافير_والنمل_والاخلاق_العاليه_ج٣_والاخيره

#الليله٥٤٢

ماما كانت بتقول ان كانت الجاره دى دايما تتكلم مع ماما والجيران وتقول لهم انها بتاكل قليل علشان مستحرمه تاكل من معاش اليتامى اللى هم ولادها 

وانها خايفه تشترى لنفسها طلبات ضروريه من لبس وخلافه علشان ميبقاش اكل مال يتيم

ولا اشتغل علشان اصرف على نفسى ؟؟

وطبعا الكل كان متعاطف معاها ويقولوا لها يا بنتى ما كأن جوزك لسه عايش وبيصرف عليكى كلى زى ما كنتى بتاكلى واصرفى زى ما كنتى متعوده 

وكانت ساعتها بتبص للى بيكلمها ببرأه بقلق وخوف الا يكون ده اكل مال يتيم 

لانها بتستخدم من فلوسهم اللى معاها دى

ومع ان ربنا كان موسعها عليهم من معاش ومن اهل الخير اللى مقدرين الحِمل و بالتالى كل واحد بيتصرف من ناحيته وميعرفش ان غيره واقف جنبها

والنتيجه انها كانت بتتحصل شهريا على ضعف مرتب جوزها لما كان عايش 

دا غير الاعياد ورمضان وبدايات المدارس ودا كله كانت والدتى تعرفه بحكم الجيره وقربها من بعض اهل الخير 

الا ان المفاجأه اللى مكانتش تعرفها وعرفتها فيما بعد لما دار الزمان 

و إبتدى الاطفال يكبروا حبه يفهموا ويتكلموا فإبتدوا يحكوا لوالدتى الله يرحمها و للجيران ان الام الحنينه اللى مستحرمه تاكل من معاش ابوهم دى كانت حارماهم من كل حاجه حتى الاكل بياكلوا اللى يسد الجوع بس  وانها الفلوس كلها حاطه ايدها عليها بتحوشها باسمها ف البنوك والفتات هو اللى العيال عايشين به

 و من الفتات ده بتصرف على نفسها و مزاجها ومبتحرمش نفسها من حاجه ابداً

وانها حرفياً ذاله العيال بكل حاجه لا اكل عِدل مصروف ايد 

و حاجه نفسهم فيها 

الا بس ... اللبس بتلبسهم كويس علشان الناس تفهم انها مش حرماهم 

كانت تيجى من نص الشهر وتقول مفيش فلوس الفلوس خلصت وممكن يكملوا الشهر بكرتونه بيض وجبنه قريش ولا كان فى لبن ولا طبخ ولا اى شئ

لكن ممكن ف ليله تهفها نفسها على بيتزا مثلا فتبعت حد من العيال يجيب بمبلغ وقدره 

وغيرها مواقف حكوها العيال 

زى انها تحرمهم من المصروف وتديهم قروش وهى ماليه ضرفة هدومها بكل الحلويات والشيكولاتات الغاليه ولا السوبرماركت وطبعا محدش يستجرى يقرب له 

اللى بحكيه دا عن ام بتدعى كل لحظه الفضيله والايثار وهى طول الوقت بتذلهم  

واللى حكيته دا جزء يسير من اللى شوفناه وعرفناه وحكوه العيال

ف اللى كان مستغرب الحدوته الخياليه بتاعة العضافير اللى بتشوفها من الشباك ولا اللى خايف يدوس ع النمل  يلف وشه حواليه ويشوف الواقع عامل ازاى 

و ساعتها هيلاقى فيه اشرار اسوء من اشرار الحواديت

 و هم فعلاً اساسا شياطين الإنس

وبقول دايماً

يا جماعه ابليس لو كان ظهر قدام الناس بشكله مكانش حد اتبعه 

علشان تتبعه لازم ابليس يكون لابسع ثوب الفضيله

ومتنسوش لو حابين تقرأوا حاجه تانى من عندى 

اكتبوا الهاشتاج #الليله 

وجنبه اى رقم اقل من٥٣٤ 

هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى

 

#فوتكم_بعافيه_وعفو_ومعافاه

#ابتسام