#الطفل_المزعج_وافريقيا_السمراء٣#الليله٥٤٧
#الطفل_المزعج_وافريقيا_السمراء٣
#الليله٥٤٧
انا استاذ حسن مدرس الدين الاسلامى واللغه العربيه مبعوث الازهر فى احدى الدول الافريقيه ذات الاغلبيه المسلمه سنى ف الوقت بعثتى كان فى العشرينيات من عمرى و الفتره اللى سافرت فيها كان فى منتصف الستينات
عارفين ف الفتره دى مصر كانت منفتحة على دول افريقيا لاسباب كتير اغلبها سياسى وتوازن قوى بين الرأسماليه والشيو......
هس ...هس ... يا حسن ايه اللى بتقوله ده ؟
انت بتحكى حدوته مفروض مشوقه كعادة ابتسام فى حكاية حواديتها
ايه اللى هيخلينا نتكلم عن الشيوعيه والبروليتاريا وعدم الانحياز ؟
الفكره انى اتشجعت زى كتير غيرى وخدتنى نزعتى الدينيه لنشر الاسلام
والرغبه ف انى ابعد عن قصة حب فاشله وادخل مغامره ف غابات افريقيا ارض المغامرات
يمكن لما كنت حكيت من سنه على اول مره زرت البلد الصغيره اللى كنت واجبى فيها انى اعلم اهلها مبادئ اللغه العربيه و تعاليم الدين الاسلامى وحكيت هنا 👇
https://m.facebook.com/story.php?story_fbid=1086220835483323&id=100022862494719
ودا كان رابط الجزء الثانى👇
https://m.facebook.com/story.php?story_fbid=1086905768748163&id=100022862494719
على اول مره ادخل البلد ويصادفنى موقف غريب لطفل مصمم يقعد ف نص القارب الصغير و اللى كان ملطشه للى رايح واللى جاى
واللى بعد كده عرفت اد ايه هو كان مهم ومفيد لنا كلنا
وبعد حوارى مع العجوز صاحب المركب وجد الولد واللى كان حوار مزيج من فرنسية ركيكه بينا مع شوية اشاره وكام كلمه عربى فاهمهم هو بحكم حفظه لبعض سور القرآن و العمليه مشيت واتفاهمنا سوا
و الفكره انى فيما بعد اتصاحبت مع الجد وبقيت صديق له على قد فرق السن واللغه والاختلاف الثقافى بينا ... بس مين قال ان حاجه من دول شرط استقامة الصداقه وقيامها بين الناس مادام فى التقاء دينى وروحى
يوووووه ... الاسهاب تانى يا حسن !!!!
سامحونى عاده قديمه بحاول اغيرها بس واضح انى لازم ابذل مجهود زياده انى ابطلها
نرجع لحكاياتى ف افريقيا
الصراحه الحاج احمد
ساعدنى كتير ف غربتى وعلمنى كتير عن عادات الشعب وطباعهم الجميله
وكان بيحكيلى عن زمان وطبعا بعد ما ساعدنى ف تحسين فرنسيتى الافريقيه (آه 😅اصل الفرنسيه اللى بنتكلمها هنا اكيد مختلفه كتير عن فرنسيه الفرنساويين ) بس اهى مشت حالى وساعدتنى اتفاهم مع اهل البلد اللى بصراحه كانوا طيبين ومرحبين جدا
حتى غير المسلمين منهم
كلمنى كتير عن ايام الاحتلال اللى كان مسيطر على كتير من دول افريقيا السمراء واللى كان متوزع بين فرنسا اللى لها نصيب الاسد و حبه دول كان محتلهم التاج البريطانى او بلجيكا وغيرهم
واللى مش بس كانوا تجار عبيد اتحكاله عن اهله اللى كانوا بيتخطفوا من وسطهم زى ما يكونوا بيصطادوا حيوانات زى كونتاكنتى بتاع روايه جذور اللى بتدور احداثها عن افريقى مسلم اتخطف من دولة جامبيا
واتباع كرقيق فى امريكا
وحكالى الحاج احمد اد ايه فقد اكتر من خال له بالطريقه دى
ازاى ...؟
إسمحولى اكمل الليله الجايه
ابتسام هتموت وتنام وشكلها بتنام منى وانا بحكيلها
سيبوها تنام دلوقتى
و هنحكيلكم الليله الجايه اذا احيانا ربنا
بس ع العموم متنسوش لو حابين تقرأوا حاجه تانى من عندى
اكتبوا الهاشتاج #الليله
وجنبه اى رقم اقل من٥٤٧
هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى
ولو مش بتشوف حواديتى اليوميه بانتظام يبقى ممكن تعمل متابعه وسى فيرست
ولو عجبك اعملوا لايك وكومنت وشجعونى اكمل
#فوتكم_بعافيه_وعفو_ومعافاه
#ابتسام
تعليقات
إرسال تعليق