#جلد_النمر #الليله٥٣٧

#جلد_النمر 
#الليله٥٣٧
الحدوته دى كانت عندى وانا وصغيره تقريبا اولى او تانيه ابتدائى وبداية انى اروح المكتبه اشترى كتب بنفسى واقراها لوحدى ....ودى كانت بداية الادمان اللى مازال حتى الان  
والقصه دى كنت بحبها وباخد منها العبره والعظه 
والحكايه بتقول كلام زى الفل بس انا مبحكيش حكايه زى ما سمعتها ولا كنت نزلت حاجات منقوله
الحكايه انى لازم احكيها بطريقتى 
اللى فاكر الحكايه الاصليه ياريت يدخل يقول رايه سلبى ولا ايجابى يشرفنى ومرحبه به يعنى تعديلى حسّن ف القصه ولا ياريتنى سيبتها على حالها 
واللى مقرأهاش الفرصه لسه قدامه 
المهم نبتدى الحدوته 
ونقول كان ياما كان ياساده يا كرام ولا يحلى الكلام الا بذكر النبى عليه الصلاة والسلام 

كان زمان النمر🐯 لونة ابيض عادى من غير خطوط و كان عايش ف الغابه شايف نفسه اقوى مخلوق اتخلق على وجه الارض 
لدرجة انه اقوى وانشط من الاسد🦁 اللى نايم على جنبه ف العرين فاتح نتفليكس و مستنى مراته تجيب له الاكل 
بس غروره اللى خلاه شايف انه اعلى وارقى من الاسد ده ومن باقى المخلوقات اللى على الارض

وف يوم بيتمشى النمر ف الغابه قابل حصان🐎 بيجرى هربان 
قاله مالك خايف من ايه ؟
قاله بهرب من الراجل اللى كان عاوز يأسرنى وياخدنى اشتغل ف خدمته

استغرب النمر وقاله معقول ؟
انا اعرف انك قوى يا حصان صحيح مش اقوى منى بس بردو حيوان قوى!!!
هو الرجل ده قوى اوى؟
قاله الحصان اه .. دا واخد اخواتى وقرايبى مشغلهم عنده يشيلوا حاجته التقيله ويجروا امتعته و مطلع عنينا 
استغرب النمر وساب الحصان يكمل هروبه
وهو عمال يفكر يا ترى ايه شكل الراجل اللى بالقوة دى كلها

وبعد فتره قابل الجمل🐪 وقاله انت الراجل؟
ورد الجمل قاله انا الجمل بس الراجل بياسرنى ويربطنى ويشيلنى ويمشينى ف الصحرا شايله وشايل حاجاته  وامتعته

وكمل وقابل الفيل🐘 
ودا بينهم نفس الكلام اللى قاله الحصان والجمل 
وزاد تعجب النمر وقال
معقوله الحيوانات الضخمة دى يعمل فيها الراجل دا كله ؟
واخده الغرور واللى شايف نفسه اقوى مخلوق ف الغابه و شايف ان الاسد اقل منه 
قال انا لازم الاقى الراجل ده وادبه واعلمه انى انا اقوى حيوان ف الغابه واقوى مخلوقات ربنا كلها

وفضل ماشى يشوف الحيوانات ويسألهم انت الراجل ؟
طب تعرف فين الاقى الراجل
لحد ما لقى غزالان بيجروا🦌🦌🦌 
ولما حب يسألهم بيجروا من مين ؟
قالوا له اصل فى راجل هناك ف الناحيه الشرقيه واحنا بنهرب منه 
اكيد عارفين النمر عمل ايه؟
فعلا زى ما قولتوا اخد بعضه وراح ع الناحيه الشرقيه 
علشان يقابل الراجل ويعرفه غلطه ويعلمه الادب ويعلم عليه 
علامه تعرفها حيوانات الغابه كلها وتعرف ازاى ان النمر اقوى مخلوق ف الغابه
هيعمل ايه ؟
دا اللى هنعرفه الليله الجايه باذن الله ☺
ومتنسوش لو حابين تقرأوا حاجه تانى من عندى 
اكتبوا الهاشتاج #الليله 
وجنبه اى رقم اقل من٥٣٤ 
هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى
 
#فوتكم_بعافيه_وعفو_ومعافاه
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد