#اصل_الكريب_ج١#الليله٢١٧#اذا_عرف_السبب

#اصل_الكريب_ج١
#الليله٢١٧
#اذا_عرف_السبب
= هتخرجوا تعملوا ايه ياولاد ؟؟
- هناكل كريب 
= اكتر محلات بتفتح الايام دى ؟؟
- محلات كريب 
حتى بتوع الكشرى والفول والطعميه بيعملوا قسم للكريب 
المحلات السوري اللى ملت البلد سابوا اكلاتهم التقليديه اللى بنموت فيها اهم قسم عندهم الكريب 
عموما الله يسهلوا يا ياعم 
طب ماعلينا انتشر فجأه الكريب بس اصل الكريب منين ؟؟؟ 
تعالوا نتعرف عليه ... واصله ايه ؟؟؟
اولا الكريب اكله فرنسيه 
وان كان فى ناس تانيين مفاجأه بيقولوا انهم هم الاصل هاقولهم ف الاخر
تعالوا نشوف الاول النسخه الاشهر النسخه الفرنساوى 
كان ياما كان ولد فلاح فرنساوى 
عايش ف تلال اقليم بريتانى فى 
غرب فرنسا اسمه ( هنرى شاربنتى ) 
اخترع الفطيره دى سنه ١٨٩٥ يعنى 
قول من ١٢٥ سنه كده
ومكوناتها اللى مستمره لحد دلوقتى هى مزيج من الدقيق والبيض والزيت واللبن وشوية ملح وشوية سكر 
الواد راح على باريس عند عمه اللى فاتح مطعم وهناك بقى يقدم وجبته اللى اتخصص فيها مطعمهم واشتهر بيها 
وساعتها ماكنش بياكل الكريب الا الاغنيا لان الدقيق الابيض كان غالى  
ولذلك كانت اكلة الامراء والاغنيا      

وف ليله من الليالى زار مطعمهم امير ويلز ( حته تاريخ كده) امير ويلز دا اسم بيطلق على ولى العهد البريطانى يعنى اول ما ملك او ملكة انجلترا بيخلف وريث للعرش بيطلق عليه امير ويلز ويبقى هو مسئول عن المقاطعه دى من انجلترا لما يكبر طبعا
ولما الملك لسبب ما يموت او يتنازل عن العرش بيكون هو الملك وابنه من بعده بياخد لقب امير ويلز 
وكمان (حته جغرافيا كده ) فرنسا وانجلترا جيران يفصل بينهم القنال الانجليزى او بحر المانش وبالتالى زى ما شاب روش عندنا كده يقولك هنروح اسكندريه ف الويك اند صد رد كده ونرجع 
واتعشى ف باب الخلق وافطر ع البحر ف بحرى 
بس طبعا ييجى يتغدى يلاقى لانه امير مش كحيت ميلاقيش زى مدحت صالح وشريف منير 
وبالتالى امير انجلترا كان بياكل ف المطعم الروش بتاع الاغنيا اللى بيقدم الاكله الغاليه اللى اسمها كريب Crêpe
اللى هى معناها فطيره بالفرنساوى رقيقه زى البان كيك كده 
اظن كده وضحت 😄
المهم دا امير ويلز وملك بريطانيا المستقبلى و علشان كده عم هنرى جرى ع المطبخ وعمله الكربايه المرادى بعصير البرتقال ودلع بقى وحركات 
عجبت اوى الامير وقال انا هاسمى الاكله دى كريب سوزيت 
على اسم الاميره المزه اللى كان صايع معاها الليله دى 
وقاله تعالى يا واد يا هنرى يا شاربنتى اشتغل عندى ف القصر 
وكان كده ممكن تنتهى حكاية الكريب واسراره ف قصر الامير الانجليزى 
ومكانتش تقرفنا بيها بنت سلطح بابا ف فيلم اشاعة حب
لولا ان حصل ايه ؟
دا كمالة حكايتنا الليله الجايه باذن الله

#حكايه_ورا_كل_اكله
#متخدونيش_ف_دوكه_واعملوا_لي_ليك_وكومنت_وشير
#ابتسام
بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳 وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂 وبما ان الحكايات مرت عليها سنه بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ٢١٧
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد