#عضة_اسد_ولا_نظره_حسد(٣)#شمشون_الجبار #الليله٢٢٠
#عضة_اسد_ولا_نظره_حسد(٣)
#شمشون_الجبار
#الليله٢٢٠
مع سلسله عضه اسد ولا نظرة حسد لسه مكملين
وزى ما بعيد المقدمه كل مره بحكى حكاية جديده لمواجهة الاسد مع الانسان
دى سلسله هنزلها بشكل متقطع عن ناس عبر التاريخ اتقابلوا مع اسد ولكن فى لقاءات غير عاديه
هنلاقى ناس فى التاريخ المسيحى وناس ف التاريخ الاسلامى او اليهودى
وناس فى العصر الحديث
كل لقاء مع الاسد كان مختلف عن التانى
يجمعهم بس اللقاء بأسد
وتأثراً من التكاتك و الميكروباسات
سميت السلسله عضة اسد ولا نظرة حسد
ليس تضخيما للحسد ولا تقليلا من شأن الاسد ولكن علشان الجرس فيها عجبنى
اللقاء غير عادى يعنى مش ف جنينة الحيوان ولا اصطادوه ف الغابه ولا رحلات السفارى المتأمنه ف غابات افريقيا ولكن ..... ماتيجوا نشوف
لحد دلوقتى حكيت منها حكايه سفينه مولى رسول الله صلى الله عليه وسلم ودا ممكن نقول انه من صحابة رسول الله
و دى حكايته
#سفينه
ج١
https://m.facebook.com/story.php?story_fbid=1098994797539260&id=100022862494719
ج٢
https://m.facebook.com/story.php?story_fbid=1099584734146933&id=100022862494719
وفى كمان حكاية اندروكليز والاسد ودا شخصيه من بداية انتشار المسيحيه وعلشان كده فى ناس بتقول عليه قديس
ودى حكايته
اندروكليز والاسد
ج١
https://m.facebook.com/story.php?story_fbid=1095310057907734&id=100022862494719
ج٢
https://www.facebook.com/100022862494719/posts/1095927871179286/
ج٣
https://m.facebook.com/story.php?story_fbid=1096503204455086&id=100022862494719
وده بقى عرفنى حاجتين
اول حاجه ان الاسد ده واخد شهره ع الفاضى
وان احنا البشر حاطين عليه جامد
وتانى حاجه فكرنى بعلاقة جديده غريبه مع اسد والمرادى مع واحد من الديانه السماويه التالته
صح اليهوديه
ونبتدى مع الحكايه التالته
تعالوا نتعرف على شمشون
مين شمشون ؟؟
حقيقي ولا شخصيه خياليه ؟؟
طب اللي فاكر فيلم ال ٧ اقلام بتاع شكوكو فاكرين
كان الاسم متغير واللي بيركز يلاقيهم بيجيبوا صوت
ممثل ع الصوت الاصلي اللي بيقول عنتر بس لو
ركزت هتلاقي الاسم الاصلي شمشون
طب يا تري غيروه ليه ؟؟
ومين اللي كان السبب ف تغييره
وازي يشوهوا للفيلم كده؟؟
الاسئله اللي فوق انا هجاوبها ف القصه اللى جايه من حكاية شمشون واللى هتكون القصه ال الثالثه فى سلسله عضة اسد ولا نظره حسد
#شمشون_الجبار
اللي كلنا لاحظنا ان حوار الفيلم بيتكلم مع شمشون واتحط عليه اسم عنتر بصوت ردئ
كان طول عمري من صغري نفسي اعرف السبب
لحد ما عرفت ان اليهود فى مصر هم السبب وانهم هددوا بوقف عرض الفيلم وبالتالي كانت الخساره القريبه والتشويه اللي حصل ف الفيلم ارحم
طب واعترضوا ليه؟؟؟!!!
لان اليهود المصريين معترضين ان يطلع الشخص الشرير في الفيلم باسم شمشون
شمشون عندهم ...
بطل .....
وقاضي......
ورجل صالح
وتعالوا نشوف قصته :
شمشون دا شخصيه حقيقيه موجوده ف التوراه وف العهد القديم
كان ياما كان فى قديم الزمن من 11 قرن قبل الميلاد من اكتر من 3000 سنه كده من دلوقتي
كان اليهود مطرودين من ارض كنعان وكان عايش فيها ناس اسمهم الفلستيون
ودول اللى ممكن يكونوا اصل شعب فلسطين
فى الفتره دى كان فى راجل اسمه منوح الدنىّ معندوش اولاد وف يوم جاله ملاك قاله هتخلف ولد
بس حط له عدة نُذر - مش نذر واحد يعني - زى ان امه متشربش خمر وان شعره ميتقصش خالص
( فَهَا إِنَّكِ تَحْبَلِينَ وَتَلِدِينَ ابْنًا، وَلاَ يَعْلُ مُوسَ رَأْسَهُ، لأَنَّ الصَّبِيَّ يَكُونُ نَذِيرًا للهِ مِنَ الْبَطْنِ، وَهُوَ يَبْدَأُ يُخَلِّصُ إِسْرَائِيلَ مِنْ يَدِ الْفِلِسْطِينِيِّين) . (قض 5:13)
ودا كان ف سفر القضاه ف العهد القديم زى ما قلنا
وقد رُبي الولد حسب هذه التوصيات
اتولد شمشون اللى معناها شمس بالعربى
عاش شمشون وكبر وبدأ يروح المدينه اللى بيعيش فيها الفلستيين
شمشون كان مبارك وربنا اعطاله قوة جباره
منحه من ربنا .. وهديه لابوه ولبنى اسرائيل كلهم من رب العالمين
وف يوم قرر يسيب بلده ويروح عند الفلستيين
وهو رايح طلع عليه اسد هتقولى ايه اللى جاب الاسد ف فلسطين
اولا الاحداث من 3000سنه وطبعا الطبيعه كمناخ ووفرة نبات وحيوان كانت مختلفه والبشر اقل وعلى فكره مصر بردو كان فيها اسود
ماعلينا ..
و هاجمه الاسد
يا ترى دافع عن نفسه ولا لاء؟
ودافع ازاى؟
ومين اللى انتصر شمشون ولا الاسد؟
اجابات الاسئله دى كله هنقولها الليله الجايه بامر الله
#شمشون_الجبار
#سلسله_عضة_اسد_ولانظرة_حسد(٣)
#ابتسام
بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳 وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂 وبما ان الحكايات مرت عليها سنه بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ٢٢٠
#ابتسام
تعليقات
إرسال تعليق