#عضة_اسد_ولا_نظره_حسد(٣)#شمشون_الجبار_ج٢#الليله٢٢١

#عضة_اسد_ولا_نظره_حسد(٣)

#شمشون_الجبار_ج٢

#الليله٢٢١

يا ترى شمشون عمل ايه لما هاجمه الاسد ؟

تفتكروا عمل ايه ؟

دا له قوه جباره علشان كده دافع عن نفسه وصرع الاسد بيديه عاريتين 

يعنى بدون سلاح 

ومتستغربش انه قتل اسد زى ما قلنا كان عنده قوة جباره علشان كده سموه الجبار وحاجه كده تدى على بيج رامى 

ساب جثه  الاسد وهناك قابل بنت من الفلستيين وحبها وطلبها للزواج 

وبعدين وهو راجع على اهله عدى ع المكان اللى صرع فيه الاسد وهناك لقى ان النحل عمل لنفسه قفير بيت يعنى جوه جثه الاسد

الاستاذ  شمشون اكل من العسل وخد معاه لابوه وامه 

وعرض عليهم حكايه البنت اللى حبها بس هم رفضوا 

اصل دول من الاعداء اللي محتلين بلدهم 

بس هو كمل وراح على معاد الزفاف اللى متحدد 

هناك بقى عملوا وليمه وعم شمشون اتغر ف نفسه و قال اقولكم  فزوه :

 ( من الآكل خرج أكل ، ومن القوي خرجت حلاوة )

ويقصد 

 ايه هو اللى بياكل   وفيه جواه اكل حلو  يقصد عسل النحل

اشاره لحكايه الاسد اللى قتله ولقى بعد كده فيه بيت  نحل 

رأيى انها  منظره مالهاش لازمه 😏

طبعا محدش عرف فقال لو عرفتوا الحل ال30راجل اللى موجودين ليهم 30 قميص هديه 

هو طبعا بيتمرع علشان هو مطمن ان محدش هيعرف 

التانيين بقى مسكتوش وسلطوا عروسته عليه  

او هددوها بالقتل لها ولاسرتها 

بردو عنطزه فارغه يعنى ممكن يقولوا  عروستى او غلب حمارنا عادى يعنى

بس لاء بردو لازم العنطزه اصل خد بالك بالنسبه لهم شمشون ده من الشعب الدرجه التانيه زى ما اى محتل بتعامل مع اهل البلد اللى محتلهم

المهم العروسه الندله باعت جوزها قبل ما يبقى جوزها حتى 

طب مش تستنى لما يربعن حتى وياخد لقب المنيل جوزى 

لاء دى فضلت وراه لحد ما قالها : هو فى اقوى من الاسد واحلى من العسل

والعسل مراته مكدبتش خبر راحت قالت لاهلها 

وبقى عم شمشون الفتان مطالب انه يوفى بوعده ويجيب 30قميص 

طب  وهو حيلته حاجه ☹

خرج من المدينه وهناك قابل 30جندى قتلهم وجاب هدومهم للمتراهن معاهم وسد دينه

بس طبعا الموضوع خد وقت  ... و لما رجع لمراته لقى ان ابوها جوزها لواحد تانى وقاله لو عاوز خد اختها الصغيره 😜

وكمان مش هايديه فرق 😂

خرج شمشون من بلد الفلستيين زعلان 

وجاب 300 ذئب (صراحه مش عارفه جاب العدد ده منين - عادى متعودين من اليهود ع الكدب)

وربط ف اذيالهم مشاعل نار واطلقهم على حقول الفلستيين 

حاجه كده زى فيلم الارض باين 

المهم صاحبنا ولعلهم ف ارضهم ومشى 

وبقى الذئب ولع ف الدرة يا بت

طبعا الفلستيين قالوا اسيبه ؟؟؟؟

قمت .....

اكمل بكره بقي 😴😴

#شمشون_الجبار

#سلسله_عضة_اسد_ولانظرة_حسد(٣)

#ابتسام

بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ٢٢١

#ابتسام