#قارئه_الفنجان#الليله٢٢٧

#قارئه_الفنجان
#الليله٢٢٧
كان ياما كان فى  بنوته ف عز شبابها
مش مرتبطه ومش مستعجله ولا فارق معاها 
كان رأيها النصيب هييجى ف اوانه
رقيه ... ودا اسمها كانت عندها مشكله من نوع اخر 
اخوها مش مرتاح ف شغله 
الشغل كويس بس هو مش بيحبه ميوله حاجه تانيه
ودا مزعل امهم وعاوزه تطمن عليه خصوصا انه كبير العيله بعد وفاة والده

وف عز ما الحزن مسيطر عليها علشان اخوها مصطفى حبيبها ... 

وعلشان امها ست الحبايب اللى زعلانه عليه وشايله همه 

جت صاحبتها بالاقتراح العبقرى 

تعالى يا رقيه نروح لفلانه الفلانيه اللى بتقرا الفنجان 

ورقيه قالت لها فنجان ايه ؟؟ وكلام فارغ ايه بس يا زينب ؟؟

دا دجل وكلام اونطه 

اه ... نسيت اقول ان احداث حكايتنا بتدور  ف الخمسينات من القرن الماضى 

وكانت منتشره قرأة الكف والفنجان والكلام ده  اكتر من دلوقتى 

بس اذا كان قراءه الفنجان دجل 

والبنوته  عارفه كده زى ما كلنا عارفين 

 فى حاجه تانيه كلنا عارفينها بردو وهى 
ان الزن ع الودان امر م السحر 

وبسبب زن صاحبتها 

 راحت معاها لقارئه الفنجان وضحت ب النص ريال الغالى الثمين 
واللى التفريط فيه ف الزمن ده ( الخمسينات )

والظروف اللى هم فيها بردو 
حاجه مش هينه 
بس زى بعضه 
لجل عيون اخويا وامى اروح لقارئه الفنجان 

وبعد ما  دخلت بيتها المريب وبعد ما زيق الباب وطلعت ع السلم الخشب النقالى لاوضتها اللى فوق السطوح 

وبعد ما كانت بتترعش وخايفه مع انهم يعنى الساعه ١٠ الصبح والشارع ماليان ناس ولو رقعت صوت واحد يعنى لو اى قلق حصل الف مين ييجى ... بس بردو مرعوبه 
و بتضرب نفسها ١٠٠ جزمه انها وافقت على الدخول ف المغامره دى ... اللى مش عارفه هتروح بيتها منها اساسا ولا ... لاء 

بس وصلت للست وقعدتهم جنبها 

كانت ست عجوزه اوى بس ف عنيها لمعه تدل على الذكاء و الفطنه وكمان على خبث 

هى مسالتهاش اى سؤال 
بالعكس رحبت بهم 

وبعد ما دفعت النص ريال ( ١٠ قروش ) الغالى 

وبدأت الست تصب القهوه اللى بتعملها على السبرتايه قدامهم 

فى صمت مريب منها 
و رعب عند شديد من صاحبتنا 

بس اهم شربوا القهوه ورجت الفنجان وقلبته وبعد كده 

قالت لها وشوشى الفنجان 

والبنت  طبعا وشوشت الفنجان بمشكلتها 

والست استنتها لما خلصت وشوشه

وبعدين قالتلها حل   المشكله 
اللى مخطرش خالص على بال رقيه

تفتكروا قالت ايه ؟؟؟

بكره نكمل
#بقلمى
#ابتسام
بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ٢٢٧
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد