#اصل_الكريب_ج٢#الليله٢١٩#اذا_عرف_السبب

#اصل_الكريب_ج٢

#الليله٢١٩

#اذا_عرف_السبب

 قولنا ان ولى عهد انجلترا اخد معاه هنرى شاربنتى مخترع الكريب وقال له تعالى  يا واد يا هنرى اشتغل عندى ف القصر 

طبعا عم هنرى ما صدق دا انت هتشتغل طباخ الرئيس زى طلعت زكريا 

وكان كده ممكن تنتهى حكاية الكريب واسراره ف قصر الامير الانجليزى وتموت مع اصحابها زى العدس الاباظى ده اللى بنسمع عنه او تبقى اكله ملوكى متتقدمش الا ف قصر باكنجهام بس هنرى بعد ما كبر ف السن و تقاعد رجع وفتح مطعم صغير بيقدم الكريب بخلطات حشو مختلفه 

منها الحلو ومنها الحادق 

واشتهرت الاكله ف فرنسا 

ومنها لانحاء العالم كله و جت ام الدنيا وفتحت بيوت ناس كتير

المهم ان من كتر جمالها واعجاب الفرنساويين بيها غيروا اسم عيد عندهم

وهو عيد كان اسمه ( يوم بركة العذراء مريم ) وهو يوم ٢ فبراير 

فغيروه و سموه 

 Le Jour des Crêpes

يعنى يوم الكريب 

وال ايه لو عملت الكربايه ف المقلايه ومسكتها بايدك اليمين  وتحدفها ف الهوا وبعدين تشقطها وانت ماسك عمله دهب ف ايدك الشمال هتكون السنه دى سنه غنىّ وفلوس بالنسبه لك بأمارة ان الكريب بيكون دهبى ومدور ويشبه كده الشمس زى العمله الدهب اللى قافل عليها ايدك الشمال 

محدش يجربها هتنزل ف الارض وساعتها ماما هتعملك حشوه فى الكربايه اللى بعدها 

واساسا انت هتجيب العمله الدهب دى منين وانت اساسا بتعمل الكريب ف البيت علشان توفر ومتجيبهوش ديلفرى 

تعالوا بقى نشوف مين بيقول انهم هم اللى اخترعوا الكريب قبل عم هنرى وقبل الفرنساويين كمان بالاف السنين  

#النوبيين👳🏿‍♀️ 

و كمان بيسموه دُوكه ، والشدى ، والخمريت 

وبيقولوا ان الدوكه ممكن يكون مخمر او لاء 

و بيكون سايل كده زى عجينه الكيك وبيصب ع الصاج ولما ينشف شويه نقلبه ع الوجه الاخر و تتشال قبل  ما تحمر او تنشف

المهم ماتخودنيش ف دوكه مين هيعزمنى على كريب سوزيت او حتى كريب فاهيتا 

ومين هيدوقنى خمريت او دوكه نوبى 

اما ف نهاية الحدوته الليله او العبره من حدوته النهارده مع ان مش لازم كل حكايه يبقى منها عبره 

ان شاربنتى نشر الوصفه خلى ناس كتير اتعلموها وعملوها وضافوا وجودوا عليه ودا اللى نشر اكلته ونشر اسمه لحد الان 

زى ما ذكرت العدس الاباظى واللى قرات وشوفت فيديوهات ع النت له واعتقد انه مش زى العدس اللى مشهوره به العيله الاباظيه 

عموما انا بحب الكريب واحب اشتريه جاهز علشان استمتع بالاكل بره 

وبالنسبه للعدس الاباظى انا بعمل العدس بطريقة والدتى الله يرحمها احلى منه ومن غير فراخ

والناس اللى بيخفوا اسرار صنعتهم ف اكله وانا شوفت اكتر من واحده اعرفها كانت بتحكى عن حد استاذ ف المطبخ ولكن دايما له اسرار ميقولهاش لحد وكأن هو صاحب الفضل ف ان اكله يطلع حلو مش كرم ربنا هو اللى خلاه عرف يعمله 

ودا بيفكرنا بواحد زمان من ولاد العم اللى بقالى كتير منمتش عليهم لما قال

((قَالَ إِنَّمَا أُوتِيتُهُ عَلَىٰ عِلْمٍ عِندِي ۚ أَوَلَمْ يَعْلَمْ أَنَّ اللَّهَ قَدْ أَهْلَكَ مِن قَبْلِهِ مِنَ الْقُرُونِ مَنْ هُوَ أَشَدُّ مِنْهُ قُوَّةً وَأَكْثَرُ جَمْعًا ۚ وَلَا يُسْأَلُ عَن ذُنُوبِهِمُ الْمُجْرِمُونَ)) (78) القصص

ودى حكايته 

الليله٢٩

قارون

ج١

https://www.facebook.com/102264164820545/posts/129921242054837/

الليله٣٠

ج٢

https://www.facebook.com/102264164820545/posts/129919988721629/

#حكايه_ورا_كل_اكله

#متخدونيش_ف_دوكه_واعملوا_لي_ليك_وكومنت_وشير

#ابتسام

بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ٢١٩

#ابتسام