#اسطورة_ايزيس_واوزوريس#الليله٥٧٨
#اسطورة_ايزيس_واوزوريس
#الليله٥٧٨
بحب الحواديت اللى اتحكت عن الفراعنه ومن اجمل القصص دى قصة ايزيس واوزوريس
والحكايه على اد ما هى خياليه وتحسسك انها عيالى بس جدودنا زمان كانوا مقتنعين بيها عاملين لهم تماثيل ومعابد وبيعبدوهم فيها وحاجه اخر تقديس
و اللى مش عاجبة عباطتهم يفتكر معايا الاساطير اليونانيه وجبال اوليمب واللى خيالهم كان شاطح اخر حاجه واللى حكيت هنا بعضهم زى اسطوره اراكنى دى👇
https://www.facebook.com/102264164820545/posts/148005303579764/
و حكايات عم الحاج زيوس وخياناته للخاله هيرا
ونروح بعيد ليه ما عندنا جيرانا فى القرن الحادى والعشرين بيعبدوا البقر والقرود وست الكل شيفا ام ٧ ايدين
نرجع للاسطوره الفرعونيه ايزيس واوزوريس
وقبل ما نعرف حكاية ايزيس واوزوريس لازم نفهم انهم الجيل التالت من الالهه وفقا للاساطير المصريه القديمه
وطبعا نفوت الكلام احنا بنحكى تراث لا مؤمنين به ولا بنصدقه بس لازم استخدم الفاظ زى رب ومعبود والهه والكلام ده وطبعا حاشا لله الواحد الاحد بس دى ف الاول والاخر حدوته خياليه واحنا متفقين على كده
ونرجع للاسطوره و اللى بتقول ان على اد ما المعبودات كتيره ف مصر القديمه باكتر من عدد اقاليمها ال٤٢ اقليم فى اكتر من ٤٢ اله
الا ان الاشهر واللى موجود عند الكل هو التاسوع العظيم اوالاسره الكريمه واللى بتتكون منها اسس المعبودات المصريه القديمه :
١ - رع : او ساعات كانوا بيسموه اتوم اللى خلف
٢ - نفتوت : ودى مسئولة الشمس والقمر
٣ - شو : إله الهواء
اللى بدورهم جابوا
٤ - جب : إله الأرض
اللى اتجوز اخته
٥ - نوت : ربة السماء
و الاتنين نوت وجب
جالهم ٤ ابناء
٦ - ست : ودا كان رمز الشر والعنف والعواصف و الصحراء و الفوضى
٧ - نيفتيس : ربة المنزل الهة الولاده والموتى والست الطيبه زوجة ست
٨ - إيزيس : ربة السحر واللى بقت رمز الامومه والتعاويذ الحاميه للابناء والشافيه للمرضى وست الكل البركه المبروكه
٩ - أوزيريس - : واللى اصبح حاكم مملكة الموتى ودا بعد ما كان بيحكم ارض (كيميت )اسم مصر زمان كملك شاب جميل
بس ازاى وصل عم اوزوريس للحاله و المكانه بعد ملك واله شاب بيحكم الارض لاله لعالم الموتى بعيد عن زوجته المحبوبه ايزيس
الحكايه دى وراها كفاح مرير .... ازاى ؟
دا اللى هنحكيه ف الاسطوره الشهيرة ايزيس واوزوريس
وبقول تانى ان طبعا كلنا مؤمين وموحدين بالله وعارفين ان الكلام دا هَجَص وكلام فارغ دينيا بس مننساش ان دى دماغ اجدادنا اللى نعرفها
من باب العلم
ومن باب التاريخ
ومن باب التعرف على الاساطير القديمه
والليله الجايه اذا احيانا ربنا هكمل الاسطوره المفضله اللى قلبى والمحبوبه عبر التاريخ
عموماً متنسوش لو حابين تقرأوا حاجه تانى من عندى
اكتبوا الهاشتاج #الليله
وجنبه اى رقم اقل من٥٧٨
هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى
ولو مش بتشوف حواديتى اليوميه بانتظام يبقى ممكن تعمل متابعه وسى فيرست
ولو عجبك اعملوا لايك وكومنت وشجعونى اكمل
#فوتكم_بعافيه_وعفو_ومعافاه
#ابتسام
تعليقات
إرسال تعليق