#اسم_له_شنه_ورنه#الليله٥٧٥

#اسم_له_شنه_ورنه

#الليله٥٧٥

اسمه زى الطبل له شنه ورنه

طب اسمه زى الطبل وممكن نفهمها يعنى اسمه عالى ومشهور والناس كلها عارفاه وسامعه به زى الطبله

او زى ما بنقول كده نار على علم 

فاكرين المثل ده👇

https://www.facebook.com/100022862494719/posts/1073633630075377/

اما بقى حكاية شنه ورنه دى ايه؟

آه ... شنه دى عارفينها لما العيل الصغير بيكون عنده برد وبيشن بمناخيره المؤرف ده ... 🤔 صح كده؟؟

ورنه دى اللى هى لما بنرمى الفلوس او اى حاجه معدن ع البلاط و بترن

يبقى دى معنى شنه ورنه صح كده

 

لاء ... طبعا غلط 😠

اصلاً الكلمة دى مش عربيه من اساسه 🤨

دى قبطيه فرعونيه  و اه شنه ورنه دا دليل الشهره والصيط والاهميه للشخص ده بس يا ترى اصلها ايه ؟

اولا :زى ما قولنا  أصلها فرعوني

بس تفسيرها كالتالى 

والفكره ان كلمة “رِن” كلمة مصرية قديمة معناها الاسم  

والاسم اهميته كبيره جدا عند المصرى القديم لانه زى ما بتقول نصوص الأهرام واحد من طرق  الخلود للمتوفى أن يكون له اسم لان الروح هتتعرف على الجسم في العالم الاخر ويحفاظ له ع الخلود الابدى 

ودا يفسر ليه طمس الملوك اسماء من سبقوهم واشهرهم كان  تحتمس الثالث واللى عمله ف اسم  حتشبسوت فى معبدها واثارها علشان يحرمها من الأبدية؟ اصله كان بيغل منها اوى عاوزه ابقى انم عليهم مره 

وبالتالى انت ليك رنه يبقى لك اسم و سيط وسيره تكتب لك الخلود والابديه ودا مع حاجات تانيه مهمه ولكن لهذا حكايه اخرى 

اما بقى “شنة” ف دى جايه من الكلمة المصرية القديمة “شن” يعني الأبدية وكانت بتترسم على شكل قرص شمس مشرق على الأرض واتحرفت مع الزمن وتضاف لها التاء المربوطه وتبقى شنه بدل شن 

فيبقى لما نضيف الشن للرن يبقى بنقول عنه صاحب الاسم العالى اللى زى الشمس المشرقه 

او زى ما تقول صاحب الاسم الشهير معنى  

من الاخر الإعجاب بالمقام العالي

#حكايه_ورا_كل_مثل

#ابتسام