#اصل_الحكايه_اكلة_ام_على#الليله٢٥٠

#اصل_الحكايه_اكلة_ام_على
#الليله٢٥٠
المماليك : ايبك فين ؟؟؟

شجر الدر : اصله يا حرام مات وهو نايم 

المماليك : يعنى التعاوير والزرقان دا كله حصله و هو نايم يا شجر الدر 

شجر الدر : اه ... اصله بيتقلب كتير 

المماليك : بيتقلب كتير ...  يعنى مش مضروب لحد ما مات من للضرب 

شجر الدر : توء .. توء ..  هو بيتقلب كتير 

بس المماليك بتوعه مدخلش عليها اللعبه وعذبوا الخدم وحققوا معاهم لحد ما اعترفوا لهم  بالحقيقه 

وخافت شجر الدر وراحت تستخبى ف قصر تانى  من مماليك ايبك وعمايلهم 

واتنادى ان البلاد بيحكمها السلطان الجديد هو الملك المنصور نور الدين على بن عز الدين ايبك 

وعلفكره كان عنده ١٥ سنه مش زى ما كان اهبل ف الفيلم وهات الحصان بتاعى 

بس بردو مش هينفع يحكم لانه كان بعيد عن القصر طول عمره 
وكمان الفتره  دى كان فى صليبيين من الشمال ومغول من الشرق فكان سيف الدين قطز هو النائب بتاعه وهو الحاكم الفعلى للبلاد 

ومع ان اى ام سلطان كل همها الحفاظ على العرش واللى ممكن تكون كمان بتستولى عليه لنفسها وتركن ابنها  

او لو كانت ست طيبه هتخلى ابنها هو اللى يحكم 

بس لما جت الست والدته مرات ايبك الاولانيه معاه كانت همها ايبك 
بس دا مات 
ودايما بيتقال مات الملك عاش الملك والحى ابقى من الميت  

بس دى متنساش تار جوزها 

علشان كده كان همها توصل لضرتها اللى عاشت ٧ سنين بتحاول تفرق بينها وبين جوزها وف الاخر خلصت عليه وحرمتها منه 

 و جزاء شجر الدر من جنس العمل 

وجابت الجوارى بتوعها وقتلوا شجر الدر بنفس السلاح الفتاك القبقاب 

وإتقتلت شجر الدر و كمان مثلت بجثتها 

ويقال انها امرت برميها من فوق القلعه على صخور جبل المقطم مجرده من ملابسها  

وامرت بعدم دفنها لتأكلها الضوارى والسباع اللى كانت منتشره قبل كده فوق تلال المقطم 

ومش بس كده 

دى عملت حلوى من اللبن والسكر والرقاق وزينتها بالسمن والمكسرات والزبيب ووزعتها على المصريين 

وعلشان الناس كانت اول مره تدوقها وميعرفوش لها اسم سموها على اسم مخترعتها ام على وبقت حلوى ام على 

فى تكه اخيره يقال ان ام علي عملتها

انها من غيظها من شجر الدر قطعت اجزاء حساسه من جسمها  ووزعتها مع الزبيب على وجه الحلوى 

الكلام ده يع🤮 اوى بس ده اللى ذكره التاريخ
 
#اتنين_مالهمش_امان_ام_على_وشجر_الدر_يامان
#اما_الفرامل_فدى_حاجه_كيوته
#ابتسام
بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ٢٥٠
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد