#نصيحة_اوعى_تأمن_ال٣_دولم#الليله٢٥١

#نصيحة_اوعى_تأمن_ال٣_دولم
#الليله٢٥١
دايماً بنسمع نصايح الاهل ساعات نصدقها و نعملها وساعات نطنشها ونهملها  وقصة الليله لراجل حب يمتحن نصايح ابوه ويحطها موضع الاختبار 
ونبتدى الحكايه من غير لك كتير
كان ياما كان راجل كان بيحب مراته اوى وكانت مراته دايما تقوله انت اغلي من حياتي وانا افديك بعمري وان مهما تعمل هاسامحك حتى لو قتلت قتيل هاقول انا اللى قتلته 

كان ساكن فبيت ٣ شقق 
 شقته .... وشقة اخوه 
والشقه التالته كان له جار وصاحب بيشتغل صول او مخبر او حاجه زى كده المهم ان شغلته تبع الشرطه واللى من زمان كان بيتقال عليها سُلطه زى ما دلوقتى بيسموها الحكومه
وكان هو وجاره ده اصدقاء عُمْر سهرهم مع بعض وخروجهم مع بعض ممكن تقول كان اقرب له من اخوه شقيقه اللى معاه ف نفس البيت

وهو  كان يقول دايما انه زي اخويا واكتر 

لكن ابوه كان دايماً ينصحه و يقوله :

**اوعى تأمن لصاحب سُلطه مهما يكون صاحبك وزى اخوك 

**وامراتك اوعى تديها سرك و لو قالت روحى فداك

**و اهلك لا تهلك 

طول عمر الراجل بيسمع ابوه ويقول الثلاث نصايح دول

وف  يوم من الايام    

حب يختبر نصايحه لانه كان مش مقتنع بيها مراتى دى تفديني بحياتها وصاحبى انا اعز عليه من اهله  

وف يوم قال اما اشوف صدق ولا كدب نصيحة ابويا

وراح عمل ايه ؟؟

ف يوم كانت مراته خرجت من البيت تقضى اليوم كله ف بيت اهلها 

جاب خروف وذبحه وسلخه وقطعه ونده للمساعد بتاعه ف محل شغله ( الصبى بتاعه يعنى ) وقاله خد الخروف ده وديه للكبابجي 

وقاله اقف عند الكبابجى استناه لما يسوى الخروف و اوعى ترجع الا اما يسويه
 
واوعى اشوفك جايلى البيت الا والخروف المشوى مش ف ايدك 
وعاوزك ما ترجعش قبل الساعه ٨ بالليل 
بحذرك مش قبل كده ... فاهم مش قبل كده

واستني اما شاف مراته راجعه وعمل انه بيفتش ف دهبها 

 راجعت مراته لقت البيت مبهدل ومكركب و مليان دم 

ولما سالته في ايه ؟؟؟
قالها بصراحه الواد الصبى مضايقني وجبته هنا و قتله 

ولما سألته بتعمل بدهبي ايه ؟؟؟ قالها ولا حاجه 

غمغم كده عمل انه اتلخبط ، لكن اكد عليها وقالها اوعي تقولي لاى  مخلوق او حد يعرف اني قتلت حد 

من الاخر خلاها شكت فيه انه بيخونها وان الدهب والصبى القتيل لهم علاقه بوجود ست ف حياته 

 قالت له عيب سرك في بير 

 هي طبعا ساكته بس  الشك بياكل قلبها

بعد شويه خرج وقالها ساعه وراجع ولقيته مابيرجعش ولا لقت الدهب اللى كان بينكش فيه موجود.
يا ترى فكرت ف ايه ؟
تفتكروا هتعمل ايه ؟

يا ترى هتعمل ايه ؟
دا جوزها وحبيبها و روحها فداه
عاوزين تعرفوا تعالوا الليله الجايه نشوف هتعمل ايه  

#حواديت_امى_بتصرف
#انا_وانت_وساعات_الحظر
#ابتسام
بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ٢٥١
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد