#ماندو_والمكرونه#الليله٢٥٤
#ماندو_والمكرونه
#الليله٢٥٤
كان ياماكان ولد صغير اسمه ماندو🧒
ماندو كان مغلب ماما👩🏻🦳 ف الاكل خالص
وف يوم ندهت ماما👩🏻🦳 لماندو🧒 وقالتله تعالى عملتلك خضار ورز🍚🥗
رد ماندو🧒 وقال بس انا مش عاوز رز🍚 ...
انا عاوز مكرونه🍝
ماما قالت الرز حلو🍚 قالها لا ماليش دعوه عاوز مكرونه🍝
ماما قامت وعملت مكرونه🫕
وندهت تانى لماندو🤚🏻
تعالى ياماندو كل المكرونه🍝
ماندو قال لاء مش عاوز اكل مكرونه🧏♂️
تعالى يا ماندو كل المكرونه
لاء ... مش هاكل مكرونه🙅
ماما اتغاظت اوى 🤦♀️
وقالت تعالى ياعصايه🥢 اضربى ماندو اللى مش عاوز ياكل مكرونه🍝
ردت العصايه🥢 وقالت وانا مالى ومال ماندو اللى مش عايز ياكل المكرونه🍝
ماما قالت طيب ....
تعالى يا نار 🔥احرقى العصايه🥢 ...
اللي مش عايزه تضرب ماندو🧒
اللي مش عايز ياكل المكرونه🍝
ردت النار 🔥وقالت وانا مالي ومال العصايه🥢 اللى مش عايزه تضرب ماندو🧒
اللى مش عايز ياكل المكرونه🍝
ماما👩🏻🦳 قالت تعالى يا ميه💧 اطفي النار🔥
اللي مش عايزه تحرق العصايه🥢
اللي مش عايزه تضرب ماندو🧒
اللى مش عايز ياكل المكرونه🍝
ردت الميه💧 وقالت وانا مالي ومال النار🔥 ...
اللي مش عايزه تحرق العصايه🥢
اللى مش عايزه تضرب ماندو🧒
اللى مش عايز ياكل المكرونه🍝
ماما قالت تعالى يا بقره🐄 اشربى الميه💧
اللى مش عايزه تطفي النار🔥
اللى مش عايزه تحرق العصايا🥢
اللى مش عايزه تضرب ماندو🙎
اللى مش عايز ياكل المكرونه🍝
ردت البقره🐄 وقالت وانا مالي ومال الميه💧
اللى مش عايزه تطفي النار🔥
اللي مش عايزه تحرق العصايه🥢
اللي مش عايزه تضرب ماندو🙎
اللي مش عايز ياكل مكرونه🍝
ماما👩🏻🦳 قالت طيب تعال يا جزار👨🏻🍳
ادبح البقره🐄
اللي مش عايزه تشرب💧 الميه
اللي مش عايزه تطفي النار 🔥
اللى مش عايزه تحرق العصايه🥢
اللي مش عايزه تضرب ماندو🙎
اللى مش عايز ياكل مكرونه🍝
رد الجزار👨🏻🍳 وقال وانا مالي ومال البقره🐄
اللى مش عايزه تشرب الميه💧
اللى مش عايزه تطفي النار🔥
اللى مش عايزه تحرق العصايه🥢
اللى مش عايزه تضرب ماندو🧒
اللى مش عايز ياكل المكرونه🍝
ماما👩🏻🦳 قالت تعالى يا فار🐁
عض الجزار👨🏻🍳
اللى مش عايز يدبح البقره🐄
اللى مش عايزه تشرب الميه💧
اللي مش عايزه اللي مش عايز تطفي النار 🔥
اللي مش عايزه تحرق العصايه🥢
اللي مش عايزه تضرب ماندو🧒
اللي مش عايز ياكل المكرونه🍝
رد الفار🐁 وقال وانا مالي ومال الجزار👨🏻🍳
اللى مش عاوز يذبح البقره🐄
اللى مش عايزه تشرب الميه💧
اللى مش عايزه تطفى النار🔥
اللى مش عايزه تحرق العصايه 🥢
اللي مش عايزه بتضرب ماندو🧒
اللي مش عايز ياكل مكرونه 🍝
ماما👩🏻🦳 قالت طيب تعالى يا قطه😾 كلى الفار🐁
اللي مش عايز يعض الجزار👨🏻🍳
اللى مش عايز يذبح البقره🐄
اللي مش عايزه تشرب الميه💧
اللي مش عايزه تطفي النار🔥
اللي مش عايزه تحرق العصايا🥢
اللي مش عايزه تضرب ماندو🧒
اللي مش عايز ياكل المكرونه🍝
جريت القطه😾 عشان تاكل الفار🐁
وجري الفار علشان يعض الجزار
وجري الجزار👨🏻🍳 علشان يذبح البقره🐄
وجريت البقره 🐄علشان تشرب الميه💧
وجريت الميه💧 تطفي النار🔥 وجريت النار🔥 تحرق العصايه🥢
وجريت العصاية🥢 تضرب ماندو🧒
وجري ماندو🧒 و اكل المكرونه🍝
كان ليه الفرهده دى من الاول يا ماندو 😂😂
وتوته توته خلصت الحدوته
احفظوها وقولوها للعيال بسرعه
انا حافظاها سماعى حظ اللى عاوز يحفظها اسهل لأنه هيقرأ ويحفظها
#ماندو_كل_طفل_مصرى
#بس_عندنا_النار_والميه_مش_بيجروا_والا_كانوا_بهدلونا
#ابتسام
بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳 وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂 وبما ان الحكايات مرت عليها سنه بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ٢٥٤
#ابتسام
تعليقات
إرسال تعليق