#عريس_بنتى_ج٢والاخير #الليله٢٥٦

#عريس_بنتى_ج٢والاخير 

#الليله٢٥٦

ولما اتفتحت البوابه للمره الثالثه والاخيره 

كان لازم الشاب يمسك ذيل الثور ايا كان شكله وحجمه و ضخامته 

لان دى فرصته الاخيره 

واتفتح الباب  

وخرج الثور 

وكانت مفاجأه ...

الثور ضعيف وهزيل 

يااااه يا عبصمد ... هو ده الثور اللى انا مستنيه    

     - مفاجأه ساره - 

وهنا بقى دخل على الثور بقلب جامد 

وقف ف نص الطريق اللى ممكن يمر منه الثور 

استعد للوثب على ذيله علشان يمسك منه اكبر قدر من الشعر 

وجه الثور ببطئ لا بيجرى ولا بيثور 

تحس كده انه حد زاقه على انه يمشى وهو خارج  مالوش مزاج كأنه زينا كده واحنا رايحين الشغل الصبح  

لدرجة ان الفتى كان هيروح له يجره من ذيله 

بس لما وصل الشاب علشان يجره من ذيله 

بص فجأه ملاقاش له ذيل 

اه والله ... كان ثور ازعر

طبعا الشاب عرف من نفسه ان اختبار  والد العروسه له مكانش اختبار لقوته زى ما كان فاكر ف الاول 

ولكن كان اختبار لقدراته على مواجهة مشاكله واللى هرب منها مرتين 

وكان اختبار لقدرته على قياس الامور 

وكان اختبار على  اهتمامه بالفرص المتاحه 

وهل دا راجل يقدر بعد عمر طويل لصاحب المزرعه يدير المزرعه 

وبالتالى خد بعضه من سكات وخرج من المزرعه غير مأسوف عليه

طبعا الشاب عمل زى كتير مننا الفرص اللى بيضيعها منتظر الفرص الجايه 

وفرصه ورا فرصه بيضيعها ... لحد ما تخلص فرصه ويكمل عمره يندم على الفرص اللى ضيعها 

وبقى زى غنوة فؤاد المهندس

رايح اجيب الديب من ديله وان معرفتش اجيبه هاسيبه وارجع اقول ملاقيتلوش ديل 

رايح اجيب الديب من ديله بس على الله يكون له ديل 

مين مننا مصادفش حد كبير ف السن بيحكيله على الفلوس اللى مسكها واللى كانت ممكن يعمل بيها كذا وكذا 

او الشغلانه او السفريه او او ... او 

وتلاقى كل حوراتك معاه بكاء على اللبن المسكوب 

ودى قصة البكاء على اللبن المسكوب 

لا تبكى على اللبن المسكوب

ودى قصتها :

ج١

https://m.facebook.com/story.php?story_fbid=1027263834712357&id=100022862494719

ج٢والاخير

https://www.facebook.com/100022862494719/posts/1027992747972799/

وعلى قطار العمر اللى مضى ودا فيلم بتاع فريد شوقى مالناش دعوه بيه

و توته توته فرغت الحدوته حلوه ولا ملتوته 

#ابتسام

بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ٢٥٠

#ابتسام