#اسطورة_ايزيس_واوزوريس_ج٢٢#الليله٥٩٩

#اسطورة_ايزيس_واوزوريس_ج٢٢
#الليله٥٩٩
يعنى كل الاهة اللى واقفه مع حورس دى مش عاجبه رع ولا بيعبرهم ولا بيقول كلمه حق عدله 
بس لما اتشتم بقى وواحد قاله ان ملكك اجوف والناس اللى زمان كانوا بيرقصولك ف انتخابات الالهةمبقوش راضيين عنك وعن عمايلك 
اتقمص و مسكتش وزعل اوى جداً  خالص

وعنها واعتزل المجلس فترة طويلة
يا سلام يعنى مش عاوز  تحكم بالعدل 
بس لما باقى الالهه اعترضت انت اللى تتقمص وتقولهم اتنحى تماما ونهائياً عن التحكيم ف القضيه اللى انت السبب ف بوظانها من الاول 
ما هو لو كنت شايف شغلك مكانش حد قدر يقطع ابنك ويخلى مراته هى اللى دايره ف نواحى البلاد تلم جتته بس تقول ايه ؟ بجاحة واستغلال لسذاجة السذج

المهم ان لما قمصته طولت 
 اضطرت بنته  الالهه حتحور أنها  تروح و تتوسل له بانه يرجع تانى لمجلسه وبعد محايله وتذلل ما فى بعده تذلل واهانه لنفسها قدام عرشه اتكسف اصلا اقول عملت ايه 😔
المهم ضحك رع بسلامته🤤 
ورضي يرجع للمحكمة
ساعتها الالهه قالوا فضوها بقى ياكش نخلص 
وهنا اقترح واحد منهم وقال : طب اقولكم تعالوا نعمل  مناظرة بين سِت وحورس
ف الأول إتبجح ست وقال: بأنه مايليقش أنهم  ينزعوا  منه المُلك ويُعملوا منافسه بينه وبين الواد الأضعف

ورجع يفكرهم أن هو اللي بيروح مع رع كل يوم في رحلته اليومية في السما (رحلة مركب الشمس) وان هو ِالاله ست الاعظم اللي بيتصدى بسيفه كل يوم فى رحلة الشمس
لما الثعبان العملاق أبيب بيحاول أنه يعطل الشمس عن رحلتها
يعنى هو البطل المغوار اللى بيمنع التعبان الشرير ابيب من انه يفترس الشمس ويعيش اهل كيميت فى ظلام دائم بس ست هو اللى بيمنع التعبان الشرير ابيب ده وعدوا الجمايل ... و احمدوا ربنا دا لولايا كان زمانكوا دلوقتى زى خيتا وفينيقيا  

انخع يا عم ست انخع هو يعنى كان حد شافك وانت بتمنع تعابين ولا افاعى 
بس الولد المؤدب حورس فوقف بهدوء وادب  بيناشد   الآلهة أنهم يتحروا العدل
وتانى فين العدل ياسيدى القاضى؟

 وتدخل إيزيس علشان تدعم كلام ابنها بقوة حجتها المعروفة 

لدرجة ان التاسوع المقدس اقتنعوا جدا ووعدوها   بأنهم  يحكموا لحورس

بس  سِت يغضب تانى  و يحلف لهم بشرف امه انه مش  هيحضر المحاكمة ما دامت إيزيس حاضرة
ويانا يا الوليه دى ف الجلسه 
مش بس كده دا كمان هدد الآلهة جميعهم أنه هيشيل سيفه اللي وزنه ٤٥٠ بيغا (( يعنى رطل والرطل = ٢كيلو وربع )) 
ومع شوية حسابات ع الالة الحاسبه بتاعت شو عرف ان وزن السيف حوالى طن 

فلما هدد ست انه هيشيل السيف اللى يوزن اكتر من ١٠٠٠ كيلو طن ده  ويقتل كل يوم واحد من الآلهة لحد ما يفنيهم ... الالهه اتهزوا كده ف نفسيتهم وقالوا الواد دا مؤذى ومتفتون علينا وابوه سايبه طايح ف الكل 

فيقوم رع يستغل الفرصة ويقول : لااااااا ... الا ولادى حبايبى 
وعنها وينقل المحاكمة لجزيرة ف وسط النيل 
وأمر الملّاح المسؤول عن العبور ليها بالقارب أنه مينقلش لها إيزيس
ياسلام كل ده علشان حجتها مقنعه والالهه قالوا انهم هيحكموا لابنها ... رع واطى انت يا مان 

 و بكدا اصبح  حورس يا كبد امه مفيش معاه اى حد يعاونه
بس تفتكروا ايزيس هتسكت
فرحانه ان الليله الجايه هدخل فرقم مئوى جديد واقفلنا الليله ٥٩٩ ليله والليله الجايه باذن الله هدخل ف ال٦٠٠ يارب بس تكون حاجه لها قيمه وانها تكون لنا لا علينا وقت حسابنا عند ربنا 
الليله الجايه اذا احيانا ربنا هتكون فى بقيه للحكايه وليله جديده 
بس ع العموم مستكفاش  و حابب يقرأوا حاجه تانى من عندى 
يكتبوا الهاشتاج ده  #الليله 
وجنبه اى رقم اقل من٥٩٩
وساعتها ... هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى
ولو مش بتشوف حواديتى اليوميه بانتظام يبقى ممكن تعمل متابعه وسى فيرست 
ولو عجبك اعملوا لايك وكومنت وشجعونى اكمل 

#فوتكم_بعافيه_وعفو_ومعافاه
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد