#اسطورة_ايزيس_واوزوريس_ج٢٤#الليله٦٠١

#اسطورة_ايزيس_واوزوريس_ج٢٤
#الليله٦٠١
بس تفتكروا ايزيس هتسكت 
دى ايزيس وزى ما فضلت تحارب طول عمرها علشان جوزها دورها منتهاش وابنها دلوقتى محتاجها 
ولازم تكون وراه حتى ولو كان التمن تحدى ست ورع نفسه 

علشان كده غيرت صورتها لهيئة امرأة عجوزه وقدمت لملاح القارب اللى بيوصل للجزيره المعزوله رشوة كبيره خاتم  ذهب كبير علشان ينقلها للجزيرة
و بعد كده استخدمت تعويذاتها و خلقت ثعبان وخلته يلدغ رع 

طبعاً اصابة رع من سم الثعبان خلته مريض ودى حاجه مش سهله على كبير الالهه و حاجه مش هينه ان الاله يمرض لاء وكمان مش ف ايده شفا نفسه ولكن الشفا ف ايد ايزيس
ومعنى ده انها قدرت على اصابة الاله الاكبر – خلى بالك رع اللي هو أكبر وأعظم منها ودا دليل على قوتها -
و بعد كده عرضت عليه أن تشفيه إذا هو قالها اسمه الحقيقي السري 
ودي معلومة خطيره لانها بتعطيها قوة لا متناهية 
بعد صمود طويل من رع ورفض انه يقول لها اسمه
استسلم ف الاخر وقاله لها 
و هى نقلته  لحورس وبالتالى  دعمت سلطته الملكية وادته قدرات تفوق غيره من الموجودين حتى الالهه
وكمان كده ضمنت ان رع مش هيتدخل تانى لصالح ست بالظلم والجور على ابنها 
تسكت على كده ... ابدا 
دى لما وصلت لمكان ست غيرت تانى من هيئتها لبنت شابه رائعة الجمال واعترضت طريقه وهى باين عليها الحزن و ست اتدهول بعد ما انبهر بجمالها
وسألها : الجميل ماله زعلان ليه؟
 فحكت له أنها جايه له  تشكليه إن جوزها مات و ان لها ابن وحيد ولهم غنم و مواشى كتير ورثها هى و ابنها عن أبوه 
و ف يوم جه راجل غريب وهدد الابن بالضرب واستولى على ورثه 

طبعا سِت الحقانى العادل قال لها أن الرجل المفترى دا ظلمها 
وأنه ست باعتباره اله من الهة كيميت بيحكم ان الابن يحصل على ورث أبوه وانه بيحكم على الغريب المفتري ده بالعقاب
و فجأه ساعتها ظهرت له بصورتها الحقيقيه وهى بتضحك وبعدين اتحولت لحداية وطارت بعيد وهي بتضحك على ست وتقول له 
"لقد حكمت على نفسك" 
وبالفعل للمره الكتير واللى من فتره فقدت القدره على عدها  
حكمت آلهة كيميت لحورس بالمُلك وعلى ست بالاستبعاد
بس ست مش راضى يقبل و في محاولة للـ"الاتسئناف" عرض سِت على الآلهة أنهم يُحكَموا بينه وبين غريمه حورس بعد ما يعملوا منازلة بينهم تثبت مين فيهم الأقوى وبالتالى يكون  هو الأحق بالحكم طب ما غلبوا  يقولوا لك كده من الاول ... بس انت كل مره تقاوح  

مره تقول بحارب التعبان ابيب وبنقذ لكم الشمس 

ومره تقول هموت كل يوم اله و بسيفى اللى وزنه فوق الطن

بس المره دى اخيراً اعترف ان حورس له حق بعد ما حكم على نفسه بنفسه وقال نتنافس واللى يفوز يكسب حكم كيميت
يا ترى هيحصل ايه ؟
الليله الجايه اذا احيانا ربنا 
بس ع العموم متنسوش لو حابين تقرأوا حاجه تانى من عندى 
اكتبوا الهاشتاج #الليله 
وجنبه اى رقم اقل من٦٠١
هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى
ولو مش بتشوف حواديتى اليوميه بانتظام يبقى ممكن تعمل متابعه وسى فيرست 
ولو عجبك اعملوا لايك وكومنت وشجعونى اكمل 

#فوتكم_بعافيه_وعفو_ومعافاه
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد