#اسطورة_ايزيس_واوزوريس_ج٢٩#الليله٦٠٦

#اسطورة_ايزيس_واوزوريس_ج٢٩
#الليله٦٠٦
و طبعا لما جه كان رد اوزوريس بالزعل و اللوم عليهم علشان فرطوا ف انهم  ينصروا ابنه حورس وأنّهم كلهم سايبين ابنه لست يتجبّر عليه وياكل حقه وفكّرهم أنه هو اللي خلق الحبوب والشعير وكل الاكل اللى بتاكله  الآلهة
ساعتها غضب رع واتقمص زى عادته  و بعت يرد على أوزيريس و يقول له أنه لو مكانش فى رع مكانتش اتوُجِدَت الحبوب والشعير والطعام 
فسخن بقى اوزوريس  وقاله طب بقى انا  أوزوريس سيد العالم السفلي و مصير البشر كلهم بين ايديا وهددهم أنه هيبعت لهم كائنات العالم الآخر تدمر لهم العالم وتطربقه على دماغهم  لو ما نصفوش ابنه

نرجع تانى للوقت الحالى ونفتكر رئيس كوريا وهو كل شويه يهدد العالم بالنووى والاسلحة البالستيه وغوصاته المستخبيه
وساعتها نفدت حيلة رع (صحيح ميجيش الا بالعين الحمرا يا رع)
فاضطر أنه يأمر بإنهم يجيبوا سِت متكتف قدامه 
فجريت إيزيس وجابته متكتف 
فأمره رع  بإنه يتنازل عن التاج والعرش لحورس واحتفلت الآلهة بانتصار حورس
لكن رع استأذن التاسوع أنهم يوافقوا انه يعين سِت من هنا ورايح زى ابنه ويكون له حكم الارض الحمراء يقصدوا الصحارى المصريه ودا هيكون كدا تعويض له عن فقده لحكم كيميت او الارض السودا ضفاف النيل يعنى 
وأن  صوته يبقى  الرعد علشان تستمر هيبته بين الناس والالهه  و بكده بيتقسم  الحكم بين حورس و سِت 
اه كل واحد بيكم لوحدة  بس بردو بيكملوا بعض  وبكدا تنتهي الأسطورة
فى شوية كلام كده ف الاخر احب اقوله 
زى بعض المصادر 
هوامش
– الأساطير المصرية القديمة (بي دي أف) – تأليف دون ناردو – ترجمة: أحمد السرساوي – المشروع القومي للترجمة – الطبعة الأولى 2011 – من ص 55 إلى 65.
المصادر: موسوعة مصر القديمة، سليم حسن؛ أسفار التكوين المصرية، مانيتون السمنودي؛ الأساطير المصرية، دون ناردو؛ الديانة المصرية القديمة، عبد الحليم نور الدين؛ موسوعة تاريخ الأديان، والرحمن والشيطان، فراس السواح.

ومن الليله الجايه هيكون عندنا 
بس ع العموم متنسوش لو حابين تقرأوا حاجه تانى من عندى 
اكتبوا الهاشتاج #الليله 
وجنبه اى رقم اقل من٦٠٦
هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى
ولو مش بتشوف حواديتى اليوميه بانتظام يبقى ممكن تعمل متابعه وسى فيرست 
ولو عجبك اعملوا لايك وكومنت وشجعونى اكمل 

#فوتكم_بعافيه_وعفو_ومعافاه
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد