#الملك_اغنى_ولا_الصياد_ج٢الاخير#الليله٢٨٣

#الملك_اغنى_ولا_الصياد_ج٢الاخير

#الليله٢٨٣

 الملكه اتكلمت مع الملك ووشوشته 

وقالت : بقى الصياد النتن البخيل نزل من على كتفة ال ٨٠٠٠ دينار والحمل التقيل علشان يوطى يجيب دينار واحد قليل واستخسر ان حد من خدم القصر يلاقيه وياخده وكأنه هو دينار اللى هيشفى العليل

وتانى سخنت الملك ضد  الصياد الغلبان ونزلت زن و ودوده  

اتعصب الملك وإتغاظ بعد تسخين الملكه له على الصياد لدرجة انه نده عليه تانى 

و لما نده الملك على الصياد وامره انه بسرعه يعود 

وعم مسعود رجع مخضود 

وتانى رجعت تتردد ف دماغه كلمات حسين السبد 

ومش فاهم وهو لسان حاله بيقول 

وانشغلت وقبل ما يطول انشغالي

روحت سائل روحي واحترت فى سؤالي

أنا بفكر ليه؟ 

وبشغل روحي ليه؟

أعرف منين ان الملك هيدينى مش هياخد منى 

واعرف منين ان زعيقه دا ليا انا مش هو ؟

وليه أنا؟ 

ليه أنا؟ 

ليه ليه مش هو؟

هو مين الحراس اللى واقف طبعا 

بس دا قال تعالى ومقالش يا صياد ولا يامسعود 

 

ما لقتش طريق قدامي قدامي يرحمني من العذاب

غير اني أرجع وأسال .. آه.. آآآآه

ارجع واسأل مولايا تأمرنى بايه 

 

تانى غنوة فاتت جنبنا بتعبث مع بنات افكارى  

لكن الملك فاجأه وقاله وهنا سكت عبد الحليم وحسين السيد من دماغ الصياد وهو بيسمع الملك بيقول  بقى يا بخيل يا جلده 

تنزل ال ٨٠٠٠ دينار عن ضهرك علشان صعبان عليك تفوت عمله واحده 

لكن الصياد الذكى الفطن رد وقاله 

ادم الله ملك  مولاى واعزه وادام مجده

انما الدينار فى حد ذاته ليس له اهميه عندى لولا بس ان صوره مولاى الملك على وجهه

وعلى الوجه الاخر اسم مولاى  الملك 

وخفت ان حد ماشى وفى غفله منه يدوس على الدينار بقدمه 

فيكون ده اساءه لمولاى الملك 

لا اقبلها ولا اقبل ان اكون انا السبب فيها 

الملك اعجب اوى بكلام الصياد المرادى اكتر من كل مره 

وامر له ب ٨٠٠٠ دينار اخرى 

ورجع الصياد لمراته ذكيه الذكيه وصاحبة الفكره السنيه بالفلوس اللى تسمح له يشترى مراكب صيد ويشغل عليها صيادين ويبقى هو شيخ صيادين 

واشترى كمان بيت كبير واسع 

وطلعوا فلوس لافقر الاسر اللى الصيادين ف حيهم ساعدوهم بالمال وتحسين الاحوال 

ومنسيش يجيب لذكيه لبس وجواهر و عين لها خدم يريحوها 

زى ما كانت بفكرتها سبب ف راحته باقى عمره هو واولاده من بعده 

وعاشوا يكملوا الغنوه

اما الملك 

فكان عمال يغنى ويقول 

وبعد يومين ابتدا قلبي .. يصحى من الفرحة وصحاني

والليالي دوبتني وشيبت فكري وظنوني

فنزل المنادى يلف ف البلاد 

يا اهل البلاد من الرجال الشداد

اوعوا حد يسمع كلام مراته او ينفذ لها راى 

والا هيخسر اربع اضعاف اللى هيدفعه 

كان مسعود بيضحك ف قصره ومعاه ذكيه صاحبة الفكره الهنيه

بعد مابقى كل الخير اللى هو فيه ده نتيجه انه سمع كلامها ونفذ مشورتها  

ونرجع ونقول 

مين اللى غلطان اللى ينفذ المشوره ولا اللى ينفذها من غير ما يفكر ولا يحسب 

مسعود كان عارف ان السمكه كتيره عليهم وانهم ممكن يرموا بقتها بعد كام يوم ياكلوا فيها 

كمان حتى لو باعوها ف السوق مش هتكون زى هديه للملك 

اما الملك فسمع مشورة الملكه فهيمه البخيله اللى كان كل غرضها تاخد من مسعود السمكه بس مسعود مياخدش ال ٤٠٠٠ دينار 

اللى بسبب سماع الملك لنصيحتها خسر ٤٠٠٠× ٤ اضعاف

رابط شورة المره ف الكومنتات تحت 👇

اسمع كلام مراتك 

او متسمعوش  المهم عديه على عقلك وشوفه ينفعك ولا يضرك 

ف النهايه مين الاغنى الصياد ولا الملك

انا رأيى الصياد لانه مرتاح ف حياته 

حتى لو كان الملك معاه فلوس اكتر ولا ملك ولا عز بس معاه زوجه مبتريحش ولا بترتاح 

وراحة البال اهم من اى مال 

وزى ما ربنا قال فى سورة محمد 

( وَالَّذِينَ آمَنُوا وَعَمِلُوا الصَّالِحَاتِ وَآمَنُوا بِمَا نُزِّلَ عَلَىٰ مُحَمَّدٍ وَهُوَ الْحَقُّ مِن رَّبِّهِمْ ۙ كَفَّرَ عَنْهُمْ سَيِّئَاتِهِمْ وَأَصْلَحَ بَالَهُمْ ) (2)

وف نفس الصوره ايه (5)

( سَيَهْدِيهِمْ وَيُصْلِحُ بَالَهُمْ )

ربنا يهدينا جميعا ويصلح بالنا واحبتنا 

#ابتسام

بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ٢٨٣

#ابتسام