#حكايات_امى #الليله٢٨٤#الشيخ_يونس_القاضى

#حكايات_امى 
#الليله٢٨٤
#الشيخ_يونس_القاضى
من حكايات ماما زمان 
ان كان بيت جدي زمان مفتوح لناس كتير من الجيران والمعارف والصحاب 

وكان منهم واحد اسمه الشيخ يونس 

كان راجل ازهري بس مع مرور السنين ساب العمه والجبه ولبس الطربوش

الشيخ يونس كان اسمه الشيخ يونس القاضي 
واللي ميعرفش دا هو مؤلف نشيد بلادي بلادي اللي كلنا حافظينه 

احنا نعرف ان اول كام كلمه منه كانوا من خطاب لمصطفي كامل وهم :  بلادي  ... بلادي ... لكِ روحي ودمي 

لكن اللي كمل النشيد كله بعد ما اقتبس الكلمتين دول من مصطفي كامل كان يونس القاضي 

واللي لحنه كان سيد درويش 

واللي برده لما اعاد توزيعه محمد عبد الوهاب ف بقي فى ناس كتير فاكرين ان عبد الوهاب هو اللي لحنه 

ولكن الشيخ يونس القاضي 
والشيخ سيد درويش هما النجمين لهذا العمل العظيم

من الحكايات اللي ماما كانت فاكراها من حكايات الشيخ يونس

انه مره كان مسافر اسكندريه علشان يقابل صديقه سيد درويش و كان معادهم علي القهوه 

بس لما راح كان سيد درويش عنده معاد مع جليله ام ركب صديقته اللي عملت دورها ف الفيلم هند رستم 

وبالتالي طنش صديقه القاهري 

ولما طال الانتظار بالشيخ يونس وكان مستعجل علشان يلحق القطر 

كتبله كلمتين وسابهم مع القهوجي يسلمهمله لما يرجع 

 م الساعه واحده لخمسه ونص
وعنيا دايره عليك بتبص
بتحبني يخي حبك برص
والنبي مااخدك علي ضره 

الكلام ده كان بيحكيه الشيخ يونس وهو قاعد مع جدي ومعاه اطفاله الصغيرين اللى منهم امى 

ايام مكانش ف شارع ابن الرشيد كله راديو الا ف قهوه واحده من اول الشارع لاخره 

وكان كل فين وفين لما تعدي عربيه  ف الشارع 

جدي مات لما كان عمر امي عشر سنين 

الله يرحمها ذاكرتها كانت قويه علشان تفتكر دا وتحكيه 

او الحكايات كانت اجمل من انها تتنسي 

مر زمان كبير مشافتش امي الشيخ يونس

بس ف مره وهي شابه ماشيه ف شارع نشاطى اللى  متفرع من شارع شبرا شافته وسلمت عليه 
ومش ناسيه اد ايه كانت زعلانه انه كان عجوز اوي بس افتكرها وسلم عليها لما فكرته انها بنت الشيخ مرسي سلم بحفاوه واترحم علي والدها وعلي ايام زمان

واللى مش عارف دى بعض اعماله غير المسرحيات 

زورونى كل سنة مرة

اهو ده اللى صار

انا هويته وانتهيت

يابلح زغلول

خفيف الروح بيتعاجب

يا عزيز عيني

يمامه حلوه

النشيد الوطني المصري بلادى بلادى 
 
الله يرحمهم جميعا 

ويرحم ايام زمان

#ذكريات_امي
#المهضوم_حقهم 
#هم_دول_نمبر_ون_بجد
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد