#جميله_وسميره_ج٢الاخير#الليله٢٨٦

#جميله_وسميره_ج٢الاخير
#الليله٢٨٦
وقفنا امبارح لما استغربت مرات باباها واتغاظت وسألتها عن السبب اللى خلاها بقت اجمل واجمل من الاول 

 وجميله مينفعش تقول على خير عملته وقالت لها مليت الجرة من البير وبس 

ومرات باباها قالت كده يبقى بكره ابعت سميره تملا الجره وترجع قمرايه  كده هى كمان 

وطبعا سميره الكسوله راحت متغصبه ومتضايقه 

علشان كده لما ملت الجرة وراجعه البيت 
ندهت لها شجرة الورد 

و طبعا رفضت تسقيها 

شجرة الورد 🌹 قالت لها : حرام عليكى هموت لو ما سقيتينيش 

وقالت لها وانا مالى ما تموتى

علشان كده قالت لها يا رب يبقى لونى الاحمر ف عيونك👀🔴

ولما عدت على شجرة الياسمين وطلبت منها شجرة الياسمين ترويها 

قالت لها لاء مش عاوزه اضيع وقتى معاكى وانا مالى ومالك ماتعطشى ولا تموتى 

شجرة الياسمين دعت عليها ان بياضها يكون ف خدودها فبقت وشها شاحب زى الموتى⚪ 

وكانت بعدها بتعدى على حوض البرسيم ☘

طلب منها ترويه 
وبردو قالتله لاء مش هفضى الجره عليك  والبرسيم☘
 
اتمنى لها ان لونه الاخضر ف جبينها💚🤢

والفل💮 
قالها علشان خاطرى انا زهرة رقيقه مستحملش الحر ده 

وبردوا رفضت تسقيه 

وساعتها دعى عليها ان شعرها يبقى ابيض من لونه⚪

اما الفراوله🍓 فلما قالت
لها اروينى 

و رفضت قالتلها  يارب تبقى بشرتك زى بشرتى فبقت جلدها خشن وكله شوك صغنن🌵

والقمح كمان 🌾دعى ان صفاره يبقى ف اسنانها🟡💛

والذره 🌽قالت تبقى طويله ورفيعه زى عيدان الذره

من الاخر رجعت اوحش من اما مشيت بمراحل 

رجعت زى العفريت او الكائنات الفضائيه🧟🤢

ولما مامتها شافتها اتخضت 😱🤮

وفضلت تضرب فيها وتشتمها 🤬🤬

ومفهموش ان على نياتكم ترزقون 
وكل واحد بياخد جزاء عمله 

اما جميله فشافها الامير🤴
واتجوزها👰

وبقت ملكة البلاد ومنسيتش انها توظف جناينى مش كسلان علشان ميسيبش الشجر يدبل ويموت فالايام الحر
وبغض النظر ان دى حدوته خياليه بس فعلاً الجمال الداخلى بينطبع على الشكل الخارجى 
وتوته توته خلصت الحدوته حلوه ولا ملتوته
لو حلوه عليكوا غنوه ولو ملتوته عليكوا حدوته 

#الجمال_جمال_الطبع 
#امى_وحواديتها
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد