#الجميلة_والساحر_الشرير_ج١٠ #الليله٦٣٠

#الجميلة_والساحر_الشرير_ج١٠
#الليله٦٣٠
بتسأل مين اللى يقبل انه يكون من اتباعه وخلصاؤه بعد كل اللى حصل من الساحر لمجموعة الاتباع ف المذبحه اللى عملها الساحر؟ .... اقولك 
فاكرين لما الساحر طلب من الملك انه يجيب اللى معاه فلوس وساعتها الملك قال له مش فاضل الا اتباعى ومن اتباعه دول فى مجموعه حولهم الساحر لجواهر لما رفضوا يتنازلوا عن الثروات اللى عندهم او حاولوا يهربوا او اجزاء من اللى حاولوا يخبوا من اللى عندهم حبه انما كان فى حبة صغيرين سابهم يخرجوا من القصر بعد ما سلموا كل اللى عندهم اما خوف من الساحر او من بطش الملك هم بقى  الشويه الصغيرين دول بعد ما سلموا كل اللى عندهم للملك وبقى مفيش حيلتهم حاجه زى باقى الشعب الملك عطف عليهم  لانهم معندهمش مكان تانى يروحوه بعد العز اللى  كانوا فيه 
ومش ممكن يرجعوا تانى مع عامة الشعب علشان كده استمروا ف خدمة الملك
نسيبهم بقى دلوقتى و نرجع للتاجر اللى جاى غير مأسوف عليه علشان يبيع الحاجات النادره اللى عنده للملك 
وبقول غير مأسوف عليه لانه كان واجب عليه يسأل الاول يشوف انهى بلد دى اللى داخلها 
المهم انه كان معاه اشياء عجيبه وغريبه واللى عرض عليه الملك انه يشتريها منه بتمن بخس زى عادته يعنى ببعض الجواهر القليله 
بس التاجر معاه حاجات غاليه ونادره وقيمه وعارف قيمة حاجته ورفض الثمن اللى عرضه الملك واستقل به
فلما الملك لقى التاجر مستقل الثمن وبيطلب اكتر 
وافق واداله اللى هو عاوزه من امتى يعنى الملك بيهون عليه يطلع اى حاجه من تحت ايده😏؟
وفرح التاجر واخد ثمن البيعه وخارج من القصر بس ....!!!
بس فرحتة مطالتش لانه وهو خارج مزقطط بالثمن اللى اخدة فى نهاية الصفقه اتحول الملك الكوبرا لثعبان وحول الراجل لجواهر واسترد كل اللى دفعه وفوقهم التاجر ذات نفسه ... مش بقولكم غير ماسوف عليه ؟
اصله كان طماع هو كمان
المهم
بعد كده الملك اخد كل ثرواته وراح يعيش ف الكهف بتاعه بعد ما اصبحت قدرته على الرجوع للشكل البشري بتقل بسرعه اوى 
وبعد ما اطرافة كانت بتقل كفائتها يوم ورا يوم 
ابتدت بصوابعه اللى كانت بتقصر وتتقلص وبقت مجرد مخلبين ف كل ايد ... وحتى الايدين بيقصروا مبقوش ايدين بالمعنى المألوف للبشر
ورجليه كمان مبقتش شايلاه اغلب الوقت وبقى يعتمد اكتر على ديله اللى بقى موجود وبيطول سنتيمترات ف الاول وكان مش باين من تحت عباية الملك اللى ف الاول الملك كان بيراعى انها تكون عبايه طويله بس بردوا بقى ديله طوله دلوقتى اكتر من مترين و موجود حتى وهو مش متحول لتعبان 
وبدل ما الملك يكتفى بالجواهر اللى عنده و اللى يمكن بقت اكتر من اللى عند كل ملوك الارض وف خزاينهم 
لاء ... هو بردو مستمر ف التحول لثعبان علشان يحول البشر لجواهر بعد ما بقى ادمان مش قادر يبطله 
وبقى صوته كتير بيروح منه ويتحول باقى كلامه لفحيح 
بقى شكله صعب على اى حد انه يشوفه او يتعامل معاه عادى علشان كده كان لازم يختفى عن الناس بالشكل ده خصوصا كمان بعد ما اصبح نظره بيضعف وسمعه بيقل  
و بالتالى اسرع فى نقل اخر حاجاته اللى كانت له جوه القصر بتاعه للكهف وكانت اخرهم الحاجات النادره اللى  اخدها من التاجر الغريب 
انتوا مسألتوش هى ايه الحاجات النادره اللى اشتراها من التاجر المرحوم ؟
سألتوا ... وانا مجاوبتكوش ؟
معلش اصلى شكلى عاوزه انام ومش مركزه ... هاجاوبكم  الليله الجايه اذا احيانا ربنا 
بس ع العموم متنسوش لو حابين تقرأوا حاجه تانى من عندى 
اكتبوا الهاشتاج #الليله 
وجنبه اى رقم اقل من٦٣٠
هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى
ولو مش بتشوف حواديتى اليوميه بانتظام يبقى ممكن تعمل متابعه وسى فيرست 
ولو عجبك اعملوا لايك وكومنت وشجعونى اكمل 

#فوتكم_بعافيه_وعفو_ومعافاه
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد