#هو_صحيح_الجوع_كافر_بس_مش_للدرجه_دى_ج١٥والاخير#خاطر_الله_جوعان#الليله٦٦٤

#هو_صحيح_الجوع_كافر_بس_مش_للدرجه_دى_ج١٥والاخير

#خاطر_الله_جوعان

#الليله٦٦٤

#تنويه بقول القصه حقيقيه والتفاصيل من واقع المحاكمة 

بس الكلام على لسان خجاوة من صياغتى

يعنى لو ممكن تتخيل ان حد عمل اللى عملوه فممكن تفكر ان دى نفسيتها و دى مبرراتها والافكار اللى دارت ف دماغها لما عملت افعالها الشنيعه دى بدم بارد كده 

اكيد كانت عندها مبررات واكيد كانت مقتنعه بها 

ومقتنعه انها صح ف اللى بتعمله

وتكمل خجاوه كلامها وتقول : 

ولما الازمه زادت مفكروش فينا سواء الانجليز ولا التراكوه ولا حتى اى حد من الاغنيا من ابناء العراق كانوا بياكلوا ما لذ وطاب وسايبين الشعب يموت من الجوع 

و يشيلوا الدعم ويرفعوا الاسعار و يشيلوا الابناء من التموين ويمنعوا التموين عن اللى بيتجوزوا جديد ويقولوا انتوا عاوزين الحكومه تأكلكوا 

اه المفروض الحكومه تأكلنا ... ما الحكومه مش هتأكلنا من جيب ابوهم 

ما هم بيلموا  الدخل اللى جاى للدوله من ضرايب و الجمارك و دخل قناة النجف الجديده اللى قالوا هتحل المشاكل

ليه بلد مش قادره تاكل شعبها وبتلغى التموين على محدود الدخل وكل شوية يعوموا الليره يعوموا الليره 

دوله عماله تبنى كباري وتعمل عاصمه جديده واحدث قطار اكبر نجفه واوسع كوبرى  ونشترى طيارات واحنا بنشتكى الفقر ونقول اصلنا فقرا اوى ف العراق 

اسكت يا لسانى

المهم نرجع لعبود اللى ربنا يستر وميكونش ف يوم يطلع حد تانى من بلد تانيه بلد بيتخنق فيها نهرها ويتحرم ابنائها من موارد بلدهم لان اولىّ الامر شايفين انهم بيتدلعوا وميستاهلوش تموين ولا دعم وهم بيقبضوا على قلوبهم الملاليم فييجى واحد يضرب مخدر الشابو ويدبح واحد ف وسط الشارع ف عز النهار 

ولا واحد يجوع ويعمل زى عبود  لانهم ف بلد بيحصل فيها مجاعه و يعمل اللى عمله  

بقول .. نرجع لكلام عبود احسن 🙄

اللى عمال يزود ف شتيمته على الحكومه  لانه بيعتبرها المسؤولة عن كل اللى حصل فيهم ومنهم

ووقفوهم على المشنقه  

وفى ست كانت من الناس اللى وسط الحشود اللى بيشوفوا الاعدام العلنى لعبود وخجاوه

الست دى فضلت تزق الناس وتخترق الصفوف  وتقرب اوى من خجاوه اللى مرفوعه لفوق كعادة المشانق علشان تبان ويبقى البعيد والقريب شايف

بس دى مش مقربه علشان تشوف ولا حتى هى  تعرفها فجايه علشان تودعها الوداع الاخير 

لكن الست دى بعد ما قربت اوى ووصلت لحد عند خجاوه كانت مش طايله من خجاوه الا يادوب طراطيف رجليها فكانت بتعضها عض جامد وبحرقه مش بتعض دى كانت بتاكل فيها حرفياً و فضلت تنهش تنهش  بأسنانها لحد ما قطعت  صابع القدم  من اوله 

والناس اخدت بالهم وفصلوا يشدوها وهى مستميته  يشدوها وهى مكلبشه وبقهة مليان  من دم خجاوه ولحمها بس اللى يوجع القلب اكتر كلامها وهى عماله تصرخ و تقول : (انهم  اكلوا  ثلاثة من ولادي)

وتم الاعدام واسدلت الستاره على واحده من اسوء واسود صفحات التاريخ ف العراق 

كان صعب اوى عليا اتكلم بلسانهم وافكر بمشاعرهم  علشان انقلها تقريبا كما كانت من وجهة نظرى لتفكيرهم واحساسهم وضميرهم  

الروايه كانت واحده ف اكتر من مصدر الكلام واحد عند الكل بس انا كان يهمنى اعرف ايه اللى يخلى ناس توصل بهم الظروف انهم يكونوا  بالقسوه والوحشيه دى

قلة المال ولا قلة الضمير ولا عدم التربيه والبعد عن ربنا ايا كانت ديانتهم اللى اتعمدت مذكرهاش لانى اعتقد انها ملهاش دعوه بالافعال اللى عملوها 

عموما الحكايه دى خلصت

عندى طلب بس بعد اذنكم ريأكت اغضبنى على البوست يعنى اعتقد ان كده بتديه تقييم سئ لو كنت فاهمه صح 

انا عارفه ان المقصود انكم زعلانين من خجاوه مش من ابتسام ☺

انا طيبه والله ومش باكل حد علشان تزعلوا منى غيرش بس انى فى واحد ما كده بدعيله من كل قلبى علشان هيخلى العيال يمتحنوا اول يوم صيام لهم وينزلنا شغل ف يوم كان مفروض انه اجازه 

بس والله مش هاكله كفايه ندعيله يشوف الراحه اللى مريحها لنا ولعيالنا ف رمضان واحنا صايمين 

بس مش هاكله لاء لاء ولاااا لاء لاء

فتانى بلاش ريأكت اغضبنى😡

اعملوا كومنتات زعلانه زى ماانتوا عاوزين 😂😂  

وادعوا لكل عبود وخجاوه عايشين وسطنا بيمصوا دمنا ومشاركينا ف ارزاقنا 

وتوته توته خلصت الحدوته اللى اكيد مكانتش حلوه بس هى الدنيا كده فيها الحلو و فيها المرّ وواجبنا نفوق الناس ونتكلم عن المرّ لجل ما يخلوا بالهم من الحلو ويحافظوا عليه

   

بس عموما لو عاوزين تعرفوا حكايه جديده استنونى 

الليله الجايه اذا احيانا ربنا 

بس ع عموماً متنسوش لو حابين تقرأوا حاجه تانى من عندى 

اكتبوا الهاشتاج #الليله 

وجنبه اى رقم اقل من٦٦٤

هتقراوا لما تزهقوا .. دا لو فاضيين اما لو مشغولين زيى فاكيد هتعذرونى و ادعولى

ولو مش بتشوف حواديتى اليوميه بانتظام يبقى ممكن تعمل متابعه وسى فيرست 

ولو عجبك اعملوا لايك وكومنت وشجعونى اكمل 

#فوتكم_بعافيه_وعفو_ومعافاه

#ابتسام